Türkiyənin Van vilayətinin Gevaş rayonunda 4,3 maqnitudalı zəlzələ baş verib.
Bu barədə Türkiyənin Fövqəladə Halların İdarə Olunması Agentliyinin (AFAD) məlumatında qeyd olunub.
Bildirilib ki, zəlzələnin episentri Van gölündə, Gevaş rayonundan 7,74 kilometr məsafədə yerləşib.
Zəlzələ yerli vaxtla saat 18:57:45-də qeydə alınıb. Yeraltı təkanların ocağı 13,61 kilometr dərinlikdə yerləşib.