Türkiyənin İzmir şəhərinin Aliağa rayonunda yerləşən Habaş Demir-Çelik metallurgiya zavodunda baş verən partlayış nəticəsində ölənlərin sayı 19-a yüksəlib.
Xilasedicilər hadisə zamanı itkin düşən işçi Barış Günayın meyitini aşkar ediblər. Bununla da faciə qurbanlarının sayı 19-a çatıb.
Qeyd edək ki, noyabrın 9-da çuqun və polad istehsalı ilə məşğul olan zavodda güclü partlayış baş verib.
Hadisəyə maye poladın tökülməsi prosesi zamanı tavan kranının qırılaraq elektrik qövs sobasının üzərinə düşməsi səbəb olub.
Partlayış baş verən zaman zavodda işçilər növbədə olublar.