ABŞ Prezidenti Donald Tramp Əbu-Dabidə Ukrayna münaqişəsinin nizamlanması üzrə keçiriləcək üçtərəfli danışıqlarda ciddi irəliləyişin əldə oluna biləcəyini istisna etməyib.
Tramp bu barədə “Reuters” agentliyinə müsahibəsində bildirib.
ABŞ Prezidentindən Əbu-Dabidə keçiriləcək danışıqların sülh prosesində dönüş nöqtəsi olub-olmayacağı soruşulub.
“Mümkündür. Orada nəsə baş verə bilər”, – Tramp cavab verib.
Qeyd edək ki, noyabrın 10–11-də Əbu-Dabidə ABŞ, Rusiya və Ukrayna nümayəndələrinin iştirakı ilə üçtərəfli danışıqların keçirilməsi nəzərdə tutulur.