Şahzadə Harri Rusiya ilə müharibəyə hazır olduğunu açıqladı

Böyük Britaniya şahzadəsi Harri Rusiya ilə mümkün müharibə zamanı ölkəsinin ordusunda xidmət etməyə hazır olduğunu açıqlayıb.

Sasseks hersoqu bu barədə Lvovda verdiyi müsahibədə danışıb.

Onun sözlərinə görə, Avropa Rusiyaya qarşı mümkün münaqişəyə hazırlaşmalıdır.

“Əgər məni hərbi xidmətə çağırsalar və buna ehtiyac yaranarsa, ölkəmə xidmət etməyə 100 faiz hazıram”, – deyə Harri bildirib.

Qeyd edək ki, şahzadə Harri Britaniya ordusunda 10 il xidmət edib. O, iki dəfə Əfqanıstanda hərbi xidmətdə olub və döyüş helikopteri “Apache”nin pilotu kimi fəaliyyət göstərib.