Bakı Dövlət Universiteti (BDU) rektor Məleykə Abbaszadənin vəzifəsinin icrasına başladıqdan sonra işdən azad olunma və ya təyinatla bağlı hər hansı əmr imzalamadığını bildirib.
Universitet açıqlamasında Məleykə Abbaszadənin noyabrın 19-da kollektivə təqdim olunduğunu xatırladıb.
“BDU ilə bağlı məlumatları yayımlamazdan əvvəl universitetin İctimaiyyətlə əlaqələr və informasiya şöbəsi ilə dəqiqləşdirməyi və rəsmi xəbərlərə istinad etməyi xahiş edirik”, – açıqlamada bildirilib.
Bakı Dövlət Universitetində (BDU) kadr islahatı aparılıb.
"Unikal"a istinadən, bununla bağlı BDU-nun rektoru Məleykə Abbaszadə əmr imzalayıb.
Əmrə əsasən, rektorun köməkçisi Nərmin Heydərli vəzifəsindən azad edilib.
Qeyd edək ki, Nərmin Heydərli BDU-nun bir neçə gün əvvəl işdən çıxarılan rektoru Elçin Babayevin dövründə bu vəzifəyə təyin olunmuşdu.