Azərbaycan tarixində hərbi sahədə şücaəti ilə seçilmiş və adını qızıl hərflərlə yazdırmış şəxsiyyətlərdən biri də Həzi Aslanovdur. O, II Dünya Müharibəsində göstərdiyi igidlik, liderlik bacarığı və Vətənə sədaqəti ilə həm xalqımızın, həm də Sovet İttifaqının fəxr etdiyi qəhrəmanlardan biri kimi tarixdə qalmışdır. Həzi Aslanov1945-ci il yanvarın 24-də Latviyanın Priyekule şəhəri yaxınlığında, 15 yüksək rütbəli zabitin əhatəsində olarkən müəmmalı şəraitdə ağır yaralanıb.İddialara görə, onu Moskvaya aparmaq üçün təyyarə göndərilsə də, erməni əsilli sovet marşalı İvan Baqramyanın əmri ilə təyyarənin havaya qalxmasına icazə verilməyib.Həzi Aslanovun şəxsi həkimi Georgi Beqiaşvili də generalın ölümünün qəsdən təşkil edildiyini iddia edib.Beqiaşvili həmin hadisəni belə xatırlayır:“Həzi Aslanovun xahişi ilə onu Moskvaya qədər mən müşayiət etməli idim. Lakin məni zorla başqa yerə göndərdilər. Bu, qəsdən edilmişdi.”Həzi Aslanov 1945-ci il yanvarın 24-də vəfat edib. Beqiaşvilinin fikrincə, onun qətli erməni əsilli sovet marşalı İvan Xristoforoviç Baqramyan tərəfindən təşkil edilib.Cəmi 35 il ömür sürən, iki dəfə Sovet İttifaqı Qəhrəmanı adına layiq görülmüş yeganə azərbaycanlı Həzi Aslanov xalqımızın əbədi qürur mənbəyidir.Nigar