Gürcüstanda matəm elan edildi

Tbilisidə yaşayış binasında baş verən partlayış nəticəsində 6 nəfərin həlak olması ilə əlaqədar noyabrın 22-si Gürcüstanda matəm günü elan edilib.

Müvafiq qərar Gürcüstan hökuməti tərəfindən qəbul edilib.

Qərara əsasən, həmin gün ölkə ərazisində dövlət bayraqları yarıya qədər endiriləcək.

Qeyd edək ki, hadisə nəticəsində 4 nəfər xəsarət alıb.

Dağıntılar altında qalan yeddi nəfərdən yalnız biri – 3 yaşlı uşaq xilas edilib.

Həlak olanlar arasında üç qadın, bir kişi və iki uşaq var.