“Üçbaşlı müharibə partiyası” məhv edilib, bunu dünən yerli özünüidarəetmə orqanlarına keçirilən seçkilərin nəticələrində də görürük”.
Bunu Ermənistan Baş naziri Nikol Paşinyan deyib.
O qeyd edib ki, Ermənistanda xaricdən idarə olunan casus müxalifət kökündən aradan qaldırılmalıdır:
“Ermənistanda xaricdən idarə olunan casus müxalifəti kökündən aradan qaldırmalıyıq. Ermənistanın dövlət maraqlarını əsas götürən müxalifəti olmalıdır. Belə bir müxalifətin yaranması üçün biz (hökumət) heç nə etməməliyik, çünki əks halda daha pis vəziyyətə düşərik və keçmişə qayıdarıq. Bu, Ermənistan üçün fəlakət olardı”.
Baş nazir yeni müxalifətin formalaşdırılması məsələsi ilə bağlı ictimai dinləmələrin təşkil edilməsinin zəruri olduğunu da bəyan edib. Paşinyan mümkün həll yolu kimi bir sıra siyasi qüvvələrin fəallaşmasının vacibliyini vurğulayıb.
Xatırladaq ki, Nikol Paşinyan “üçbaşlı müharibə partiyası” dedikdə Robert Köçəryan, Samvel Karapetyan və Qaqik Sarukyanın rəhbərlik etdiyi siyasi qüvvələr arasındakı işbirliyini nəzərdə tutur.