Məktəbli qız itlərin hücumundan son anda xilas oldu - Hadisə görüntüləri

Ağdamda məktəbli qız sahibsiz itlərin hücumuna məruz qalıb.

News24.az hadisə rayonun Quzanlı qəsəbəsində baş verib.

150 saylı tam orta məktəbin şagirdi hazırlıqdan sonra yaşadığı ünvana gedərkən bir neçə sahibsiz itin hücumuna məruz qalıb.

Hadisəni görən yaxınlıqdakı sakinlər müdaxilə edərək məktəbli qızı itlərin əlindən xilas ediblər.

Hücum nəticəsində qızın ayaq nahiyəsindən xəsarət aldığı bildirilir.

Hadisə ilə bağlı araşdırma aparılır.

Görüntülər təhlükəsizlik kamerası tərəfindən qeydə alınıb.

Xatırladaq ki, bu gün Şəkidə də 4 yaşlı qız itlərin hücumuna məruz qalmışdı.//qafqazinfo.az