Bu gün Azərbaycan yollarında hərəkət edən maşınların böyük əksəriyyəti benzin və dizellə işləyir.
Azərbaycanın Uzunmüddətli Aşağıkarbonlu İnkişaf Strategiyası sənədində qeyd olunub ki, 2035-ci ilə qədər ənənəvi nəqliyyat vasitələrinin ilkin olaraq istismardan çıxarılmasının planlaşdırılması, sərnişin avtomobil parkında elektromobillərin payının artırılması, təşviq proqramları vasitəsilə elektromobillərin tətbiqinin dəstəklənməsi nəzərdə tutulub. 2060-cı ilə qədər sərnişin avtomobil parkında elektrik və digər alternativ enerji ilə işləyən nəqliyyat vasitələrinin payının 100%-ə çatdırılması, elektromobillərin tətbiqinin təşviq edilməsi, DYM nəqliyyat vasitələrinin daha mərhələli şəkildə istismardan çıxarılması planlaşdırılıb.
