İrəvanın Nor Nork rayon məhkəməsi “Çiçəklənən Ermənistan” Partiyasının lideri, iş adamı Qaqik Çarukyanın həbs müddətini daha üç ay uzadıb.
Bu barədə məhkəmənin qərarı açıqlanıb.
Xatırladaq ki, Qaqik Çarukyan iyulun 7-də xüsusilə külli miqdarda dələduzluq və çirkli pulların yuyulması ittihamları ilə həbs edilib. Daha sonra ona qarşı vergidən yayınma maddəsi ilə də yeni cinayət təqibinə başlanıb.
Sentyabrın 4-də məhkəmə onun həbs müddətini iki ay uzatmışdı.
Çarukyanın müdafiə tərəfi isə onun həbsdə saxlanılması üçün heç bir əsasın olmadığını bildirir.
