Donald Tramp Rusiya və Çinin Vaşinqtona casusluq etdiyini, lakin ABŞ-ın də bu ölkələrə qarşı eyni fəaliyyəti həyata keçirdiyini deyib.
O, bu barədə Ayova ştatının Dabuik şəhərində keçirilən seçki mitinqində çıxışı zamanı danışıb.
“Mənə dedilər ki, Çin və Rusiya bizə casusluq edir. “Bu doğrudur. Biz də onlara qarşı bunu edirik, amma daha yaxşı edirik”, – cavanı verdim”, deyə Tramp bildirib.
Qeyd edək ki, “The Washington Post” daha əvvəl Pentaqonun Çin və digər rəqiblərə qarşı iqtisadi kəşfiyyat fəaliyyəti üçün gizli agentlər şəbəkəsinin olduğunu yazmışdı. Pentaqon isə belə bir layihənin mövcudluğunu təkzib etmişdi.