Niderland Beynəlxalq Enerji Agentliyinin (BEA) kollektiv tədbirlərinin bir hissəsi olaraq strateji neft ehtiyatlarının bir hissəsinin azad edilməsi öhdəliyini yerinə yetirərək, ümumilikdə 5,36 milyon barel neft və neft məhsulları buraxıb.
Bu barədə Niderland hökuməti bəyanat yayıb.
Təxminən 700.000 barel neft məhsulundan ibarət dördüncü və sonuncu partiya 30 oktyabrda yola salınacaq. Bu həcmin təxminən yarısı dizel yanacağıdır.
Sənəddə İqlim Siyasəti naziri Steentje van Veldhovenin sözləri sitat gətirilir: "Qlobal neft bazarı Yaxın Şərqdəki geosiyasi qeyri-sabitlik səbəbindən böyük təzyiq altındadır. Bu davam etdikcə qiymətlər yüksək, təklif isə məhdud qalacaq".
O əlavə edib ki, BEA bu yaxınlarda bütün iştirakçıların öhdəliklərini yerinə yetirməsinin vacibliyini bir daha vurğulayıb.
Strateji neft ehtiyatlarının buraxılması qərarı martda verilib. Kollektiv aksiyada otuz bir BEA üzvü iştirak edir. Ehtiyatların bir hissəsinin buraxılması Hörmüz boğazında gəmiçilikdə baş verən fasilələr səbəbindən Yaxın Şərqdən gələn tədarük itkisini kompensasiya etmək və əlavə həcmdə neft buraxmaqla təchizat çatışmazlığını aradan qaldırmaq məqsədi daşıyır. Hollandiyanın strateji neft ehtiyatlarını idarə edən COVA şirkəti son partiyadan neft məhsullarını hissə-hissə bazara çıxaracaq.
