Gəncədə avtomobil 20 yaşlı qızı vurub

Gəncədə piyadanın vurulması ilə nəticələnən yol-nəqliyyat hadisəsi baş verib.

APA-nın yerli bürosunun məlumatına görə, hadisə şəhər ərazisində qeydə alınıb.

Hərəkətdə olan avtomobil yolu keçmək istəyən 2006-cı il təvəllüdlü A. Axundovanı vurub.

Xəsarət alan 20 yaşlı qız xəstəxanaya yerləşdirilib. Onun vəziyyətinin orta ağır olduğu bildirilir.

Hadisə yerinə polis əməkdaşları cəlb olunub.

Faktla bağlı araşdırma aparılır.