Su və Meliorasiya İnstitutunda maaşlar təsdiqləndi, 435 ştat ayrıldı

Nazirlər Kabineti “Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun strukturunun, işçilərinin say həddinin, əməkhaqlarının (vəzifə maaşları, vəzifə maaşlarına əlavələr, mükafatlar və digər ödənişlər) məbləğlərinin təsdiq edilməsi haqqında” qərar verib.

Qərara əsasən, İnstitutun strukturuna Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun aparatı (şöbələr və sektorlar), Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun “Təlimlərin Təşkili və İnnovasiyalar Mərkəzi” və Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun “Laboratoriya və Təcrübə Mərkəzi” daxildir.

Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun işçilərinin say həddi 435 ştat vahidi olmaqla təsdiq edilib.

Eyni zamanda Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun işçilərinin əməkhaqlarının məbləğləri (vəzifə maaşları, vəzifə maaşlarına əlavələr, mükafatlar və digər ödənişlər) təsdiqlənib.

Azərbaycan Dövlət Su Ehtiyatları Agentliyinin tabeliyində “Su və Meliorasiya üzrə Layihələndirmə və Elmi Tədqiqat İnstitutu”nun işçilərinin əməkhaqlarının məbləğləri (vəzifə maaşı, vəzifə maaşlarına əlavələr, mükafatlar və digər ödənişlər)

Sıra №-si · Vəzifələrin adı · Aylıq vəzifə maaşı (manatla)

1. · Direktor · 6000

2. · Direktor müavini, direktor müavini-baş mühəndis · 5000

3. · Mərkəz müdiri · 4200

4. · Şöbə müdiri · 4000

5. · Mərkəz müdirinin müavini · 3400

6. · Şöbə müdirinin müavini · 3300

7. · Sahə rəisi · 2900

8. · Sektor müdiri, sektor müdiri-baş mühasib · 2700

9. · Direktorun köməkçisi · 2600

10. · Elmi katib · 2300

11. · Baş məsləhətçi, baş elmi işçi · 2100

12. · Baş aqronom, baş mexanik · 2000

13. · Aparıcı məsləhətçi, aparici iqtisadçı, aparici elmi işçi · 1800

14. · Böyük mühəndis, böyük məsləhətçi, böyük elmi işçi · 1600

15. · Mühəndis, məsləhətçi, elmi işçi, texnoloq-analtik · 1400

16. · Kiçik elmi işçi, böyük laborant · 1200

17. · Anbar təsərrüfatının rəhbəri · 910

18. · Anbardar · 890

19. · Laborant, kompüter operatoru, dispetçer · 700

20. · Elektrik, sürücü · 600

21. · Texniki işçi (qazanxana operatoru, fəhlə, xadimə, bağban, gözətçi) · 500

Qeyd. İnstitutun işçilərinin vəzifə maaşlarına əlavələr, mükafatlar və digər ödənişlər göstərdiyi xidmətlərdən əldə edilən gəlir hesabına verilir.