Bakı, 20 noyabr, AZƏRTAC Azərbaycan Milli Elmlər Akademiyasının (AMEA) strukturunda dəyişilklik edilib. AZƏRTAC xəbər verir ki, bununla bağlı Baş nazir Əli Əsədov Qərar imzalayıb. Nazirlər Kabinetinin 2022-ci il 30 sentyabr tarixli 374 nömrəli Qərarı ilə təsdiq edilmiş “Azərbaycan Milli Elmlər Akademiyasının strukturu”nda dəyişiklik edilməsi haqqında Qərara əsasən, Gəncə bölməsinin tabeliyində olan elmi müəssisələrə Humanitar Tədqiqatlar və Diyarşünaslıq İnstitutu və Nizami Gəncəvi Mərkəzi daxildir. Azərbaycan Milli Elmlər Akademiyasına bu Qərardan irəli gələn məsələləri həll etmək tapşırılıb.