Rusiya və Ukrayna həlak olmuş hərbi qulluqçuların cəsədlərinin növbəti dəfə mübadiləsini həyata keçiriblər.
Prosedur beynəlxalq vasitəçilərin dəstəyi ilə "252-nin 25-ə" düsturu üzrə baş tutub.
Rusiya parlamentinin xüsusi hərbi əməliyyat məsələləri üzrə əlaqələndirmə qrupunun nümayəndəsi Şamsail Saraliyev bildirib ki, Ukrayna tərəfinə 252 həlak olmuş hərbçinin cəsədi təhvil verilib, Rusiya tərəfi isə 25 hərbçisinin cəsədini geri alıb.
Mübadilə proseduruna Qırmızı Xaç Beynəlxalq Komitəsi vasitəçilik edib.
Analoji mübadilə sonuncu dəfə sentyabrın 17-də "Novaya Quta" keçid məntəqəsində keçirilmişdi (o zaman da "252-nin 23-ə" düsturu tətbiq olunmuşdu). Avqustun ortalarında isə Ukraynaya 261, Rusiyaya isə 24 cəsəd təhvil verilmişdi.
