Rusiyada Azərbaycan vətəndaşının həlak olması ilə nəticələnin ağır yol-nəqliyyat hadisəsi baş verib.
Hadisə Kalmıkiya Respublikasının paytaxtı Elista şəhəri yaxınlığında qeydə alınıb.
Məlumata görə, qəza üç nəqliyyat vasitəsinin iştirakı ilə baş verib.
Belə ki, 50 yaşlı Azərbaycan vətəndaşının idarə etdiyi “DAF” markalı yük avtomobili, “Mercedes” markalı yük avtomobili və “Volkswagen” markalı mikroavtobus toqquşub.
Qəza nəticəsində Azərbaycan vətəndaşı aldığı xəsarətlərdən hadisə yerində vəfat edib. Daha iki Rusiya vətəndaşı isə xəsarət alıb.
Qəzanın iki yük avtomobilinin üz-üzə toqquşması və mikroavtobusa toxunması nəticəsində baş verdiyi bildirilir.
Qəza nəticəsində ölən həmyerlimiz Vüqar adlı şəxsdir. Onun Salyan rayonundan olduğu bildirilir. (Qafqazinfo)