"Flamenqo" 9-cu dəfə Braziliya çempionu olub

“Flamenqo” futbol üzrə Braziliya çempionatının 36-cı turu çərçivəsində səfərdə “Palmeyras”la qarşılaşıb. Görüş 1:1 hesabı ilə başa çatıb.

Ev sahiblərinin heyətində Con Arias (12-ci dəqiqə), qonaqların heyətində isə Samuel Lino (76-cı dəqiqə) fərqlənib.

Bu oyundan sonra “Flamenqo” mövsümün başa çatmasına iki tur qalmış rəqibləri üçün əlçatmaz olub və vaxtından əvvəl Braziliya çempionu adını qazanıb. Komanda bununla da ötən mövsüm qazandığı çempionluq titulunu qoruyub.

Bu, klubun ölkə çempionatında doqquzuncu çempionluğudur. Bu göstəriciyə görə “Flamenqo” “Santos”u geridə qoyub. Rekord isə 12 çempionluğu olan “Palmeyras”a məxsusdur.