Elçin Yusubovun Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi vəzifəsindən azad edilməsi Prezident Administrasiyasının strukturunda vakant yerlərin artması ilə nəticələnib.
Elçin Yusubov xüsusi nümayəndə vəzifəsindən dövlət başçısının oktyabrın 22-də imzaladığı sərəncamla azad edilib.
Beləliklə, Prezident Administrasiyasının strukturunda vakant yerlərin sayı üçə çatıb.
Administrasiyanın strukturunda 32 post var. Hazırda bu postlar boşdur: Qeyri-hökumət təşkilatları ilə iş və kommunikasiya şöbəsinin müdiri; Sənəd dövriyyəsi şöbəsinin müdiri; Xankəndi şəhərində, Ağdərə və Xocalı rayonlarında Azərbaycan Respublikası Prezidentinin xüsusi nümayəndəsi.
Prezident Administrasiyasına Samir Nuriyev rəhbərlik edir.
Qalan vəzifələri bu şəxslər tutur:
Birinci Vitse-prezidentin Katibliyinin rəisi – Altay Həsənov
Prezidentin köməkçisi – Cəmilə Abbasova
Prezidentin köməkçisi – Anar Ələkbərov
Prezidentin sosial-iqtisadi məsələlər üzrə köməkçisi – Xalid Əhədov
Prezidentin köməkçisi, dövlət nəzarəti məsələləri şöbəsinin müdiri – Kərəm Həsənov
Prezidentin köməkçisi, ərazi-təşkilat məsələləri şöbəsinin müdiri – Zeynal Nağdəliyev
Prezidentin köməkçisi, hərbi-texniki təminat məsələləri şöbəsinin müdiri – Andrey Sipilin
Prezidentin köməkçisi, hüquq mühafizə orqanları ilə iş şöbəsinin müdiri – Fuad Ələsgərov
Prezidentin köməkçisi, xarici siyasət məsələləri şöbəsinin müdiri – Hikmət Hacıyev
Prezidentin köməkçisi, iqtisadi məsələlər və innovativ inkişaf siyasəti şöbəsinin müdiri – Şahmar Mövsümov
Prezidentin köməkçisi, iqtisadi siyasət və sənaye məsələləri şöbəsinin müdiri – Natiq Əmirov
Prezident Katibliyinin rəisi – Bəylər Eyyubov
Prezidentin mətbuat katibi – Orxan Səttarov
dövlət qulluğu və kadr məsələləri şöbəsinin müdiri – Tələt Məcidov
gənclər siyasəti və idman məsələləri şöbəsinin müdiri – Yusuf Məmmədəliyev
humanitar siyasət, diaspor, multikulturalizm və dini məsələlər şöbəsinin müdiri – Fərəh Əliyeva
qanunvericilik və hüquq siyasəti şöbəsinin müdiri – Gündüz Kərimov
hərbi məsələlər şöbəsinin müdiri – Fərid Seyidov
siyasi partiyalar və qanunvericilik hakimiyyəti ilə əlaqələr şöbəsinin müdiri – Ədalət Vəliyev
vətəndaşların müraciətləri ilə iş şöbəsinin müdiri – Süleyman İsmayılov
Prezidentin xüsusi tapşırıqlar üzrə nümayəndəsi – Elçin Əmirbəyov
Prezidentin xüsusi tapşırıqlar üzrə nümayəndəsi – Xələf Xələfov
Prezidentin iqlim məsələləri üzrə nümayəndəsi – Muxtar Babayev
Prezidentin Şuşa rayonunda xüsusi nümayəndəsi – Aydın Kərimov
Prezidentin Ağdam, Füzuli və Xocavənd rayonlarında xüsusi nümayəndəsi – Emin Hüseynov
Prezidentin Cəbrayıl, Qubadlı və Zəngilan rayonlarında xüsusi nümayəndəsi – Vahid Hacıyev
Prezidentin Laçın rayonunda xüsusi nümayəndəsi – Məsim Məmmədov
Prezidentin Kəlbəcər rayonunda xüsusi nümayəndəsi – Bəşir Hacıyev.
Xatırladaq ki, Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəsi Ceyhun Cəlilov Prezident Administrasiyasının hazırkı strukturunda yer almır. Bu, əsasnamə dəyişikliyinin nəticəsidir.
Naxçıvan Muxtar Respublikasında Azərbaycan Respublikası Prezidentinin səlahiyyətli nümayəndəliyi 22 dekabr 2022-ci ildə təsis olunub. İlkin əsasnaməsinə görə, səlahiyyətli nümayəndəlik Naxçıvan Muxtar Respublikasının ərazisində dövlət başçısının fəaliyyətini təmin edən Prezident Administrasiyasının struktur bölməsi idi. 29 iyun 2026-cı ildə isə səlahiyyətli nümayəndəlik 1-ci kateqoriya dövlət orqanı statusu alıb, bununla da nümayəndə Prezident Administrasiyasının strukturundan çıxarılıb.