Paşinyan istefaya gedəcəyini rəsmən açıqladı

Ermənistanın Baş naziri Nikol Paşinyan noyabrın 19-da jurnalistlərlə söhbətində bildirib ki, yeni Konstitusiyanın ilkin layihəsi gələn həftə dərc olunacaq.

O, bir daha vurğulayıb ki, əgər xalq yeni Konstitusiyanın qəbul edilməsini rədd edərsə, istefa verəcək.

"Yeni Konstitusiya qəbul edilərsə, şəxsən mən baş nazirliyə namizəd olmayacağam. Yəni referendum nəticələrindən asılı olmayaraq. Əgər müxalifət bu təklifi rədd edərsə, biz onları aradan qaldıracağıq. Eyni zamanda, xalq referendumdan asılı olmayaraq, çıxıb mənim istefamı tələb edə bilər", - deyə Paşinyan əlavə edib.

Paşinyan bildirib ki, müstəqil Ermənistanda siyasi liderlik Daşnaksütyun partiyasının ideologiyasına əsaslanıb.

"Sovet Ermənistanı Daşnak Ermənistanına çevrildi. Niyə biz Qərbi Ermənistan tezisi ilə DQMV-nin Ermənistana birləşdirilməsi ilə bağlı Müstəqillik Bəyannaməsində yer alan müddəalar arasında əlaqə axtarmamalıyıq? Onlar Ermənistanı münaqişəli məntiqə salıblar. Biz Ermənistanı bu məntiqdən kənarlaşdırmalıyıq", - deyə Paşinyan qeyd edib.