Bu gün Bakıda Azərbaycan xarici işlər naziri Ceyhun Bayramov və hindistanlı həmkarı Subramanyam Caişankar arasında təkbətək görüş başa çatıb.
Bu barədə Xarici İşlər Nazirliyinin (XİN) sosial media hesabında paylaşım edilib.
Bildirilib ki, daha sonra tərəflər arasında geniş tərkibdə görüş keçirilib.
Görüşdə Azərbaycan-Hindistan münasibətlərinin siyasi dialoq, ticarət, investisiya, enerji, nəqliyyat, turizm, təhsil, elm və mədəniyyət sahələrini əhatə edən gündəliyi müzakirə olunub.
Azərbaycanın Şərq-Qərb və Şimal-Cənub nəqliyyat dəhlizlərinin, Bakı-Tbilisi-Qars dəmir yolunun, Bakı Beynəlxalq Dəniz Limanının, Ələt Azad İqtisadi Zonasının və digər sənaye zonalarının təqdim etdiyi imkanlar vurğulanıb.
Tərəflər regional və beynəlxalq proseslər, həmçinin BMT, Asiyada Qarşılıqlı Fəaliyyət və Etimad Tədbirləri üzrə Müşavirə (AQEM) və Şanxay Əməkdaşlıq Təşkilatı (ŞƏT) çərçivəsində əməkdaşlıq məsələləri ətrafında fikir mübadiləsi aparıblar.
Ceyhun Bayramov hindistanlı həmkarını Cənubi Qafqazdakı vəziyyət, Azərbaycan-Ermənistan münasibətlərinin normallaşdırılması prosesi və etimad quruculuğu tədbirləri barədə məlumatlandırıb.
Həmçinin Azərbaycanın işğaldan azad edilmiş ərazilərində aparılan bərpa və yenidənqurma işləri, eləcə də mina təhlükəsinin davam etməsi diqqətə çatdırılıb.
Nazirlər qarşılıqlı maraq doğuran digər ikitərəfli və regional məsələləri də müzakirə ediblər.
Bu gün Bakıda Azərbaycan xarici işlər naziri Ceyhun Bayramov və hindistanlı həmkarı Subramanyam Caişankar arasında təkbətək görüş başlayıb.
Bu barədə Xarici İşlər Nazirliyinin (XİN) sosial media hesabında paylaşım edilib.
Bu gün Azərbaycan xarici işlər naziri Ceyhun Bayramov Bakıda səfərdə olan hindistanlı həmkarı Subramanyam Caişankarı qarşılayıb.
Bu barədə Xarici İşlər Nazirliyinin (XİN) sosial media hesabında paylaşım edilib.
