Peyvəndlənmə qrip və xəstəxanadan kənar pnevmoniyadan qorunmağın ən effektiv üsulu hesab olunur.
Bu barədə Rusiyanın İstehlakçı Hüquqlarının Müdafiəsi və İnsan Rifahına Nəzarət üzrə Federal Xidməti (Rospotrebnadzor) "RIA Novosti"yə açıqlamasında bildirib.
Qurumun məlumatına görə, qripin ağırlaşma riski yüksək olan şəxslərə, o cümlədən tez-tez kəskin respirator virus infeksiyalarına yoluxanlara və xroniki xəstəlikləri olanlara peyvənd xüsusilə tövsiyə edilir.
Bundan əlavə, xəstəxanadan kənar pnevmoniyanın profilaktikası üçün pnevmokok və hemofil infeksiyalarına qarşı peyvənd olunmaq məsləhət görülür.
Rospotrebnadzor ürək-damar xəstəliklərindən əziyyət çəkən şəxslərin də qripə qarşı peyvənd olunmasının vacibliyini vurğulayıb.