Hörmüz boğazında bir neft tankeri raket atəşinə məruz qalıb

Hörmüz boğazında hərəkət edən neft tankeri naməlum istiqamətdən raket atəşinə məruz qalıb.

Bu barədə Böyük Britaniyanın Dəniz Ticarət Əməliyyatları İdarəsi (UKMTO) məlumat yayıb.

Hadisə nəticəsində xəsarət alan olmayıb. Tankerin aldığı zərərin miqyası və hadisənin ətraf mühitə mümkün təsiri barədə məlumat verilməyib.

Qurum hadisə ilə bağlı araşdırmanın aparıldığını bildirərək, ərazidə hərəkət edən gəmiləri ehtiyatlı olmağa çağırıb.