Bakı, 11 noyabr, AZƏRTACUEFA Millətlər Liqasının D Divizionunun son turunda keçiriləcək Lixtenşteyn - Azərbaycan oyununa hakim təyinatları açıqlanıb.AZƏRTAC UEFA-nın rəsmi saytına istinadən xəbər verir ki, qarşılaşmanı Estoniyadan olan hakimlər briqadası idarə edəcək.Baş hakim Kristo Tohver olacaq. Ona Silver Koiv və Sander Saqa kömək edəcəklər.Dördüncü hakim funksiyasını Yonas Yanovits yerinə yetirəcək.Qeyd edək ki, noyabrın 13-də Vaduts şəhərində keçiriləcək görüş Bakı vaxtı ilə saat 23:45-də başlayacaq.
