Avropa İttifaqının Ukrayna münaqişəsinin nizamlanması üzrə Rusiya, ABŞ və Ukrayna ilə danışıqlarda əsas prioritetləri atəşkəsə nail olunması, təhlükəsizlik zəmanətlərinin formalaşdırılması və Ukraynanın bərpası prosesində iştirak olacaq.
Bu barədə Avropa Komissiyasının Prezidenti Ursula fon der Lyayen bildirib.
Onun sözlərinə görə, Aİ Ukraynanın bərpası ilə bağlı müqavilələrin əldə edilməsini də danışıqlarda əsas məsələlərdən biri hesab edir.
Fon der Lyayen, həmçinin Rusiyaya qarşı 22-ci sanksiyalar paketinin ən qısa müddətdə təqdim ediləcəyini açıqlayıb.
Avropa Komissiyasının Prezidenti ilin sonunadək Ukraynaya hərbi maliyyə dəstəyi ilə bağlı yeni təkliflərin hazırlanacağını da bildirib.