Rutte Rusiya, Çin və ABŞ liderlərinin görüşünü dəyərləndirdi

NATO-nun Baş katibi Mark Rutte Rusiya, Çin və ABŞ liderlərinin görüşünün nəticələrinə görə narahat olmadığını bildirib.

Bu barədə DPA agentliyi məlumat yayıb.

"Unutmaq olmaz ki, Rusiya və ABŞ böyük nüvə dövlətləridir. Çin isə yüksələn nüvə gücüdür", - deyə Rutte qeyd edib.

NATO Baş katibinin fikrincə, bu cür görüşlər tamamilə normal haldır: "Ona görə də mən, ümumiyyətlə narahatlıq keçirmirəm".

Xatırladaq ki, Rusiya, ABŞ və Çin liderləri Şençjendə keçirilən APEC sammiti çərçivəsində görüşüblər. Bu tərkibdə ilk dəfə baş tutan görüşdə dövlət başçıları beynəlxalq vəziyyəti müzakirə edib, strateji sabitliyi və təhlükəsizliyi qoruyacaqlarını bildiriblər.

Görüşün sonunda tərəflər sülh bəyannaməsi qəbul ediblər.