Rusiya Prezidenti Vladimir Putin, ABŞ Prezidenti Donald Tramp və Çin Sədri Si Cinpin arasında ilk üçtərəfli görüş noyabrın 19-da keçiriləcək.
Liderlərin görüşü Çinin Şençjen şəhərində yerli vaxtla saat 14:30-a (Bakı vaxtı ilə 10:30) planlaşdırılıb.
Danışıqlar Qilin dağının ətəyində yerləşən “Qilin Şanjuan” dövlət iqamətgahında baş tutacaq. Bir gün əvvəl həmin iqamətgahda Putinlə Si Cinpin arasında geniştərkibli ikitərəfli danışıqlar keçirilib.
Rusiya Prezidentinin köməkçisi Yuri Uşakovun sözlərinə görə, üçtərəfli görüş nümayəndə heyətlərinin iştirakı ilə keçiriləcək və onların tərkibi artıq razılaşdırılıb.
Görüşün yekununda qəbul edilməsi mümkün olan birgə bəyanatın mətni üzərində iş isə hələ davam edir.