Dünyada süd vəzi xərçəngi qadınlar arasında ən çox yayılan xərçəng növü və xərçəngdən ölümün əsas səbəblərindən biri olaraq qalır.
Ümumdünya Səhiyyə Təşkilatının (ÜST) məlumatına görə, 2017–2021-ci illərdə süd vəzi xərçəngi üzrə qlobal beşillik xalis sağqalım göstəricisinin 77,8 faiz təşkil edib.
Bu göstərici aşağı gəlirli ölkələrdə 41,9 faiz, aşağı-orta gəlirli ölkələrdə 60,1 faiz, yüksək gəlirli ölkələrdə isə 87,3 faiz olub.
Məlumatda qeyd olunur ki, xəstəliyin nəticələrindəki bərabərsizliyin aradan qaldırılması üçün keyfiyyətli tibbi xidmətlərə çıxışın yaxşılaşdırılması vacibdir.
ÜST 2021-ci ildə süd vəzi xərçəngi ilə mübarizə məqsədilə Qlobal Süd Vəzi Xərçəngi Təşəbbüsünü (GBCI) yaradıb. Təşəbbüsün əsas hədəfi süd vəzi xərçəngindən ölüm hallarını hər il 2,5 faiz azaltmaqdır. ÜST-nin hesablamasına görə, bu məqsədə nail olunması 20 il ərzində 2,5 milyon insanın həyatını xilas edə bilər.