“Minsk sanksiyalar şəraitində Belarus ərazisindən Avropa İttifaqına üz tutan qanunsuz miqrantları dayandırmayacaq”.
Bunu Belarus Prezidenti Aleksandr Lukaşenko deyib.
“Açıq şəkildə söyləmişəm: siz məni sanksiyalarla boğursunuz, boynuma kəndir keçirirsiniz, amma mən gedib kimisə tutmalı, sizi müdafiə etməliyəm? Sanksiyalardan əvvəl belə edirdik. Siz sanksiyalar tətbiq etdiniz, bizi boğmağa başladınız, indi isə istəyirsiniz ki, mən əvvəlki siyasəti davam etdirim? Bu suala açıq cavabım belədir: biz heç kimi dayandırmayacağıq”, - Lukaşenko bildirib.
Belarus lideri xatırladıb ki, miqrantlar Avropa ölkələrinin dəvəti ilə Avropa İttifaqına üz tuturlar:
“Üstəlik, onları özünüz dəvət etmisiniz. İşçi qüvvəniz çatışmır, insan resurslarınız kifayət etmir. İnsanlar sizin çağırışınızla ölkələrinizə gəlirlər. Elə isə onları qəbul edin və onlar üçün insani şərait yaradın”.
