Moskva, 19 noyabr, AZƏRTAC Rusiya Prezidenti Vladimir Putin Çinin Sədri Si Cinpin və ABŞ Prezidenti Donald Trampla Şençjendə keçirilən APEC sammiti çərçivəsində baş tutan görüşü çox faydalı adlandırıb. O, bu görüşün ardınca yeni üçtərəfli danışıqların keçiriləcəyinə ümidvar olduğunu bildirib.AZƏRTAC xəbər verir ki, danışıqların yekunlarına dair brifinqdə V.Putin açıq söhbətin liderlərə bir-birini daha yaxşı anlamağa imkan verdiyini qeyd edib. O, bu görüşü diplomatiya tarixindəki səhifələrdən biri kimi qiymətləndirib. Onun fikrincə, üçtərəfli görüş uğurlu olub, baxmayaraq ki, bəzi qərarlar digər formatlarda da qəbul edilə bilər.Ukrayna münaqişəsindən danışan V.Putin D.Trampın münaqişənin nizamlanmasına nail olmaq və Moskva ilə Vaşinqton arasında əməkdaşlığı qurmaq istəyinin səmimiliyinə şübhə etmədiyini bildirib. Rusiya lideri, həmçinin vurğulayıb ki, razılaşmaların qismən yerinə yetirilməsi onların ümumiyyətlə yerinə yetirilməməsindən daha yaxşıdır. Fəridə Abdullayeva AZƏRTAC-ın xüsusi müxbiri Moskva