Azərbaycan Respublikasının Birinci vitse-prezidenti xanım Mehriban Əliyevaya Hörmətli Mehriban xanım.Sizi 8 Noyabr - Zəfər Günü münasibətilə səmimi-qəlbdən təbrik edirəm. Zəfər Günü Azərbaycan Respublikasının tarixinə qızıl hərflərlə həkk olundu. Prezident İlham Əliyevin rəhbərliyi ilə Müzəffər Ordumuz İkinci Qarabağ müharibəsində tarixi Qələbə qazandı və ölkəmizin ərazi bütövlüyü bərpa edildi, xalqımızın milli qüruru özünə qaytarıldı. Bu Qələbə Prezidentin Azərbaycanın ərazi bütövlüyü uğrunda apardığı mübarizənin, diplomatik fəaliyyətinin və Ordu quruculuğunun nəticəsində qazanıldı. İkinci Dünya müharibəsindən sonra tarixdə ilk dəfədir ki, bir ölkənin ərazisinin 20 faizi işğaldan azad olunub. Bu, ölkə rəhbərinin və Müzəffər Ordumuzun dünya tarixinə yazdığı şanlı səhifədir.Bu gün “Böyük Qayıdış” Proqramı çərçivəsində Qarabağa köç həyata keçirilir və Siz bu proqramın reallaşmasında yaxından iştirak edirsiniz. Artıq xeyli soydaşımız doğma yurdlarına qayıdıb və müasir şəraitdə yaşayır. Sizin Qarabağ bölgəsində mədəni və mənəvi dəyərlərimizin bərpa edilməsində əvəzsiz xidmətiniz vardır.Sizə möhkəm cansağlığı, ailə səadəti, fəaliyyətinizdə böyük nailiyyətlər arzulayıram.Dərin hörmətlə, Asəf HacıyevQara Dəniz İqtisadi Əməkdaşlıq Təşkilatının Parlament Məclisinin Baş katibi
