Banqladeşdə dini məktəbdə baş verən qalmaqal ölkə gündəminə çevrilib. Belə ki, müəllim uşaqlardan birinə təcavüz etməkdə şübhəli bilinir.
Bu barədə "Newage" məlumat yayıb.
Nəşrin məlumatına görə, zorakılıq hadisələri bir neçə ay davam etsə də, zərərçəkən bu barədə valideynlərinə heç vaxt məlumat verməyib. Lakin oğlanın ailə üzvləri uşağın vəziyyətinin tez- tez pisləşdiyini hiss ediblər. O, qusur və qarın nahiyəsindəki ağrılardan əziyyət çəkirmiş.
"Oğlan xəstələndikdə onu evdən çölə buraxmayıblar və uşağın vəziyyəti yaxşılaşıb. Lakin o yenidən məktəbə getdikdən sonra eyni hal təkrarlanmağa başlayıb. Elə bir məqam yetişib ki, yetkinlik yaşına çatmayan oğlan ümumiyyətlə məktəbə getməkdən imtina edib.
Daha sonra o, nənəsinə müəllimin ona tez-tez təcavüz etdiyini etiraf edib. Uşağın valideynləri digər kəndlilərlə birlikdə məktəbə gələrək müəllimi döyüblər və sonra sakinlər onu polisə təhvil veriblər.
Kişiyə qarşı cinayət işi açılıb. Həkimlər isə fiziki və cinsi təzyiqlərə məruz qalan uşağa bütün lazımi tibbi yardımı göstəriblər", - nəşr yazıb.