Azərbaycan paracüdoçusu İlham Zəkiyev Misirin İsgəndəriyyə şəhərində keçirilən Qran-Pri yarışında bürünc medal əldə edib.
Bu barədə Azərbaycan Milli Paralimpiya Komitəsi məlumat yayıb.
İdmançımız J1 kateqoriyası üzrə +95 kq çəki dərəcəsində mübarizə aparıb.
İlham Zəkiyev 1/8 final mərhələsində britaniyalı Den İnqliş üzərində qələbə qazansa da, 1/4 finalda moldovalı İan Basokaya məğlub olub.
Təsəlliverici görüşdə özbəkistanlı Ulmas Rayimovu məğlub edən idmançımız bürünc medal uğrunda qarşılaşmada qazaxıstanlı Baqlanbek Onalbek üzərində qələbə qazanaraq fəxri kürsünün üçüncü pilləsinə yüksəlib.