Bakı, 20 noyabr, AZƏTAC İqtisadçı-alim, hüquqşünas, Dünya Bankının Azərbaycanda “Business Ready” layihəsi üzrə eksperti, Azərbaycan Qiymətləndiricilər Cəmiyyətinin müşaviri, iqtisad üzrə fəlsəfə doktoru Nazim Şükürov Bakı Dövlət Universitetində (BDU) “Maliyyə savadlılığı” mövzusunda görüş keçirib.Bu barədə AZƏRTAC-a AMEA-dan məlumat verilib.“BDU könüllüləri” təşkilatı və 6 saylı Bakı “ASAN xidmət” mərkəzinin könüllülərinin birgə təşkilatçılığı ilə keçirilən tədbirdə şəxsi büdcənin idarə olunması, gəlir və xərclərin düzgün planlaşdırılması, qənaət vərdişlərinin formalaşdırılması, maliyyə resurslarından səmərəli istifadə və düşünülmüş maliyyə qərarlarının qəbulu kimi məsələlərə toxunulub.Görüşün əsas məqsədi könüllülərin maliyyə savadlılığını artırmaq, onların şəxsi maliyyənin idarə olunması sahəsində bilik və bacarıqlarını inkişaf etdirmək, gündəlik həyatda düzgün maliyyə qərarları vermək vərdişlərini təşviq etmək olub.