Təbrizdə azərbaycanlı hakim və ailə üzvlərinin qətl səbəbi məlum olub

Təbrizdə azərbaycanlı hakim İbrahim Sadiqinin, həyat yoldaşının və kiçik oğlunun qətl səbəbi məlumn olub.

"Azad İran" "Telegram" kanalına istinadən, Şərqi Azərbaycan əyalətinin prokurorunun sözlərinə görə, qətlin icraçısı hakimin həyat yoldaşının qohumlarından biri olub.

Prokuror bildirib ki, bu cinayətin səbəbi ailə münaqişəsi olub və hücum edən şəxs ov silahından istifadə edərək hakimi və onun iki ailə üzvünü qətlə yetirib.

Məlumata görə, cinayəti törədən şəxs qətldən sonra intihara cəhd etsə də, sağ qalıb.