Rusiyanın əfsanəvi teatr aktyoru vəfat etdi

Rusiyanın əfsanəvi teatr aktyoru, Əməkdar artisti Vladimir Ustinov 84 yaşında uzun sürən xəstəlikdən sonra vəfat edib.

Bu barədə aktyorun 1974-cü ildən çalışdığı Ryazan Gənc Tamaşaçılar Teatrı məlumat yayıb.

Yaradıcılıq yoluna Permdə başlayan sənətkar 50 ildən artıq səhnə fəaliyyəti dövründə komediyadan faciəyə qədər geniş diapazonda 80-dən çox yaddaqalan obraz yaradıb.

Həmkarları teatr əfsanəsini təkcə böyük səhnə ustası kimi deyil, həm də hər zaman dəstək olmağa hazır olan həssas və həyatsevər insan kimi xatırlayırlar.