“Tenerife” mərhum hücumçu Jesus de Miqelin qızına maliyyə dəstəyi verməyi öhdəsinə götürdüyünü açıqlayıb.
Bu barədə klubunun baş direktoru Antonio Manuel Porro Qranados məlumat verib.
O qeyd edib ki, İspaniya klubu futbolçunun ailəsinə və bir yaşlı qızı Karlaya ən azı yetkinlik yaşına çatana qədər dəstək olmağı planlaşdırır:
“Planımız qızın yanında olmaq və bütün “Tenerife” ailəsinin onu dəstəkləməsini təmin etməkdir. Ən azından yetkinlik yaşına çatana qədər onun yanında olmaq istəyirik.
Bu, əsas səhmdarımız Rayko Qarsiyanın təşəbbüsü ilə verdiyimiz və tam dəstəklədiyimiz bir öhdəlikdir. Bu, “Tenerife” klubunun ailəyə və qızları Karlaya verdiyi bir öhdəlikdir.
Qanuni olaraq etməyə borclu olduğumuzdan əlavə, bütün aspektlərdə maksimum dəstək göstərəcəyik. Həmçinin, ən azı maddi cəhətdən bu halların onların həyatına o qədər də əhəmiyyətli təsir göstərməməsi üçün maliyyə yardımını artırmağın digər yollarını da nəzərdən keçiririk”.
Xatırladaq ki, 30 yaşlı Jesus de Miqel İspaniya Sequnda Divizionu matçında “Andorra”nın qapıçısı Jesus Ovono ilə toqquşmadan sonra dünyasını dəyişib.