“18 yaşına çatmış hər bir şəxs orqan donoru olmaq barədə qərar verə bilər. Şəxs sağlığında ölümündən sonra orqanlarının bağışlanmasına razılıq veribsə, vəfat etdikdən sonra yaxınları bu qərara müdaxilə edə bilməz”.
Bunu Orqan Donorluğu və Transplantasiyası üzrə Koordinasiya Mərkəzinin sədri Yeganə Abbasova Səhiyyə Nazirliyinin media nümayəndələri üçün təşkil etdiyi maarifləndirici seminarda bildirib.
Onun sözlərinə görə, donor olmaq barədə qərar verən şəxs sağlığında bu razılığını geri götürmək hüququna malikdir:
“Əgər şəxs donor olmaq üçün müraciət edibsə, sağlığında istənilən vaxt qərarından imtina edə bilər. Lakin 18 yaşına çatmış şəxs ölümündən sonra orqanlarının bağışlanmasına razılıq veribsə, vəfatından sonra yaxınları onun qərarını dəyişdirə bilməz”.