Sumqayıtda azyaşlı qız dəm qazından boğuldu

Gecə Sumqayıtda azyaşlı dəm qazından boğulub.

Bizim.Media-nın sorğusuna cavab olaraq bildirilib ki, bu gün saat 04:45 radələrində Respublika Təcili və Təxirəsalınmaz Tibbi Yardım Mərkəzinə Sumqayıt şəhəri, 13 mkr. ərazisindən çağırış qeydə alınıb.

Çağırış ünvanına təcili tibbi yardım briqadası göndərilib.

Təcili tibbi yardım briqadası tərəfindən 1 azyaşlının (qadın cinsli) həkiməqədər ölüm faktı qeydə alınıb.

Qeyd edək ki, mediada yayılan məlumatlarda onun dəm qazından boğulduğu bildirilib. Azyaşlının doqquz yaşı olduğu qeyd edilir.

Fəridə, Bizim.Media