Tibbdə olduqca nadir rast gəlinən hadisə həkimləri təəccübləndirib. 16 yaşlı yeniyetmənin sol göz yuvasında tam formalaşmış "köpək dişi" aşkarlanıb.
Xarici mediaya istinadla, yeniyetmə təxminən bir ay ərzində yuxarı göz qapağında şişkinlik müşahidə etdikdən sonra həkimə müraciət edib. Şişkinlik ağrı yaratmasa da, zamanla həmin nahiyədə iki sərt, ağ rəngli çıxıntı görünməyə başlayıb.
Aparılan kompüter tomoqrafiyası müayinəsi göz yuvasının yuxarı divarında yerləşən, tacı və kökü aydın görünən dişi üzə çıxarıb. Cərrahi müdaxilə zamanı çıxarılan quruluşun bədxassəli şiş deyil, tam formalaşmış köpək dişi olduğu təsdiqlənib.
Ektopik diş nədir?
Dişlərin normal yerləşməli olduğu nahiyədən kənarda inkişaf etməsi tibbdə ektopik diş anomaliyası adlanır. Belə dişlər daha çox çənə ciblərində, bəzən isə burun boşluğunda və damaqda aşkarlanır.
Dişin birbaşa göz yuvasında yerləşməsi isə son dərəcə nadir haldır. Bu nahiyədə göz alması ilə yanaşı, çoxsaylı sinirlər və qan damarları da yerləşdiyindən belə anomaliyalar xüsusi tibbi diqqət tələb edir.
Anomaliyanın səbəbi nədir?
Mütəxəssislər ektopik dişlərin yaranmasının dəqiq səbəblərini tam müəyyən edə bilməyiblər. Bəzi hallarda bu vəziyyət anadangəlmə inkişaf xüsusiyyətləri ilə əlaqələndirilir.
Müalicə dişin yerləşdiyi nahiyədən, yaratdığı simptomlardan və mümkün fəsadlardan asılıdır. Ağrı və iltihab olmadıqda bəzi hallarda həkim nəzarəti kifayət edə bilər. Lakin bu hadisədə dəridə zədələnmə yarandığı üçün cərrahi müdaxilə zəruri olub.
Həkimlər belə qeyri-adi dəyişikliklər müşahidə edildikdə vaxtında mütəxəssisə müraciət etməyin vacibliyini vurğulayırlar.
A 16-year-old in India has a tooth removed from beside his eye The teenager developed a painless swelling near his left eye. A month later, two white tips appeared between his eyelid and eyebrow. Doctors discovered a fully formed canine tooth in the area and removed it. This type of abnormality is known as dental ectopia. It occurs when a tooth develops or erupts in the wrong place. Possible causes include abnormalities during fetal development, injuries, cysts or tumors. Doctors were unable to determine why the tooth grew near this particular teenager’s eye. No other similar abnormalities were found.
— NEXTA (@nexta_tv) October 15, 2026