2027-ci ildə Ukraynada hərbi əməliyyatlar dayanacaq.
Bunu Rusiyanın keçmiş baş naziri Mixail Kasyanov deyib.
“Qərb ölkələri Rusiyaya təzyiqi artırarsa, bu, ilin ortalarına, mövcud vəziyyət davam edərsə, ilin sonuna qədər baş verə bilər. Hətta indiki şəraitdə belə, hesab edirəm ki, gələn ilin sonuna qədər Putin müharibəni bitirmək istəyəcək. O, ciddi problemlərlə üzləşməyə başlayır. Hazırda maliyyə vəziyyəti nisbətən sabit olsa da, artan iqtisadi çətinliklər ilin sonuna doğru maliyyə böhranına gətirib çıxaracaq. Nəticədə, Putinin müharibəni maliyyələşdirmək imkanları xeyli azalacaq", - Kasyanov bildirib.