Şimali Koreya Yapon dənizində yeni yüksək sürətli torpedo silah sisteminin sınaqlarını keçirib.
AZƏRTAC xəbər verir ki, bu barədə Koreya Mərkəzi Xəbər Agentliyi məlumat yayıb.
Agentliyin məlumatına görə, sınaq noyabrın 9-da ölkənin müdafiə sahəsində fəaliyyət göstərən elmi-tədqiqat institutlarının birgə hazırladığı yeni torpedo sisteminin döyüş effektivliyini yoxlamaq məqsədilə keçirilib.
Bildirilib ki, sınaq sistemin döyüş qabiliyyətini təsdiqləyib. Yeni torpedo silahının 2027-ci ilin əvvəlindən Şimali Koreya Hərbi Dəniz Qüvvələrinin silahlanmasına daxil edilməsi planlaşdırılır.