2 nəfərin müalicəsi Cərrahiyyə şöbəsində, 2 nəfərin müalicəsi isə Təcili tibbi yardım şöbəsində davam etdirilir
Astarada idarəetməni itirən mikroavtobus aşıb. AYNA.AZ-ın APA-ya istinadən verdiyi xəbərə görə, hadisə Kijəbə-Deqədi kənd yolunda baş verib.
Astara istiqamətində hərəkətdə olan "Mercedes" markalı mikroavtobus Deqədi kəndi ərazisində aşıb. Qəza nəticəsində 10-dan çox sərnişin xəsarət alıb. Xəsarət alanlar Astara və Lənkəran rayon mərkəzi xəstəxanalarına hospitalizasiya olunublar.
Marşrutda 20-ə yaxın sərnişin olduğu bildirilir.
Faktla bağlı araşdırma aparılır.
TƏBİB-dən verilən xəbərə görə, baş vermiş yol-nəqliyyat hadisəsi səbəbi ilə xəsarət alan 4 nəfər (3 kişi,1 qadın) 11 noyabr tarixində saat 10:20 radələrində Lənkəran Rayon Mərkəzi Xəstəxanasının Təcili yardım şöbəsinə hospitalizasiya olunub. Onlara bədənin müxtəlif nahiyələrinin travmaları və sınıqları diaqnozları təyin olunub. 2 nəfərin müalicəsi Cərrahiyyə şöbəsində, 2 nəfərin müalicəsi isə Təcili tibbi yardım şöbəsində davam etdirilir. Vəziyyətləri qənaətbəxş qiymətləndirilir.