“Real Madrid” və Fransa millisinin hücumçusu Kilian Mbappe UEFA Millətlər Liqasının 5-ci turunda İtaliya ilə 12 noyabrda keçiriləcək oyunu buraxacaq.
“L’Équipe” qəzetinin məlumatına görə, oyunçu bud əzələlərində ağrıdan əziyyət çəkir.
Mənbənin məlumatına görə, Mbappenin Millətlər Liqasının qrup mərhələsinin Türkiyə ilə son oyununda meydana qayıdacağı gözlənilir. Oyun 15 noyabrda keçiriləcək.
Mbappe bu mövsüm La Liqa və UEFA Çempionlar Liqasında “Real Madrid”in heyətində 16 oyun keçirib, 17 qol vurub və 3 məhsuldar ötürmə edib.