İşğaldan azad edilmiş Kəlbəcər rayonunda mina partlayışı baş verib.Oxu24.com xəbər verir ki, bu barədə Daxili İşlər Nazirliyi, Baş Prokurorluq və ANAMA-nın Mətbuat Xidmətləri məlumat yayıb.Məlumata görə, 1953-cü il təvəllüdlü Tərtər rayonunum Qaynaq kənd sakini Süleymanov Kamran Şükür oğlu minalardan təmizlənməmiş ərazidə mal-qara otararkən mina partlayışı nəticəsində xəsarət alıb.Faktla bağlı Kəlbəcər rayon prokurorluğunda araşdırma aparılır.ANAMA, AR DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırıb.
İşğaldan azad edilmiş Xocavənd rayonunun Qızılqaya kəndi ərazisində 2026-cı il 7 avqust tarixində mina partlayışı hadisəsi baş verib.Oxu24.com xəbər verir ki, bu barədə Azərbaycan Respublikası Daxili İşlər Nazirliyi, Baş Prokurorluğu və Minatəmizləmə Agentliyinin (ANAMA) Mətbuat Xidmətləri məlumat yayıb.Bildirilib ki, Qazax rayon sakini 1961-ci il təvəllüdlü Abbasov Elçin Telman oğlunun minalardan təmizlənməmiş ərazidə idarə etdiyi buldozer minaya düşüb. Hadisə zamanı xəsarət alan olmayıb.Faktla bağlı Xocavənd rayon prokurorluğunda araşdırma aparılır.ANAMA, AR DİN və Baş Prokurorluq bir daha vətəndaşları təhlükəsizlik qaydalarına riayət etməyə, mina təhlükəsi işarələrinin göstəricilərinə diqqətlə yanaşmağa, şübhəli əşyalara toxunmamağa, bələd olmadıqları ərazilərə daxil olmamağa, çəpərləmə fəaliyyəti aparılan ərazilərə müdaxilə etməməyə çağırır!
Laçına köçəndə mənə 20 arı ailəsi verilmişdi, hazırda onların sayını 50-yə çatdırmışam.
Bu fikirləri "Report"un Laçına ezam olunan əməkdaşına rayonun Sus kənd sakini Şahin İsgəndərov bildirib.
"Doğma yurdumuza qayıtdıqdan sonra məşğulluq məsələsini əsas problem kimi düşünürdük. Amma qısa vaxtda Dövlət Məşğulluq Agentliyinə müraciət etdim. Dövlətimiz sağ olsun, lazımi dəstək göstərildi, arıçılıq təsərrüfatımı yaratdım. İndi onu genişləndirməyi planlayıram. Bu ilimiz çox yaxşı oldu, bol məhsul götürmüşük. Təsərrüfatı genişləndirmək üçün burada gözəl şərait var. Laçının zəngin təbiəti var - akasiya, qaratikan, təbii çiçəklərlə zəngindir. Bu yerlərdə arılar yaxşı işləyir. Mövsümün əvvəlində arılar söyüd ağaclarından da nektar toplayır", - o bildirib.
Şuşa şəhərində keçirilən “Sülhün təşviqində medianın missiyası: Həqiqətin bərpası və etimadın yenidən qurulması” mövzusunda IV Qlobal Media Forumu başa çatıb.Oxu24.com xəbər verir ki, Forumun ilk günündə Prezident İlham Əliyev tədbir iştirakçıları ilə görüşüb, onların suallarını cavablandırıb.İki gün davam edən Forum çərçivəsində təkbətək formatlı müzakirələr, panel sessiyaları və interaktiv görüşlər təşkil olunub.Sessiyalarda müxtəlif ölkələrdən media rəhbərləri, dövlət rəsmiləri, beynəlxalq təşkilatların və aparıcı media qurumlarının nümayəndələri iştirak edərək müasir media mühitində baş verən dəyişikliklər, qarşıda duran çağırışlar və əməkdaşlıq imkanları barədə danışıblar.Müzakirələrdə media, informasiya təhlükəsizliyi, süni intellekt, rəqəmsal transformasiya və beynəlxalq əməkdaşlıq kimi aktual məsələlər ətrafında fikir mübadiləsi aparılıb.Forum iştirakçıları Xankəndidə Zəfər parkını, Xocalıda “Xocalı Soyqırımı Memorial” kompleksini ziyarət edib, həmçinin Şuşada həyata keçirilən bərpa-quruculuq işləri ilə tanış olublar.Qeyd edək ki, IV Şuşa Qlobal Media Forumunda dünyanın 53 ölkəsindən 160-a yaxın media nümayəndəsi, ekspert və rəsmi şəxs iştirak edib.
Builki Şuşa Qlobal Forumunun əsas mesajı budur ki, həqiqət, dialoq və etimad davamlı sülhün əsas şərtləridir.Bunu Oxu24.com-a Milli Məclisin deputatı Pərvanə Vəliyeva deyib.Deputat qeyd edib ki, getdikcə daha çox qütbləşən dünyada sülhün möhkəmləndirilməsi üçün dialoq, həqiqət və məsuliyyətli jurnalistika həlledici əhəmiyyət daşıyır: "Müasir informasiya mühitində dövlətlər yalnız ənənəvi diplomatik kanallarla kifayətlənə bilməzlər. Media forumları hökumətlərə, ekspertlərə və jurnalistlərə açıq fikir mübadiləsi aparmaq, yanlış təsəvvürləri aradan qaldırmaq və hadisələri birbaşa mənbədən təqdim etmək imkanı yaradır. Təbii ki, forumlar siyasi problemləri birbaşa həll etmir, lakin uzunmüddətli sabitlik üçün zəruri olan dialoq mühitini gücləndirir. Bu gün belə dialoq əvvəlkindən daha vacibdir.Dezinformasiyanın sürətlə yayıldığı və geosiyasi gərginliyin artdığı bir şəraitdə jurnalistlərin siyasi liderlərə birbaşa suallar verməsi, liderlərin isə mövqelərini vasitəçilər olmadan izah etməsi şəffaflığı artırır, etimadı möhkəmləndirir və beynəlxalq ictimaiyyətin daha dolğun məlumat əldə etməsinə imkan yaradır.Bu baxımdan Şuşa Qlobal Forum bu gün artıq jurnalistikanın gələcəyi, informasiya təhlükəsizliyi, rəqəmsal transformasiya və sülh quruculuğu kimi qlobal mövzuların müzakirə olunduğu nüfuzlu beynəlxalq platformaya çevrilib".Pərvanə Vəliyeva qeyd edib ki, hər il iştirakçıların coğrafiyası genişlənir və müzakirə olunan mövzuların əhatə dairəsi artır: "Forum həmçinin Azərbaycanın açıq müzakirələr vasitəsilə dezinformasiyaya qarşı mübarizəyə və birbaşa ünsiyyətin təşviqinə verdiyi önəmin bariz göstəricisidir. 50-dən çox ölkədən media nümayəndələrinin, ekspertlərin və rəsmi şəxslərin iştirakı Forumun beynəlxalq nüfuzunun və etibarlılığının artdığını göstərir. Bu, Şuşanın artıq regional və qlobal məsələlərin müzakirə olunduğu mühüm beynəlxalq platformalardan birinə çevrildiyini təsdiqləyir. Müxtəlif ölkələrdən olan iştirakçılar fərqli baxış və təcrübələri bir araya gətirməklə müzakirələrin keyfiyyətini daha da artırırlar.Prezident İlham Əliyevin Cənubi Qafqazda sülh prosesi, regional nəqliyyat və kommunikasiya layihələri, eləcə də suverenlik və ərazi bütövlüyünə hörmətin vacibliyi ilə bağlı fikirləri beynəlxalq diqqəti çox cəlb etdi. Bunlar təkcə regionumuz üçün deyil, beynəlxalq hüquq, təhlükəsizlik və münaqişələrin həlli baxımından da aktual mövzulardır. Eyni zamanda, iqtisadi əməkdaşlığın davamlı sülhün əsaslarından biri kimi təqdim edilməsi də mühüm mesajdır".Deputatın sözlərinə görə, Prezidentin diqqət çəkdiyi əsas məqamlardan biri Azərbaycanın "orta güc dövləti" kimi artan roluna dair yanaşması idi: "O, bu anlayışı yalnız iqtisadi və ya hərbi imkanlarla məhdudlaşdırmadı. Əksinə, vurğuladı ki, müasir beynəlxalq münasibətlərdə orta güc dövləti milli maraqlarını müstəqil şəkildə qorumağı, regional proseslərə təsir göstərməyi, tərəfdaşları bir araya gətirməyi və beynəlxalq məsuliyyət daşımağı bacaran ölkədir.Çıxışda Qarabağ mövzusu da yeni prizmadan təqdim olundu. Əgər əvvəlki illərdə beynəlxalq auditoriya qarşısında əsas diqqət işğalın nəticələrinə yönəlirdisə, bu dəfə Prezident daha çox bərpa və quruculuq prosesinə diqqət çəkdi. O qeyd etdi ki, forum iştirakçıları əvvəlki səfərlərində xarabalıqları görürdülərsə, bu gün artıq yeni şəhərlərin salınmasının, yaşayış məntəqələrinin tikilməsinin və insanların doğma yurdlarına ləyaqətli qayıdışının şahidi olurlar. Bununla Azərbaycan postmünaqişə dövrünün əsas gündəliyinin təhlükəsizlik deyil, inkişaf, reinteqrasiya və dayanıqlı quruculuq olduğunu nümayiş etdirməyə çalışır.Prezidentin çıxışında nəqliyyat və bağlantı məsələləri də xüsusi yer tutdu. O vurğuladı ki, son onillikdə yaradılmış infrastruktur və həyata keçirilən layihələr Azərbaycanın Avrasiya məkanında mühüm logistika mərkəzinə çevrilməsinə imkan verib. Qlobal geosiyasi gərginliklər və ənənəvi ticarət marşrutlarında yaranan risklər fonunda Orta Dəhlizin əhəmiyyəti daha da artır. Bu kontekstdə Azərbaycanın yalnız coğrafi mövqeyindən deyil, uzunmüddətli strateji planlaşdırmadan faydalanaraq regional tranzit və ticarət əlaqələrinin əsas iştirakçılarından birinə çevrildiyi mesajı verildi"."Məncə, builki Forumun əsas mesajı budur ki, həqiqət, dialoq və etimad davamlı sülhün əsas şərtləridir. Forum göstərdi ki, məsuliyyətli media yalnız hadisələri işıqlandırmır, eyni zamanda qarşılıqlı anlaşmanın möhkəmlənməsinə, dezinformasiyanın qarşısının alınmasına və etimadın bərpasına mühüm töhfə verir. Bununla yanaşı, Forum Azərbaycanın beynəlxalq dialoq və əməkdaşlığın təşviq olunduğu mühüm platformalardan birinə çevrildiyini bir daha nümayiş etdirdi", - P. Vəliyeva vurğulayıb.
Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış prosesi davam edir. Busaat.az xəbər verir ki, Xocavənd […]
Xankəndi şəhərinə növbəti köç karvanı yola salınıb.Oxu24.com xəbər verir ki, bu mərhələdə şəhərə 18 ailə - 68 nəfər köçürülüb.Köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.
İşğaldan azad edilmiş ərazilərimizə həm ölkəmizə gələn əcnəbi qonaqların (turistlərin), həm də yerli turistlərin marağı son illərdə pik həddə çatıb. Xüsusilə Şuşa, Xankəndi, Kəlbəcər, Laçın və Zəngilan istiqamətlərində digər rayonlara nisbətən böyük bir turizm aktivliyi müşahidə olunur. Bu da onu göstərir ki, xalqımızın milli ruhu çox oyaqdır və vətəndaşlarımız 30 il işğal altında qalan torpaqlara bir mənəvi dayaq olmaq üçün bu səfərlərə can atırlar. Digər tərəfdən, yerli turistlərin bu bölgələrə axın etməsi orada məskunlaşan yerli sakinlərin sosial rifahına və iqtisadi dirçəlişinə birbaşa xidmət edir.Mövzu ilə bağlı Oxu24.com-a açıqlama verən tanınmış turizm eksperti Rəhman Quliyev Qarabağ və Şərqi Zəngəzurun gələcək turizm xəritəsini rəqəmlər və tarixi faktlarla təhlil edib.Bölgəyə birbaşa turist axını necə təşkil olunacaq?Rəhman Quliyev qeyd edir ki, bölgədə qurulan nəqliyyat infrastrukturu gələcəkdə xarici turistlərin Azərbaycana gəlişini kökündən asanlaşdıracaq:“Azad edilmiş ərazilərimizdə – Qarabağ və Şərqi Zəngəzurda üç böyük beynəlxalq hava limanının (Füzuli, Zəngilan və Laçın beynəlxalq hava limanları) tikilib istifadəyə verilməsi gələcəkdə bu istiqamətdə nəhəng bir turizm potensialının formalaşacağından xəbər verir. Bu limanların mövcudluğu xarici ölkələrdən birbaşa olaraq bu bölgəyə aviareyslərin təşkil edilməsinə şərait yaradacaq. Beynəlxalq uçuşların birbaşa bura yönəldilməsi Qarabağı qlobal turizm destinasiyasına çevirmək üçün ən mühüm zəmindir”.“1987-ci ilin sovet analizləri sübut etdi: Bizim sular xarici kurortlardan qat-qat zəngindir"Ekspert Qarabağın yeraltı sərvətlərinin və mineral sularının tibbi-turizm baxımından dünyada analoqu olmadığını vurğulayıb və tarixi bir faktı xatırladıb:“Qarabağın təbiəti, füsunkar gözəlliyi və yaşıl örtüyü ilə yanaşı, xüsusilə yeraltı təbii mineral bulaqları insan orqanizmi üçün yüksək müalicəvi əhəmiyyətə malikdir. Bu sular termal xarakterlidir. Faktlara baxaq: hələ 1987-ci ildə Sovetlər İttifaqı zamanı Kəlbəcərin “İstisu”yunun və Zəngilanın “Qotur su” bulağının tərkibi laboratoriyada ciddi şəkildə analiz olunmuşdu. O vaxt sübut olundu ki, bu suların mineral tərkibi və keyfiyyəti xarici dövlətlərdəki məşhur termal suların tərkibindən qat-qat zəngindir”.Dünya brendlərinə rəqib: “Karlovı Varı, Roqaşka və Yessentuki Qarabağdan geri qalacaq”Rəhman Quliyevin sözlərinə görə, gələcəkdə bulaqların ətrafında qurulacaq sanatoriyalar regional liderliyi ələ alacaq:“Yaxın gələcəkdə Zəngilanda “Qotur su”, Laçında “Turşsu”, Kəlbəcərdə “İstisu”, Şuşada “İsa bulağı” və adını çəkmədiyim yüzlərlə digər mineral bulaqların ətrafında müalicəvi sanatoriyaların tikilməsi bu bölgəni dünya brendinə çevirəcək. Biz buralarda sanatoriyaların qurulmasına üstünlük verməliyik, çünki bunu artıq yer, torpaq, təbiət və oradakı mineral bulaqların özü tələb edir. Bu potensial reallaşdıqdan sonra Qarabağ turizmi dünyaca məşhur olan Çexiyanın Karlovı Varı, Sloveniyanın Roqaşka, Rusiyanın Yessentuki və Kislovodsk kimi nəhəng kurort mərkəzlərini tamamilə geridə qoyacaq”.Ekspert təkcə sağlamlıq turizmi deyil, həm də qış və ekstremal idman turizmi üçün investorlara çağırış edib:“Bölgənin relyefi imkan verir ki, Zəngilan, Laçın və Kəlbəcər dağlarında irimiqyaslı dağ-xizək kurort kompleksləri yaradılsın. Bunun üçün çox gözəl və münbit şərait var. Biz investorları bu istiqamətdə məlumatlandırmalıyıq. Burada həm böyük investisiyalı, həm də orta və aşağı büdcəli turizm komplekslərinin yaradılması hazırda çox zəruridir”.“Yaxın 100 ildə qlobal müharibələr olmayacaq, iqtisadi rəqabətə və turizmə hazır olmalıyıq"Sonda dünyadakı geosiyasi vəziyyətə toxunan Rəhman Quliyev, Azərbaycanın qeyri-neft sektorunda turizmin rolunu xüsusi qeyd edib:“Proqnozlar göstərir ki, yaxın gələcəkdə dünyada baş verən müharibələr sona çatacaq. Son 50-100 ildə dünyada (kiçik münaqişələri nəzərə almasaq) böyük, qlobal toqquşmaların olmayacağını tam əminliklə demək olar. Bu isə o deməkdir ki, dövlətlər arasında artıq iqtisadiyyat üzərində sağlam rəqabət aparılacaq. Biz bu rəqabətə hazır olmalıyıq. Azərbaycan qeyri-neft sektoru olaraq məhz turizm sahəsinə böyük diqqət ayırmalı, Qarabağın bu tükənməz imkanlarından düzgün istifadə etməlidir”.Çimnaz Telmanqızı
Laçın şəhərində "Yeni Yaşayış Məhəlləsi"nin təməli qoyulur.
Bu barədə "Report"a məlumat verən Laçın rayonunda Prezidentin Xüsusi Nümayəndəliyinin rəsmisi Hüseyn Quliyev bildirib ki, bu, həm mənzil fondunun genişləndirilməsi, həm də yerli əhalinin məşğulluq imkanlarının artırılması baxımından mühüm əhəmiyyət daşıyır.
Artıq layihə üzrə hazırlıq və mobilizasiya işlərinə start verilib. Tikinti müddəti 24 ay olaraq müəyyənləşdirilib. Hazırda ərazidə şaquli planlama və tikinti sahəsinin hazırlanması istiqamətində işlər aparılır.
Ümumi sahəsi 57 min 470 kvadratmetr olan yeni yaşayış məhəlləsi Laçının şəhərsalma konsepsiyasına uyğun şəkildə layihələndirilib.
Layihəyə əsasən ərazidə ümumilikdə 19 çoxmənzilli yaşayış binası inşa ediləcək. Bunlardan 11-i iki bloklu, 8-i isə bir bloklu olacaq. Binalar 3, 4 və 5 mərtəbədən ibarət olmaqla ümumilikdə 340 mənzili əhatə edəcək.
"Laçında həyata keçirilən genişmiqyaslı bərpa və yenidənqurma proqramının tərkib hissəsi olan "Yeni Yaşayış Məhəlləsi" şəhərin müasir inkişaf konsepsiyasına uyğun yaşayış mühitinin formalaşdırılmasına, iqtisadi canlanmanın sürətlənməsinə və sakinlərin rifahının yüksəlməsinə xidmət edəcək. Layihənin tamamlanması ilə şəhərin yaşayış fondu daha da genişlənəcək, sahibkarlıq fəaliyyəti üçün yeni imkanlar yaranacaq və bölgənin sosial-iqtisadi inkişafına əlavə təkan veriləcək", - H. Quliyev deyib.
Qarabağın və Şərqi Zəngəzurun bir sıra şəhər və rayonlarında su təchizatı və kanalizasiya sistemləri bərpa edilir və yenidən qurulur.Oxu24.com bildirir ki , bu barədə Azərbaycan Dövlət Su Ehtiyatlar Agentliyinin (ADSEA) təşkil etdiyi mediaturda məlumat verilib.Bildirilib ki, Xocavənd şəhərinin su təchizatı Qaradağlı kəndi ərazisində yerləşən üfüqi suqəbuledici qurğu və iki subartezian quyusu hesabına təmin edilir. Şəhərdə 367 abonentə xidmət göstərilir. Hadrut qəsəbəsinin su təchizatı isə Ziyarət dağının ətəyində yerləşən suqəbuledici qurğu və iki subartezian quyusu vasitəsilə həyata keçirilir.Qeyd olunub ki, Ağdərə şəhərində su Təpəkənd kəndi ərazisində yerləşən suqəbuledici qurğudan və üç subartezian quyusundan əldə olunur. Mənbədən götürülən su uzunluğu təxminən 37 kilometr olan magistral kəmərlə şəhərə nəql edilir. Şəhərdə 52 kilometrlik su şəbəkəsi istismar olunur. Füzuli şəhərində məskunlaşmanın təmin edilməsi məqsədilə Quruçay məcrasında mövcud drenaj qurğuları və magistral su xətti bərpa olunub, yeni nasos stansiyası və su çənləri inşa edilib. Hazırda şəhər üzrə 878 abonentə xidmət göstərilir. Cəbrayıl şəhərinin su təchizatı sistemi tam yenidən qurulub. Şəhərdə 690 abonent su təchizatı xidmətindən istifadə edir.Zəngilan şəhərinin su təchizatı Çeşməgözü bulağı və Oxçuçay üzərində yerləşən drenaj qurğusu hesabına təmin olunur. Hazırda şəhərdə fəaliyyət göstərən dövlət qurumları və təşkilatların əməkdaşlarının məskunlaşdığı 27 istehlakçıya xidmət göstərilir.Kəlbəcər şəhərinin su təchizatı Ağbulaq mənbəyindən həyata keçirilir. Şəhərə su 17 kilometrlik magistral kəmərlə çatdırılır. Hazırda 207 abonent su təchizatı xidmətləri ilə əhatə olunub.Laçın şəhərində su təchizatı altı subartezian quyusu vasitəsilə təmin edilir. Şəhərin su və kanalizasiya sistemləri yenidən qurulub. Hazırda Laçın üzrə 380 abonent qeydiyyata alınıb, 570 istehlakçıya isə su və kanalizasiya xidmətləri göstərilir."Böyük Qayıdışa dair I Dövlət Proqramı" çərçivəsində Xocavənd şəhərinə 231, Hadrut qəsəbəsinə 61, Qırmızıbazar qəsəbəsinə 162 ailə köçürülüb. Ağdərə rayonunun kəndlərinə 803, Füzuli şəhərinə 846, Cəbrayıl şəhərinə 690, Şükürbəyli və Horovlu kəndlərinə ümumilikdə 701, Zəngilan şəhəri və kəndlərinə 524, Kəlbəcər şəhərinə 162, Laçın şəhəri və kəndlərinə isə ümumilikdə 981 ailənin köçü təmin olunub.Bərpa olunan yaşayış məntəqələrində əhalinin dayanıqlı içməli su ilə təmin edilməsi və tullantı sularının idarə olunması istiqamətində tədbirlər davam etdirilir.
Xankəndi şəhərində iki gün davam edən çay və qəhvə festivalı mayın 30-da atəşfəşanlıqla başa çatıb.Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən Oxu24.com-a verilən məlumata görə, 20-dən çox yerli və xarici şirkətin qatıldığı festivalda qonaqlara müxtəlif çay və qəhvə növləri təqdim olunub.Festival yerli sakinlər və şəhərin qonaqları tərəfindən maraqla qarşılanıb. Tədbirin məqsədi çay və qəhvə mədəniyyətinin təbliği, yerli istehsalçıların tanıdılması və Xankəndinin sosial-mədəni həyatının canlandırılmasına töhfə vermək olub.
Mayın 29-da Azərbaycan Respublikası Mədəniyyət Nazirliyinin maliyyə dəstəyi, İçərişəhər Dövlət Tarix-Memarlıq Qoruğu İdarəsi və “Qeyd-Sosial Maarifləndirmə” İctimai Birliyinin birgə təşkilatçılığı ilə İçərişəhərdə “Qarabağ Mədəniyyət Xəritəsi – Hər Rayonun Öz Səsi” adlı genişmiqyaslı festivalın açılış mərasimi keçirilib.Oxu24.com xəbər verir ki, festivalın əsas məqsədi Qarabağın zəngin mədəni irsinin tanıdılması, milli-mənəvi dəyərlərin təbliği və bölgənin mədəni potensialının geniş ictimaiyyətə təqdim olunmasıdır. Tədbir çərçivəsində Qarabağa həsr olunmuş sərgi, canlı musiqi proqramları, ənənəvi sənətkarlıq nümunələri, milli mətbəx təqdimatları və ustad dərsləri təşkil edilib.Açılış mərasimində çıxış edən Rüfət Mahmud Qarabağın Azərbaycanın milli yaddaşında xüsusi yer tutduğunu vurğulayaraq, bu cür festivalların mədəni irsin qorunması və gələcək nəsillərə ötürülməsi baxımından mühüm əhəmiyyət daşıdığını bildirib.Daha sonra “Qeyd-Sosial Maarifləndirmə” İctimai Birliyinin baş katibi Aysel Tahirova çıxış edərək festivalın əsas ideyasının Qarabağın hər rayonunun özünəməxsus səsi, sənəti və mədəni kimliyi ilə təqdim olunması olduğunu qeyd edib.“Qarabağın zəngin mədəni xəritəsini bir platformada təqdim etmək, milli irsimizi daha geniş auditoriyaya çatdırmaq və bu dəyərləri gələcək nəsillərə sevdirmək əsas məqsədimizdir”, – deyə o vurğulayıb.Tədbirin rəsmi hissəsində Milli Məclisin deputatları Günay Əfəndiyeva, Nigar Arpadarai, Hikmət Babaoğlu, Vüqar İskəndərov, Ceyhun Məmmədov, Pərvanə Vəliyeva və Azər Allahverənov çıxış edərək festivalın Qarabağın mədəni irsinin təbliği baxımından əhəmiyyətini vurğulayıb, layihənin yüksək səviyyədə təşkil olunduğunu qeyd ediblər.Festival bədii proqram və konsert çıxışları ilə davam edib. İştirakçılar Qarabağın müxtəlif rayonlarına məxsus mədəniyyət nümunələri, milli musiqi və sənətkarlıq ənənələri ilə yaxından tanış olmaq imkanı əldə ediblər.
Türkiyədən gələn şəhid ailələrinin üzvləri Qarabağda yazılan qəhrəmanlıq dastanları və orada son beş ildə görülən işlərlə tanış oldular.
Bunu "Report"un Qarabağ bürosuna açıqlamasında "Zəfər" Şəhid Ailələrinə Dəstək İctimai Birliyinin sədri Sevinc Orucova deyib.
O, "Qardaşlıq Körpüsü" adlı layihə çərçivəsində Türkiyənin İstanbul şəhərindən gələn şəhid ailələri üzvlərinin iştirakı ilə Ağdamda konfrans keçirildiyini vurğulayıb:
"Layihədə İstanbuldan gələn 25 şəhid ailəsinin üzvləri iştirak edirlər. İki gündür ki, bölgədə olan türkiyə şəhid ailəsi üzvlərinə Qarabağımızın hər qarışında yazılan qəhrəmanlıq dastanları barədə məlumat verilir. Qeyd edim ki, artıq iki ildir, QHT-lərə Dövlət Dəstəyi Agentliyinin dəstəyi və Türkiyənin Ailə, Sosial Xidmətlər Nazirliyinin tərəfdaşlığı ilə İstanbuldan olan şəhid ailələri üzvlərinin Qarabağa səfəri təşkil olunur".
S.Orucovanın sözlərinə görə, qeyd olunan layihə çərçivəsində daha əvvəl Ankara, həmçinin Şimali Kiprdən olan şəhid ailələrinin üzvləri də Qarabağı ziyarət ediblər:
"Türkiyədən gələn qonaqlara bizim Çanaqqalamız olan Ağdamda yazılan qəhrəmanlıq dastanlarından bəhs etdik, onlara vaxtilə işğala məruz qalan torpaqlarımızdakı erməni vandallığının izlərini göstərdik. O cümlədən, qonaqlarımız işğaldan azad edilən ərazilərimizdə son beş ildə görülən quruculuq işləri ilə də yaxından tanış oldular. Azərbaycan və Türkiyədən olan şəhid ailələri arasında qurulan ünsiyyət mənəvi bağılarımızı daha da möhkəmləndirir".
QHT sözügedən layihə əsasında təşkil olunan tədbirlərin önəmindən də də danışıb:
"Layihəmizin əsas məqsədi Ağdam və Tərtərdən olan şəhid valideynləri və Türkiyədən olan şəhid ailələrini üzvləri arasında dostluq münasibətlərinin qurulmasına dəstək olmaqdır. Bundan başqa, həyata keçirilən bu layihə Türkiyədə Qarabağ həqiqətlərinin təbliği və iki qardaş xalqın ortaq tarixinin öyrənilməsinə töhfə verir".
Azad olunmuş torpaqlarımızın hər bir bölgəsi kimi Cəbrayılın da 2020-ci ildən öncəki halı ilə indiki halı arasında yerlə göy qədər fərq var. Bir yanda işğalın geridə qoyduğu xarabalıqlar, o biri yanda isə dirçələn yurd yerlərimiz. Böyük Zəfəri qazanan dövlətimiz indi sülhü də qarış-qarış qurmaqdadır. Bərpa edilən ata-baba yurdlarını buraya dönən sakinlərin sevinci və duaları isidir.
Biz də "Report" olaraq həmin sevincə şahid olmağa, Cəbrayıl sakinləri ilə həmsöhbət olmağa gəlmişik.
Qarabağ və Şərqi Zəngəzurun hər bir bölgəsi kimi Cəbrayıla da əhalinin tədricən qayıdışı bu torpaqlarda həyatı yenidən canlandırır. Ermənilərin viran qoyduqları infrastruktur sürətlə bərpa edilir, bölgənin bənzərsiz təbiəti bu gözəlliyə əlavə çalar qatır. Təbii, azad edilmiş digər rayonlar kimi, Cəbrayılda əhalinin məskunlaşmasının əsas şərtlərindən biri zəruri şəraitin yaradılması, o cümlədən səhiyyə və təhsil infrastrukturunun qurulmasıdır. Bu mənada, Mehdi Mehdizadə adına Cəbrayıl şəhər tam orta məktəbinin artıq fəaliyyətə başlaması xüsusi qeyd olunmalıdır.
Məktəbin direktoru Şəlalə Qasımlı bizimlə söhbət zamanı Cəbrayılda təhsil fəaliyyətinin bərpasını rayon üçün çox mühüm hadisə kimi qiymətləndirib:
"Cəbrayıla 2024-cü ildə qayıdan ilk sakinlər sırasındayam. Həmin il oktyabrın 9-da dövlət başçısının iştirakı ilə Mehdi Mehdizadə adına Cəbrayıl şəhər tam orta məktəbinin açılışı olub. Məktəbimiz əvvəllər Bakının Qaradağ rayonunda fəaliyyət göstərib. Artıq doğma yurdumuzda təhsilimizi davam etdirmək bizim üçün qürurvericidir. 960 yerlik məktəb binasında 40 sinif otağı, dörd STEAM kabinəsi, həmçinin idman zalı, idman meydançası, akt zalı, yeməkxana var. Bir sözlə, binada yüksək səviyyəli tədris üçün hər bir şərait yaradılıb. Hazırda məktəbimizdə 331 şagird təhsil alır. Onların tədrisi ilə təqribən 30 nəfərlik pedaqoji heyət məşğul olur. Davam edən qayıdış prosesinin gedişində şagirdlərin sayının artacağı halda, onları qəbul etmək üçün imkanımız yetərlidir. Biz öz üzərimizə düşən məsuliyyəti yaxşı bilirik. Şagirdlərlə iştirakı ilə vətənpərvərlik mövzusunda dəyirmi masalar, tədbirlər, intellektual yarışlar təşkil edilir".
Direktor fəaliyyətə başlamalarından qısa müddət keçməsinə baxmayaraq, artıq məktəbin müəyyən nailiyyətlərininin olduğunu vurğulayıb:
"Çox sevindirici haldır ki, bu il bizim 8-ci sinif şagirdi Respublika fənn olimpiadasında 2-ci yeri tutaraq gümüş medala layiq görülüb. Bu nailiyyət bir cəbrayıllı, bir azərbaycanlı və ən əsası bir müəllim kimi bizi çox sevindirir. İnşallah, növbəti illərdə bu uğurun davamı da olacaq. Belə uğurlar bizi öz işimizə daha məsuliyyətli yanaşmağa, millətimiz və dövlətimiz üçün daha vətənpərvər övladlar yetişdirməyə sövq edir".
Məktəbin bacarıqları ilə seçilən şagirdlərindən biri, 10-cu sinifdə oxuyan İnci Əhmədova ilə söhbətimiz zamanırəssamlığa ciddi maraq göstərdiyini bildirib:
"Əvvəllər Bakıda məskunlaşsaq da, artıq Cəbrayılda daha yaxşı və müasir evlərdə yaşayırıq. Bundan əlavə, məktəbimizdə çox gözəl şərait yaradılıb. Mən həm də "Bacarıqlı əllər" dərnəyinin üzvüyəm. Burada bizə əl işləri ilə məşğul olmaq üçün xüsusi otaq da ayrılıb. Müxtəlif rəsmlər çəkməyi xoşlayıram. Rəsmlərimdə fərqli mövzulara müraciət etsəm də, Cəbrayılda əsasən təbiət mövzuları adamı daha çox cəlb edir. Bəzən təbiətin elə gözəlliyini görürsən ki, adam o anın əbədi davam etməsini arzulayır. Ona görə də təbiət mənzərələrinə çox həssaslıqla yanaşıram. Təbiətdən başqa, böyük Zəfərimizi əks etdirən qələbə tabloları da çəkmək işləyirəm. Bu sahədə daha da püxtələşməyə çalışıram".
Məktəbin bir başqa 10-cu sinif şagirdi Elvin Şıxlı da gələcək fəaliyyətində yaradıcılığa üstünlük verməyi düşünür:
"Buradakı şəraitimiz çox yaxşıdır. Mən də məktəbdə yaradılmış əl işləri dərnəyinin üzvüyəm. Əsasən, ermənilərin dağıtdıqları abidələri və tarixi yerlərin maketlərini hazırlamağı xoşlayıram. İlk olaraq "Xudafərin" körpüsünün maketini hazırlamışam. Əvvəllər bu körpünün təsvirini sadəcə kitablarda görmüşdüm. Körpünü canlı gördükdən sonra ona marağım daha da artdı. İndiyə qədər kağız və xırda daşlardan istifadə edərək "Xudafərin" körpüsünün beş maketini düzəltmişəm. Təhsilimi marağıma uyğun olaraq Azərbaycan Texniki Universitetində davam etdirmək niyyətindəyəm".
8-ci sinif şagirdi Mədinə Quliyeva isəCəbrayılın öz havası və təbiəti ilə onlarda fərqli təəssüratlar yaratdığını bildirib:
"Buraya köçənə qədər Sumqayıtda yaşayırdıq. Cəbrayıla qayıdanda nə ilə üzləşəcəyimi, buranın necə yer olduğunu bilmirdim. Amma gələndən sonra çox gözəl və fərqli yer olduğunu gördüm. Ən əsası, təbiəti və havası insanlara fərqli hisslər yaradır. Mən də məktəbin "Bacarıqlı əllər" dərnəyindəyəm. Ümumiyyətlə, məktəbimizdə yaradılan şərait çox yaxşıdır".
Cəbrayıl şəhərinə qayıdan sakinlər artıq öz həyatlarına yenidən başlayaraq doğma yurdlarında yaşayıb-yaradırlar. Uzun həsrətdən sonra doğulub-böyüdüyü torpaqlara dönən Nərgiz Atakişiyeva çoxdan görmədiyi yerlərin xeyli dəyişdiyini söyləyib:
"Burada uzun illərdən sonra fərqli bir mənzərə ilə qarşılaşdıq. Düzdür, təbiətin mənzərəsi dəyişməsə də, bir vaxtlar bu gözəlliyə rəng qatan evlər və binalar dağıdılmışdı. Buna görə nə qədər üzülsək də, yerində daha yaraşıqlı və müasir evlərin, binaların tikildiyini görmək bizdə xoş təəssüratlar yaratdı. Bu sevinci bizə yaşadan, Ali Baş Komandana və ordumuza təşəkkür edir, şəhidlərimizin ruhu qarşısında baş əyirik. Onu da deyim ki, biz özümüzü yenidən inşa olunan Cəbrayılımızın mənəvi qurucularından biri hesab edirik. Ümid edirəm və inanıram ki, qarşıdakı illərdə hər şey daha gözəl olacaq. İndi görülən işlər və əldə olan nəticələr bunu deməyə əsas verir".
Əhalinin Cəbrayıla qayıdışı şəhərdə bir çox istiqamətlərlə yanaşı, sahibkarlıq fəaliyyətinə də meydan açıb. Sahibkar Ziyəddin Mustafayev bizimlə söhbətdə bildirib ki, öz işini qurmaq istəyərkən ona hərtərəfli dəstək verilib:
"Əvvəllər bu işdə təcrübəmiz olduğu üçün Cəbrayılda çörək sexiqurmuşuq. Ailəliklə bu sahə ilə məşğuluq, anam da neçə bu işdə çalışıb. Cəbrayıla köçəndən sonra işə başlamaq üçün etdiyim müraciətə dərhal cavab verildi və dəstək göstərildi. Bunun sayəsində ənənəvi Cəbrayıl çörəyi istehsal edirik. Şükür, bişirdiyimiz bütün növ çörəklərə tələbat var. Qiymətlər məhsulun çəkisinə görə dəyişir. Məsələn, 1 kiloqramlıq uzunsov, 500 qramlıq yumru, kürə çörəkləri, həmçinin yuxa çeşidlərimiz var. Bundan əlavə, sexdə kətə, qoğal və digər şirniyyat məhsulları da bişirilir. Çox sevinirik ki, alıcıları məhsullarımızı bəyənirlər".
Cəbrayıl, Qubadlı, Zəngilan rayonlarında Bərpa, Tikinti və İdarəetmə xidmətinin ictimaiyyətlə əlaqələr şöbəsinin müdiri İlhamiyyə Rzayeva isə bizi rayonun Soltanlı kəndində həyata keçirilən işlər barəsində ətraflı məlumatlandırıb:
"Soltanlı kəndindəki tikinti meydançasında işlər tam qüvvəsi ilə davam edir. Bu kənd 108-53 hektar sahə üzrə layihələndirilib və 420 fərdi evin inşası nəzərdə tutulub. Həmçinin burada qeyri-yaşayış obyektləri, məktəb və uşaq bağçası və inzibati binalar da inşa ediləcək. Hazırda tikintinin icra səviyyəsi 15 faizdir. Qeyd edim ki, Soltanlı kəndinin layihəsi "Təməl" memarlıq müsabiqəsinin yaşayış komplekslərinin memarlıq həlləri nominasiyasında II dərəcəli diploma layiq görülüb".
Daha sonra baş çəkdiyimiz Horovlu kəndinə isə məlumdur ki, artıq bir neçə mərhələdə sakinlərin köçü baş tutub. Ona görə də hazırda kənddə həyat öz axarına düşüb. Kənd sakini Səltənət Həsənova ilə söhbətləşirik. Məlum olur ki, kəndi 18 yaşında tərk edib:
"Allahdan Ali Baş Komandana can sağlığı, şəhidlərimizə rəhmət diləyərək bu günümüzə şükür edirik. 33 ildən sonra doğma yurdumuza qayıdışımız və bu cür gözəl evlərdə yaşadığımız üçün çox sevincliyik. O vaxt mən təzə ailə qurmuşdum. İndi isə evimizə övladlarım və nəvələrimlə qayıtmışam. Evlərimiz çox şəraitlidir, işıq, su və qazla fasiləsiz təmin olunuruq. İnşallah, kəndimizi daha da abad və firavan edəcəyik".
Kəndin digər sakini Nizami Kəlbəliyev 33 il məcburi köçkünlük həyatı yaşasa da, doğma ocağa qayıdacağına inamını heç vaxt itirmədiyini deyib:
"Bir neçə yerə köç etsək də, sonda Zəngilan şəhərciyində məskunlaşdım. Oradan da Ali Baş Komandan və ordumuzun sayəsində nəhayət ki doğma yurda qayıtdıq. Şəhidlərimizin qanı ilə alınan torpaqlarımızda bu gün firavan həyat sürürük. Kəndimizə qayıdacağımıza inamımızı heç vaxt itirmədik. Özüm təqaüdçüyəm, bura gələndən həyət-bacada məşğuliyyətim artıb. Şükür, yaşıma görə özümü daha gümrah hiss edirəm. Yaradılan şəraitdən də çox razıyıq. Həyat yoldaşıma bu günü görmək nəsib olmadı. Amma burada övladlarım və nəvələrimlə birlikdə yaşayırıq".
Belarus tərəfindən Azərbaycanın Ağdam rayonunda aqrar-sənaye kompleksinin yaradılması Qarabağ regionunda kənd təsərrüfatı istehsalının inkişafına əlavə stimul olacaq.
"Report"un Minskə ezam olunmuş əməkdaşı xəbər verir ki, bu barədə Azərbaycanın Baş nazirinin müavini Samir Şərifov Belarus-Azərbaycan biznes-forumunda bildirib.
“Azerbaijan International Mining Company Limited (AIMC)" şirkətinin Azərbaycan Respublikasındakı Nümayəndəliyi və “Ağdam, Füzuli və Xocavənd rayonlarında Bərpa, Tikinti və İdarəetmə Xidməti” publik hüquqi şəxs ilə AMEA Arxeologiya və Antropologiya İnstitutu arasında bağlanmış müqavilələrə əsasən, İnstitutun “Yeni tikinti sahələrinin arxeoloji tədqiqi şöbəsi” tərəfindən Ağdərə rayonunun Canyataq kəndi yaxınlığında “Dəmirli” Filiz Emalı Kompleksi ərazisində və Ağdam rayon Göytəpə kəndi ərazisində arxeoloji qazıntı və monitorinq aparılıb.Bu barədə Oxu24.com-a AMEA-nın Arxeologiya və Antropologiya İnstitutundan məlumat verilib.Bildirilib ki, “Dəmirli” Filiz Emalı Kompleks ərazisində arxeoloqlar tərəfindən orta əsrlər dövrünə aid tikili qalıqları və saxsı nümunələri aşkar edilib: "Orta əsr tapıntıları şirli və şirsiz keramika məmulatı fraqmentlərindən ibarətdir. Şirli keramika nümunələri ümumilikdə kasa və boşqab formalı qablarla təmsil olunmaqla, XI-XV əsrlərə aid edilirlər. Arxeoloji monitorinq qrupu tərəfindən ərazidə aparılan vizual müşahidələr zamanı, kompleks yaxınlığında, 3 ədəd kurqan qeydə alınıb".AMEA Arxeologiya və Antropologiya İnstitutunun “Yeni tikinti sahələrinin arxeoloji tədqiqi şöbəsi” tərəfindən növbəti arxeoloi monitorinq Ağdam rayonu ərazisində aparılıb. Azərbaycan Respublikası Nazirlər Kabinetinin 2001-ci il 2 avqust tarixli 132 nömrəli qərarına əsasən rayonun Göytəpə kəndi ərazisində “Ölkə əhəmiyyətli daşınmaz tarix və mədəniyyət abidələrinin Siyahısı”nda 2 arxeoloji abidə qeydə alınıb: "Monitorinq zamanı Göytəpə kəndi yaxınlığında, Eyvazxanbəyli kənd qəbiristanlığı ərazisində türbə qeydə alınmışdı. Türbə hicri təqvimi ilə 1343, miladi təqvimi ilə 1924-cü ilə aiddir. Türbənin üzərindəki daş kitabəyə əsasən burada “Şamil bəy Salman bəy oğlu” dəfn edilib. Nəzərə alsaq ki, 1920-ci ildə Azərbaycanda Sovet hakimiyyəti qurulubdur, çox güman ki, o, Eyvazxanbəyli nəslinin sonuncu bəylərindən biridir. Türbə altıguşəli planda inşa edilib. Altıguşəli türbə memarlığı, əsasən qülləvari türbə tipinə aid olan və Azərbaycanın orta əsr memarlığında rast gəlinən nadir həndəsi formalardan biridir. Bu üslubda olan türbələr altıbucaqlı (heksaqonal) plana malikdir və adətən üstü günbəzlə tamamlanır".
Laçın şəhərində 28 May – Müstəqillik Gününə həsr olunmuş konsert proqramı təşkil olunub.Bu barədə Oxu24.com-a Laçın rayonunda Bərpa, Tikinti və İdarəetmə Xidmətindən məlumat verilib.Tədbir Laçın rayonunda Prezidentin xüsusi nümayəndəliyinin təşəbbüsü, Laçın rayonunda Bərpa, Tikinti və İdarəetmə Xidmətinin, Xəzər Universitetinin və "Lachin Resort & Spa" İstirahət Kompleksinin birgə təşkilatçılığı ilə ərsəyə gəlib.Əvvəlcə torpaqların azadlığı və ərazi bütövlüyü uğrunda canından keçmiş qəhrəman şəhidlərin əziz xatirəsi bir dəqiqəlik sükutla yad olunub və Dövlət Himni səsləndirilib.Tədbirdə Xəzər Universitetinin qızlardan və oğlanlardan ibarət rəqs ansamblı çıxış edib.Proqram çərçivəsində görkəmli sənətkarların, respublika və beynəlxalq müsabiqələr laureatlarının repertuarlarından musiqi nömrələri, bəstəkar əsərləri və xalq mahnıları təqdim olunub.Tədbir çıxışlarla davam edib.
Xəbər verdiyimiz kimi, Prezident İlham Əliyev bu gün Şuşa rayonunun Böyük Qaladərəsi kəndinə qayıdan sakinlərlə görüşüb.Oxu24.com-un məlumatına görə, sakinlərlə görüş zamanı dövlət başçısının ağbirçək qadınla olan dialoqu maraqla qarşılanıb.Həmin dialoqu təqdim edirik:Prezident İlham Əliyev: Salaməleyküm.Ağbirçək qadın: Sənə qurban olum, sənin başına dönüm. Nə yaxşı gəlmisən. Bu qapımız Sənin üzünə açıqdır.Prezident İlham Əliyev: Siz də xoş gəlmisiniz doğma vətəninizə.Ağbirçək qadın: Sənin hesabına, Sənin sayəndə gəlmişik. Allah Səni bizim üstümüzdən əskik etməsin.Prezident İlham Əliyev: Sağ olun, çox sağ olun.Ağbirçək qadın: Mənim qızımı niyə gətirməmisən, görərdim.Prezident İlham Əliyev: Onun da salamı var sizə.Ağbirçək qadın: Məndən çoxlu-çoxlu salamlar apar Şuşa qızıma.Prezident İlham Əliyev: Mütləq. O da Şuşa qızıdır, bilirsiniz.Ağbirçək qadın: Nə yaxşı ki, gəlmisən, bala. Bizi nə yaxşı ki, torpağımıza gətirmisən, ayağımız torpağımıza dəyib. Allah Səni min yaşatsın. Üstümüzdən əskik etməsin.Prezident İlham Əliyev: Çox sağ olun, sağ olun. Siz də xoşbəxt yaşayın burada, doğma Qarabağ torpağında.
Müharibələr Azərbaycanın yan-yörəsini əhatə edib: istər Şimalda, istər Cənubda, istər başqa yerlərdə.Oxu24.com xəbər verir ki, bu fikirləri Prezident İlham Əliyev Şuşanın Böyük Qaladərəsi kəndində sakinlərlə görüşündə deyib."Yəni bu müharibələrin sonu olacaqmı? Heç kim bilmir. Nə ilə nəticələnəcək? Heç kim bilmir. Bu müharibələrin qalibi kimdir? Onu da demək çətindir, hərə deyir ki, mən qalibəm", - dövlət başçısı deyib.
Azərbaycan Prezidenti İlham Əliyev Müstəqillik Günü münasibətilə mayın 28-də Xankəndi şəhərindəki Zəfər parkında ucaldılan Zəfər tağının önünə gül dəstələri düzüb.Oxu24.com xəbər verir ki, bu barədə Prezidentin Mətbuat xidməti məlumat yayıb.
Azərbaycan Prezidenti İlham Əliyev mayın 28-də Xocalı rayonunun Daşbulaq kəndində əsaslı təmir edilən və Müdafiə Nazirliyinin hərbi qulluqçuları üçün nəzərdə tutulan fərdi evlərdə yaradılmış şəraitlə tanış olub.Oxu24.com xəbər verir ki, dövlət başçısına görülmüş işlər barədə məlumat verildi.Bildirildi ki, burada ümumilikdə 191 fərdi ev var. Onlardan 1-i ikiotaqlı, 70-i üçotaqlı, 93-ü dördotaqlı, 8-i beşotaqlı, 1-i isə səkkizotaqlıdır. Bundan başqa, ərazidə ikimərtəbəli, yeddiotaqlı 18 ev də var.Evlərdə sakinlərin rahat yaşaması və istirahəti üçün zəruri şərait yaradılıb. Onlar elektrik enerjisi və qazla təchiz olunub. Həmçinin ərazidə kommunikasiya layihələri, o cümlədən məhəllədaxili yolların yenidən qurulması icra olunub. Sakinlərin istirahəti üçün park salınıb, Bayraq meydanı yaradılıb.Qeyd edək ki, hərbi qulluqçuların xidməti evlərlə təmin olunması, onların mənzil-məişət şəraitinin yaxşılaşdırılması Azərbaycan dövlətinin həyata keçirdiyi sosial siyasətin mühüm istiqamətlərindəndir. Bu yanaşma ilk növbədə hərbi qulluqçuların, onların ailələrinin sosial qayğılarının həllinə xidmət edir. İndiyədək minlərlə hərbçinin sosial-məişət şəraitinin yaxşılaşdırılması, onların dövlət vəsaiti hesabına mənzillərlə təmin edilməsi istiqamətində konkret layihələr icra olunub.
"Qarabağ və Şərqi Zəngəzur iqtisadi zonalarında yeni milli parkların yaradılması istiqamətində işlər aparılır". Oxu24.com bildirirki bunu ekologiya və təbii sərvətlər naziri Rəşad İsmayılov "Trend" Beynəlxalq İnformasiya Agentliyinə və "ARB24" televiziya kanalına müsahibəsində bildirib.Nazir qeyd edib ki, yaxın gələcəkdə 10 min hektarlarla ərazini əhatə edən yeni milli parkların yaradılmasının şahidi olacağıq:"Çox böyük ərazilərdir. Ərazilərin seçilməsi zamanı biz əsasən çalışdıq ki, daha çox təbiətin zənginliyi mövcud olan, heyvanat aləminin müxtəlifliyi ilə seçilən əraziləri əhatə edək".Rəşad İsmayılov qeyd edib ki, 2025-ci ildə Azərbaycanda yeni iki milli park yaradılıb:"İlisu Milli Parkı İlisu qoruğunun bazasında yaradılıb, digəri isə Axar-Baxar Milli Parkıdır. Axar-Baxar tamamilə yeni - əvvəlcə hər hansı bir yasaqlıq və ya qoruq olmayan ərazilərdə yaradılıb. Bu, onun göstəricisidir ki, biz artıq yeni ərazilərin zənginliyini araşdırırıq və onların mühafizə rejimini artırmağa çalışırıq. Ərazilər həm cəlbedici adı, həm də zəngin təbiəti ilə diqqət çəkir".Demokrat.az
Postmünaqişə dövrünün ən ciddi problemlərindən biri mina təhlükəsidir.
"Report"un məlumatına görə, bunu Milli Məclisin deputatı Səbinə Salmanova Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Postmünaqişə dövründə yaşıl şəhərsalmada qadınların rolu və mina təhlükəsizliyi" adlı sessiyada deyib.
O qeyd edib ki, Ermənistan tərəfindən Azərbaycan ərazilərində basdırılmış minalar bu gün də insanların həyatına ciddi təhlükə yaradır və bərpa prosesini ləngidir.
"Azad edilmiş torpaqlarda 900 min hektardan çox ərazi minalar və partlamamış hərbi sursatlarla çirkləndirilib. Bölgədə təxminən 1,5 milyon mina basdırılıb. 2020-ci ilin noyabrından etibarən 262 min hektardan çox ərazi təmizlənib, 246 mindən çox mina və partlamamış silah zərərsizləşdirilib. Bu günə olan vəziyyətə görə, 450-dən çox Azərbaycan vətəndaşı mina partlayışı nəticəsində həlak olub və ya yaralanıb".
Deputat bəyan edib ki, bir yolun çəkilməsi, bir məktəbin tikilməsi və ya bir kəndin salınması üçün əvvəlcə həmin ərazilərdə uzun müddət minatəmizləmə işləri aparılır, bu isə həm vaxt itkisi yaradır, həm böyük maliyyə resursları tələb edir, həm də insan həyatı üçün ciddi risklər formalaşdırır:
"Mina təhlükəsi yalnız təhlükəsizlik problemi deyil. Eyni zamanda, böyük humanitar problemdir. Bu, insanların doğma torpaqlarına qayıdışını gecikdirən əsas maneələrdən biridir. Mina problemi həm də kənd təsərrüfatının, iqtisadi fəaliyyətin və sosial həyatın bərpasına da mane olur".
Avropa İttifaqı Azərbaycanda minaların təmizlənməsi sahəsi üzrə bir sıra lahiyələr həyata keçirir.
"Report" xəbər verir ki, bu fikirləri Avropa İttifaqının (Aİ) Azərbaycandakı səfiri Mariyana Kuyundziç Ümumdünya Şəhərsalma Forumunun 13-cü sessiyası (WUF13) çərçivəsində keçirilən "Münaqişədən Sonra Şəhər Yenidənqurması: Humanitar Mina Təmizlənməsinin Kritik Rolu" adlı panel sessiyada deyib.
O bildirib ki, Aİ mina təhlükəsinə qarşı mübarizədə gender yanaşmasının tətbiqinə də xüsusi önəm verir və Azərbaycanda ilk qadın minatəmizləmə qrupunun yaradılmasına dəstək göstərib:
"Hazırda Sloveniya mənşəli "International Trust Fund for Enhancing Human Security" ilə genişmiqyaslı layihə üzrə danışıqlar davam edir. Bu layihə ANAMA-nın institusional və əməliyyat potensialının gücləndirilməsinə yönəlib. Layihə çərçivəsində mina aşkarlayan itlərin xüsusi təlimi, vacib əməliyyat avadanlıqlarının təmin edilməsi, mina qurbanlarına yardım, həmçinin xüsusi təyinatlı ambulansların təqdim olunması nəzərdə tutulur. Bu sənədlərin yaxın zamanda imzalanaraq icraya başlanması planlaşdırılır".
Aİ minadan çirklənmiş ərazilərin yenidən təhlükəsiz torpaqlara çevrilməsinə hər zaman dəstək göstərib.
"İnsanların təhlükəsiz şəkildə hərəkət etməsi son dərəcə vacibdir. Heç kim addım atarkən qorxu hiss etməməlidir. Mən iki gün əvvəl Qarabağa səfər etdim və orada müharibənin dəhşətli nəticələrini gördüm. Amma eyni zamanda imkanları, aparılan quruculuq işlərini və həyatın necə geri qayıtdığını da müşahidə etdim".
Aİ nümayəndəsi qeyd edib ki, həyatın geri qayıtması isə asan proses deyil:
"Məsələn, Xorvatiya mina təmizləmə prosesini yalnız bu il - müharibədən 31 il sonra tamamlaya bildi. Halbuki Azərbaycan əraziləri daha geniş şəkildə mina ilə çirkləndirilib. Bu proses çox uzun və çətin olsa da, mütləq həyata keçirilməlidir. Avropa Birliyi bu istiqamətdə dəstək göstərmək üçün buradadır".
Azərbaycan bir daha iri beynəlxalq tədbirləri təşkil etməyi bacaran ölkə statusunu təsdiqlədi və davamlı şəhər inkişafı sahəsində hökumət nümayəndələrini, beynəlxalq təşkilatları və ekspertləri bir məkanda uğurla birləşdirdi.
Bu gün Bakıda işini başa çatdıracaq Ümumdünya Şəhərlər Forumunun 13-cü sessiyasının (WUF13) iştirakçıları forumun 6 gün ərzində müzakirə olunan mövzuların - əlçatan mənzildən və iqlim davamlılığından tutmuş sosial inklüzivliyə və şəhər infrastrukturunun modernləşdirilməsinə qədər - aktuallığını dəfələrlə vurğuladılar.
Bu müzakirələr fonunda mənzil siyasətində yeni yanaşmalar həyata keçirən ölkələrin təcrübəsi xüsusi maraq doğurdu.
"Report"a müsahibəsində Kolumbiyanın mənzil tikintisi, şəhərlər və ərazilər nazirinin müavini Ayde Marsilya Bello ölkəsinin nümayəndə heyətinin forumda iştirakının əsas məqsədləri barədə danışıb, Bakıdan təəssüratlarını bölüşüb, həmçinin Azərbaycan və Kolumbiya arasında mənzil abadlaşdırması və şəhərlərin davamlı inkişafı sahələrində əməkdaşlıq perspektivlərini qeyd edib.
- Kolumbiya WUF13-dən hansı nəticələr gözləyir?
- Deyərdim ki, bizim üçün konkret nəticələrdən daha çox ölkəmizin mənzil siyasətinin transformasiyası prosesində yaşadığı təcrübəni nümayiş etdirmək imkanı vacibdir. İndiki hökumət hakimiyyətə gələndə mənzil siyasəti demək olar ki, yalnız yeni mənzillərin alınması üçün subsidiyaların verilməsinə yönəlmişdi.
Lakin Kolumbiya əhalisinin ehtiyacları daha geniş və müxtəlifdir. Buna görə də son illərdə biz mənzil siyasətinə yanaşmanı genişləndirdik və yaşayış mühiti konsepsiyasını irəli sürməyə başladıq. Bu siyasətin mərkəzində su dayanır, şəhərləri su ehtiyatları ətrafında təşkil etmək zərurəti var. Ümumilikdə, konsepsiyamız çərçivəsində biz suyu qorunmalı olan ümumi nemət və şəhərlərin inkişafını formalaşdıran amil kimi nəzərdən keçiririk.
Biz göstərmək istəyirik ki, yalnız tikintiyə, kvadrat metrlərə və betona əsaslanan siyasətdən insanların birliklərini diqqət mərkəzində saxlayan, həmçinin dayanıqlılıqla bəşəriyyətin yaşayış və inkişaf tərzi arasında balans tapmağa çalışan kompleks yaşayış mühiti siyasətinə necə keçirik. Məhz budur bizim əsas məqsədimiz.
- Bakı sizdə hansı təəssürat yaratdı?
- Açığını deyim: şəhəriniz mənə çox xoş gəldi. Bakı mənə müxtəlif mədəniyyətlərin bir-birinə qovuşduğu gözəl bir şəhər kimi göründü - məhz belə bir təəssürat yaratdı. Çox maraqlı tarixiniz var. Azərbaycanın nisbətən gənc bir dövlət olmasına baxmayaraq, ölkə zəngin tarixi irsə malikdir.
Memarlıq, şəhər mühiti, görməli yerlər - bütün bunlar çox maraqlıdır. Həmçinin xoşuma gəldi ki, ölkə dünyaya açıqdır və tanınmağa çalışır. Bizim üçün (Kolumbiya - red.) Azərbaycan çox uzaq bir ölkə kimi görünür, lakin bu səfərdən sonra buraya ailəmlə birlikdə qayıtmaq istəyi yarandı. Əslində, məsafəyə baxmayaraq, mənə elə gəlir ki, ilk baxışda görünə biləcəyindən daha çox ortaq cəhətimiz var.
- Hər hansı tarixi yerləri ziyarət edə bildinizmi?
- Təəssüf ki, forumda iştirakım səbəbindən turizmə çox vaxtım olmadı. Lakin sıx tədbirlər cədvəlinə baxmayaraq, Qız Qalasını görmək, Xəzər dənizi boyunca Bulvarda gəzmək və Köhnə Şəhərdə gəzinti etmək mənə nəsib oldu. Əlbəttə, mən Bakının yalnız kiçik bir hissəsini gördüm, amma indi buraya mütləq yenidən qayıtmaq üçün ciddi bir səbəbim var.
- Kolumbiyanın Mənzil Tikintisi, Şəhər və Ərazilər Nazirliyi hansı sahələrdə Azərbaycanla əməkdaşlıq edə bilər?
- Forumda əldə edilən məlumata görə, Azərbaycan hazırda Qarabağ bölgəsində müharibə və Ermənistanla münaqişədən zərər çəkmiş insanların köçürülməsi ilə fəal məşğul olur.
Təəssüf ki, Kolumbiyanın münaqişələr və əhalinin məcburi köçürülməsi ilə bağlı böyük təcrübəsi var. Və bizim üçün insanların birliklər ilə birbaşa qarşılıqlı əlaqə son dərəcə vacib olmuşdur. Bəzən hakimiyyət orqanları nəyin doğru olduğuna dair öz baxışlarından çıxış edərək layihələr planlaşdırır, lakin insanların real ehtiyacları əhəmiyyətli dərəcədə fərqli ola bilər. Buna görə də məmurların nöqteyi-nəzərindən düzgün görünən şey, həmişə həmin yerlərdə yaşayacaq insanların gözləntilərinə uyğun gəlmir.
Düşünürəm ki, Kolumbiyanın təcrübəsini - icmalarla dialoqu necə qurduğumuzu, insanlara öz layihələrinin və proseslərinin inkişafında necə iştirak etməkdə kömək etdiyimizi bölüşmək bizim üçün çox maraqlı olardı.
Eyni zamanda Azərbaycan şəhərlərin sıfırdan planlaşdırılması, təmiz enerji texnologiyalarının tətbiqi və dayanıqlı inkişaf sahəsində öz təcrübəsini bizimlə bölüşə bilərdi. Biz enerji keçidinə, qazıntı yanacağının təmiz enerji mənbələri ilə əvəz olunmasına çox maraq göstəririk. Buna görə də hesab edirəm ki, ölkələrimizin bu sahədə əməkdaşlıq üçün böyük imkanları var. Kolumbiya səfiri və bizim səfirliyimiz iki ölkə arasında belə əlaqələrin inkişafına kömək etməyə hazır olacaq.
- İki ölkə arasında urbanistika və dayanıqlı inkişaf sahəsində təcrübə və mütəxəssis mübadiləsi mümkündürmü?
- Bəli, şübhəsiz. Artıq qeyd etdiyim kimi, biz yerli icmalarla aparılan sosial iş təcrübəsini, insanları öz layihələrinin idarə edilməsinə necə cəlb edə bildiyimizi bölüşə bilərik. Yəni sosial sahədə biz Azərbaycanla əməkdaşlıq edə bilərdik, siz isə öz növbənizdə planlaşdırma və müasir texnologiyaların tətbiqi məsələlərində bizə kömək edə bilərdiniz.
- Azərbaycanın "ağıllı şəhərlər" və "ağıllı kəndlər" yaratmaq təcrübəsini necə qiymətləndirirsiniz? Belə layihələr Kolumbiya üçün maraqlıdırmı?
- Əlbəttə. Düşünürəm ki, biz sadəcə "ağıllı" deyil, həm də dayanıqlı şəhərlərə doğru irəliləməliyik. Bu forum məhz digər ölkələrin təcrübəsini öyrənmək və mənimsəmək imkanı verir. Təbii ki, hər bir dövlətin öz xüsusiyyətləri və çətinlikləri var. Lakin belə beynəlxalq platformalar məhz bunun üçün yaradılır - hansı təcrübələrin öz ölkəndə adaptasiya oluna biləcəyini, hansıların isə oluna bilməyəcəyini anlamaq, təcrübə mübadiləsi aparmaq və öz yanaşmalarımızı yaxşılaşdırmaq yollarını axtarmaq üçün".
Azad olunmuş ərazilərdə bərpa və yenidənqurma işləri üçün əhəmiyyətli maliyyə resursları ayrılıb. “Report” xəbər verir ki, bunu Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov WUF13 çərçivəsində “Böhranların bərpası və yenidənqurulmasının mərkəzində mənzil təminatı” adlı sessiyada deyib. Onun sözlərinə görə, 30 il ərzində Azərbaycan torpaqları işğal altında olanda dağıdılıb: “Bəzi rayonlarda dağıntının miqyası [...]
Azad olunmuş ərazilərdə bərpa və yenidənqurma işləri üçün əhəmiyyətli maliyyə resursları ayrılıb. “Report” xəbər verir ki, bunu Ağdam, Füzuli və Xocavənd rayonlarında Prezidentin xüsusi nümayəndəsi Emin Hüseynov WUF13 çərçivəsində “Böhranların bərpası və yenidənqurulmasının mərkəzində mənzil təminatı” adlı sessiyada deyib. Onun sözlərinə görə, 30 il ərzində Azərbaycan torpaqları işğal altında olanda dağıdılıb: “Bəzi rayonlarda dağıntının miqyası [...]
İşğaldan azad edilmiş ərazilərdə məskunlaşma prosesi mərhələli şəkildə davam edir. Modern.az xəbər verir ki, bunu Bakıda keçirilən Ümumdünya Şəhərsalma Forumunun 13-cü sessiyası (WUF13) çərçivəsində Ağdam, Füzuli və Xocavənd rayonlarında Azərbaycan Respublikası Prezidentinin xüsusi nümayəndəsi Emin Hüseynov jurnalistlərə açıqlamasında bildirib. Xüsusi nümayəndənin sözlərinə görə, həmin ərazilərdə çalışanlarla birlikdə artıq 50 mindən çox insan yaşayır. “Bu il [...]
Birinci Qarabağ müharibəsində itkin düşdüyü hesab edilən və şəxsiyyəti müəyyənləşdirilən daha bir şəhid dəfn olunacaq.Oxu24.com xəbər verir ki, bu barədə Əsir və itkin düşmüş, girov götürülmüş vətəndaşlarla əlaqədar Dövlət Komissiyası məlumat yayıb.Hərbçi itkin-şəhid Piriyev Rəşadət Əli oğlu mayın 22-də Bərdə rayonu Yeni Daşkənd kənd qəbiristanlığında dəfn olunacaq.Qeyd edək ki, R.Piriyev 1994-cü ildə Kəlbəcər rayonu Qızılqaya yüksəkliyində itkin düşüb.
Zəngəzur Mis-Molibden Kombinatında (ZMMK) tullantı anbarının (bəndinin) boru xəttində baş verə biləcək mümkün qəza hallarında operativ fəaliyyətin yoxlanılması məqsədilə xüsusi təlim keçirilib.Oxu24.com xəbər verir ki, təlimin ssenarisinə əsasən, qəza kombinatın tullantı anbarına gedən əsas boru xəttində qeydə alınıb. Hadisədən bir neçə dəqiqə sonra şirkətin məsul əməkdaşları və xilasedicilər şərti qəza yerinə yetişiblər.Mütəxəssislərin bildirdiyinə görə, bu növ qəzalar zamanı ilk növbədə tullantı axını əsas boru kəmərindən çıxarılaraq iki ehtiyat qəza borusuna yönəldilir. Növbəti mərhələdə isə zədələnmiş sahənin sürətlə bərpası işləri həyata keçirilir. Kombinat rəsmiləri bu cür təlimlərin ildə azı bir dəfə təşkil olunduğunu və məqsədin əvvəlcədən hazırlanmış fəaliyyət planını daha da təkmilləşdirmək olduğunu vurğulayıblar.Şərti qəza uğurla ləğv edilib və təlimin nəticələri qənaətbəxş qiymətləndirilib.NOCOMMENT.az
Heydər Əliyev Fondunun və Mədəniyyət Nazirliyinin təşkilatçılığı ilə mayın 14-də Şuşada “Xarıbülbül” IX Beynəlxalq Musiqi Festivalı başlayıb.Oxu24.com xəbər verir ki, tədbirdə Azərbaycan Respublikası Prezidentinin köməkçisi, Heydər Əliyev Fondunun icraçı direktoru Anar Ələkbərov, tanınmış mədəniyyət xadimləri və ictimaiyyət nümayəndələri iştirak ediblər.“Xarıbülbül” bu il də Şuşanı musiqi və rəngarəng mədəniyyətlərin ünvanına çevirib. Festivalda təkcə yerli incəsənət nümayəndələri deyil, həm də bir sıra xarici ölkələrdən gələn musiqi kollektivləri və solo ifaçılar bir araya gəlib. Belə ki, ABŞ, Qazaxıstan, Özbəkistan, Türkmənistan, Türkiyə, Yaponiyadan incəsənət xadimləri "Xarıbülbül"ə dəvət olunub.Bu beynəlxalq tədbirin əsas məqsədi mədəniyyətlərarası əlaqələri gücləndirmək, sənətkarlar arasında yaradıcılıq mübadiləsinə şərait yaratmaq və gənc musiqiçilərin inkişafına dəstək verməkdir.“Xarıbülbül”ün açılış konsertində Xalq artistləri Polad Bülbüloğlu, Tünzalə Ağayeva, Yusif Eyvazov, Əməkdar artistlər Azər Zadə, Elnarə Məmmədova, Elvin Hoca Qəniyev, Təyyar Bayramov, Əməkdar mədəniyyət işçiləri aşıq Samirə və aşıq Əli, beynəlxalq müsabiqələr laureatı Camal Əliyev, ifaçılar Habil Məmmədov və tələbələri, Sankt-Peterburq Dövlət Akademik Mariya Teatrının solisti Həmid Abdulov, eləcə də İsmayıl Zeynalov, Kiyoşi Ohira (Yaponiya), Düsseldorfda fəaliyyət göstərən “Reyndə alman operası” teatrının solisti Mara Hüseynova, həmçinin Müşfiq Quliyev, Riad Məmmədov, Uğur İşılak (Türkiyə), Azərbaycan Dövlət Rəqs Ansamblı, Fikrət Əmirov adına Azərbaycan Dövlət Mahnı və Rəqs Ansamblı, Üzeyir Hacıbəyli adına Azərbaycan Dövlət Simfonik Orkestri, Azərbaycan Dövlət Xor Kapellası, Bakı Xoreoqrafiya Akademiyasının tələbələri, Qazaxıstanın “Turan” Etno-Folk Ansamblı, Özbəkistanın “Şodlık” Rəqs Ansamblı, Türkmənistanın “Qalkınış” Rəqs Ansamblı çıxış ediblər.Festivalın açılış konserti “Qarabağ yallısı” ilə başa çatıb.APA
Cəbrayıl rayonun Şükürbəyli kəndinə ümumilikdə 2 522 nəfərin (615 ailə) köçürülməsi nəzərdə tutulur.Oxu24.com xəbər verir ki, bu barədə mayın 9-da Azərbaycan Prezidenti İlham Əliyev və birinci xanım Mehriban Əliyevaya Şükürbəyli kəndində inşa edilmiş fərdi evlərdə yaradılmış şəraitlə tanış olarkən məlumat verilib.Qeyd olunub ki, kəndə rayonun Şıxalıağalı, Dəjəl kəndlərinin və Mahmudlu qəsəbəsinin sakinləri də daxil olmaqla, ümumilikdə 2522 nəfərin (615 ailə) köçürülməsi planlaşdırılır.İlkin mərhələdə 635 fərdi ev istifadəyə verilib. Onlardan 615-i sakinlər, 20-si isə xidməti istifadə üçündür. Evlər 2, 3, 4 və 5 otaqlıdır.
Mayın 6-da Azərbaycana qarşı yönəlmiş növbəti təxribatın şahidi olduq. Rusiyanın dövlət kanalı olan "Birinci kanal"ın "Vremya pokajet" proqramında Azərbaycan Respublikasının təhrif olunmuş xəritəsi nümayiş etdirildi və orada artıq beş il əvvəl ləğv edilmiş, uzun illər davam edən açıq tarixi ədalətsizlik və Azərbaycan torpaqlarının işğalı dövrü ilə sıx bağlı olan qondarma "Dağlıq Qarabağ" ayrıca vahid kimi göstərildi.Azərbaycan Xarici İşlər Nazirliyi məsələ ilə bağlı artıq sərt bəyanatla çıxış edib - Azərbaycanın ərazi bütövlüyünə hörmətsizlik hallarına münasibətdə Azərbaycan diplomatik leksikonunda yumşaq ifadələr nəzərdə tutulmayıb. Bakı Moskvadan rəsmi izahat, eləcə də gələcəkdə bu kimi halların qarşısının alınması üçün zəruri tədbirlərin görülməsini tələb edib."Mayın 6-da Rusiyanın dövlətə məxsus Birinci kanalının "Vremya pokajet" proqramında Azərbaycan Respublikasının təhrif olunmuş xəritəsinin nümayiş etdirilməsi və orada qondarma "Dağlıq Qarabağ"ın göstərilməsi ciddi təxribat və yolverilməz siyasi manipulyasiyadır", - deyə qurumun bəyanatında bildirilir."Rusiya dövlət kanalında köhnəlmiş, yalan və separatizmi təşviq edən narrativlərin tirajlanması Azərbaycan-Rusiya münasibətlərinin ruhuna, həmçinin qarşılıqlı hörmət və mehriban qonşuluq prinsiplərinə ziddir. Bu xüsusilə də Rusiya tərəfinin Azərbaycanın ərazi bütövlüyü və suverenliyinə hörmətlə bağlı dəfələrlə verdiyi bəyanatlar fonunda qəbuledilməzdir", - sənəddə vurğulanır.Maraqlıdır ki, Rusiya bütün siyasi səviyyələrdə, o cümlədən ali rəhbərlik səviyyəsində Azərbaycanın ərazi bütövlüyünü qeyd-şərtsiz tanıyır. Lakin belə görünür ki, ya bu mövqe səmimi deyil, ya da Rusiya siyasi isteblişmentində heç də hamı rəsmi kursa əməl etmir. Biz dəfələrlə İkinci Qarabağ müharibəsinin nəticələrini şübhə altına alan, 2020-ci ilin sentyabrına qədər mövcud olmuş status-kvoya ritorik şəkildə qayıtmaq imkanını yaratmağa çalışan deputatların, partiya və ictimai xadimlərin açıqlamalarının şahidi olmuşuq.Bundan başqa, 2020–2023-cü illərdə Rusiya sülhməramlılarının yerləşdiyi ərazilərdə onların iştirakı ilə vaxtaşırı Azərbaycanın Qarabağ üzərində tam nəzarətinin qarşısını almağa yönəlmiş tədbirlər də keçirilib. Bunlara separatçı simvolikanın müşayiəti ilə keçirilən tədbirlər, erməni terrorçularına abidələrin açılması, Ruben Vardanyanın nəzarətində rejim formalaşdırmaq cəhdləri və sair aiddir.Amma bütün bunlar artıq tarixdir. Azərbaycan, böyük beynəlxalq təzyiqlərinə baxmayaraq, Prezident İlham Əliyevin rəhbərliyi altında diplomatik və hərbi vasitələri məharətlə birləşdirərək Qarabağ və Şərqi Zəngəzur üzərində suverenliyini tam bərpa edib. Ötən ilin avqustunda ABŞ-da Prezident Donald Trampın iştirakı ilə Azərbaycan və Ermənistan arasında formalaşan de-fakto sülh artıq reallığa çevrilib və dünya ictimaiyyəti tərəfindən müsbət qarşılanır. Hazırda tərəflər arasında ticarət əlaqələrinin ilk addımları müşahidə olunur, "Sülh körpüsü" təşəbbüsü çərçivəsində vətəndaş cəmiyyətinin xətti ilə təmaslar qurulur.Belə bir dövrdə Rusiyanın dövlət kanalının efirində Azərbaycanın təhrif olunmuş xəritəsinin nümayişini sadəcə texniki səhv kimi qiymətləndirmək çətindir. Görünür, Moskva siyasi elitasının müəyyən nümayəndələri artıq dəfələrlə iflasa uğramış "Qarabağ kartı"ndan öz maraqları naminə istifadə etməyə çalışırlar. Ola bilsin ki, burada Ermənistanda parlament seçkilərinin aktiv mərhələsi də müəyyən rol oynayır. Çünki baş nazir Nikol Paşinyanın partiyasının əsas rəqibləri məhz Samvel Karapetyan və Robert Koçaryanın rəhbərlik etdiyi rusiyapərəst qüvvələrdir.Ermənistanın rusiyapərəst müxalifəti revanşist tezislərdən fəal şəkildə istifadə edir, regionda sülh gündəliyinə qarşı çıxır və Paşinyanı məğlubiyyət siyasəti yürütməkdə ittiham edir. Kreml isə məhz bu siyasi qüvvələrə üstünlük verdiyini çox da gizlətmir.Əgər Moskvada hesab edirlərsə ki, Ermənistandakı siyasi maraqlarını Azərbaycanın maraqları hesabına təmin etmək mümkündür və ya bu cəhdlər Bakıda diqqətdən kənarda qalacaq, o zaman ciddi şəkildə yanılırlar. Qondarma "Dağlıq Qarabağ"ın əks olunduğu xəritənin dövlətə məxsus kanalın efirində nümayiş etdirilməsi Azərbaycan Respublikası ilə Rusiya Federasiyası arasında Müttəfiqlik Qarşılıqlı Fəaliyyəti haqqında Bəyannaməyə tam ziddir.Üstəlik, Bakı ilə Moskva arasında münasibətlər AZAL təyyarəsinin Qroznı üzərində vurulması ilə bağlı insidentdən sonra yaranmış mürəkkəb mərhələdən yenicə çıxmışdı. Belə bir vəziyyətdə "Birinci kanal"ın bu təxribatı, sifarişçilərin hansı məqsədləri güdməsindən asılı olmayaraq, tərəflər arasında etimad mühitinin bərpasına açıq şəkildə mane olur.İstisna deyil ki, Moskvada bununla Azərbaycan Prezidentinin 9 May paradında iştirak etməməsindən narazılıq ifadə etməyə çalışıblar. Lakin dərc olunan qonaq siyahısından da göründüyü kimi, Moskvadakı tədbirə əsasən dünyada tanınmayan separatçı qurumların liderləri qatılacaq. Bəlkə "Birinci kanal" məhz onlara yarınmağa çalışıb?Azərbaycan xalqının faşizmə qarşı mübarizədə həyatını itirmiş 300 mindən çox oğul və qızının xatirəsini ehtiramla yad etmək üçün isə Moskvaya getməyə ehtiyac yoxdur. Hər il ölkəmizin müxtəlif bölgələrində, o cümlədən ən yüksək dövlət səviyyəsində İkinci Dünya müharibəsi veteranları ilə görüşlər və anım tədbirləri keçirilir.Rusiya "Birinci kanal"ının Azərbaycana qarşı bu addımının sifarişçiləri və icraçılarının motivləri nə olursa olsun, Bakı öz milli maraqları və suverenliyinin təmin olunması məsələsində bir millimetr belə geri çəkilməyəcək.
Keniyanın "TV47" telekanalı Azərbaycanın işğaldan azad edilmiş ərazilərinin minalardan təmizlənməsi prosesi barədə reportaj hazırlayıb.
"Report" xəbər verir ki, telekanalın müxbiri Elizabet Mutuku bütün Qarabağ regionunda mina təhlükəsindən ən çox zərər çəkmiş rayonlardan biri hesab olunan Ağdam rayonuna şəxsən səfər edib.
Növbəti köç karvanı Xocavənd şəhərinə çatıb.
Modern.az xəbər verir ki, bu mərhələdə Xocavənd şəhərinə 39 ailə (176 nəfər) köçürülüb.
Köç edənlər respublikanın müxtəlif yerlərində, əsasən yataqxanalarda, sanatoriya və inzibati binalarda müvəqqəti məskunlaşmış ailələrdir.
...
Xankəndidə şəhərdaxili avtobus marşrutları fəaliyyətə başlayır.Bu barədə Oxu24.com -a Azərbaycan Yerüstü Nəqliyyat Agentliyindən (AYNA) məlumat verilib.Bildirilib ki, Xankəndi şəhərində müasir nəqliyyat infrastrukturunun qurulması istiqamətində ardıcıl işlər aparılır. Bu çərçivədə şəhərin ictimai nəqliyyat şəbəkəsi planı hazırlanıb və yeni marşrut şəbəkəsi üzrə marşrutlar artıq istifadəyə verilir."Yeni marşrut şəbəkəsi şəhərin bütün vacib nöqtələrini birləşdirərək sakinlər üçün fasiləsiz və keyfiyyətli nəqliyyat xidmətini təmin edəcək", - deyə məlumatda vurğulanıb.Qeyd edilib ki, Xankəndidə fəaliyyət göstərəcək şəhərdaxili avtobus marşrutları aşağıdakılardır:- 1 nömrəli avtobus "Qarabağ Universitetinin Klinikası - Xankəndi Tikiş Fabriki";- 2 nömrəli avtobus "Kərkicahan qəsəbəsi - Dəmiryol və Avtovağzal kompleksi";- 3 nömrəli avtobus isə "Qarabağ Universitetinin Klinikası – 1-ci dairə marşrutları üzrə hərəkət edəcək.Marşrut xətləriboyu ümumilikdə 62 ünvanda dayanacaq məntəqələri müəyyən edilib və müvafiq nişanla təchiz olunub.Sözügedən marşrutlar üzrə sərnişindaşımalar "BakuBus" MMC-yə məxsus ekoloji təmiz elektrik avtobuslarla həyata keçiriləcək. Xankəndidə əhalinin bugünkü tələbatını nəzərə alaraq ilkin mərhələdə ümumilikdə 10 nəqliyyat vasitəsi 14-15 dəqiqəlik intervalla sərnişinlərə xidmət göstərəcək.Avtobuslarda ödəniş nağdsız qaydada həyata keçiriləcək. Bunun üçün nəqliyyat vasitələrində müvafiq avadanlıqlar quraşdırılıb. Sərnişinlər ödənişlərini fiziki "BakıKart", QR-bilet , eləcə də NFC texnologiyası vasitəsilə istənilən bank kartı və mobil ödəniş sistemləri ("Google Pay" və "Apple Pay") ilə həyata keçirə bilərlər. Fiziki kartların balansını Xankəndi şəhərində mövcud olan ödəniş terminalları vasitəsilə artırmaq mümkündür.Qeyd edək ki, avtobusların hərəkətinə AYNA-nın monitorinq mərkəzi vasitəsilə real vaxt rejimdə nəzarət ediləcək.
Hökumətlərarası komissiyalar ikitərəfli əməkdaşlığın inkişafı üçün səmərəli mexanizmlərdən biridir və Azərbaycan da bu formatdan fəal istifadə edir. Bu gün, aprelin 15-də Şuşada keçiriləcək Azərbaycan-Latviya Hökumətlərarası Komssiyasının iclası da qeyd olunanları təsdiq edir.
Latviya tərəfindən komissiyanın həmsədri, kənd təsərrüfatı naziri Armands Krauze iclas ərəfəsində "Report"a verdiyi müsahibədə ikitərəfli əməkdaşlığın perspektivləri, aqrar sahədə Latviya-Azərbaycan münasibətlərinin potensialı, eləcə də gündəlikdə duran əsas məsələlər barədə danışıb.
- Ölkələrimiz arasında mövcud iqtisadi və siyasi münasibətləri necə qiymətləndirirsiniz?
- Latviya ilə Azərbaycan arasında münasibətlər çox uğurla inkişaf edir və yüksək səviyyədədir. Lakin Rusiya-Ukrayna müharibəsi ilə bağlı cari vəziyyət, şübhəsiz ki, əməkdaşlığı çətinləşdirir və ölkələrimizin xüsusilə iqtisadi sahədə, o cümlədən ticarət sahəsində daha da yaxınlaşmasına mane olur.
Buna baxmayaraq, biz qarşılıqlı ticarətin inkişafı və əməkdaşlığın genişləndirilməsi üçün yeni imkanlar axtarışındayıq. Eyni zamanda, bir sıra digər istiqamətlərdə hökumətlərarası və parlamentlərarası əməkdaşlığın gücləndirilməsində son dərəcə maraqlıyıq - bu, bizim üçün prinsipial əhəmiyyət kəsb edir.
Yeni texnologiyalar, elm və təhsil sahəsində mübadilə əməkdaşlığımızı fəal şəkildə inkişaf etdirə biləcəyimiz perspektivli istiqamətlərdir. Bu istiqamətlər xarici məhdudiyyətlərə, o cümlədən hərbi münaqişələrin təsirinə daha az məruz qalır ki, bu da tərəfdaşlığın dərinləşdirilməsi üçün əlavə imkanlar açır.
- Hökumətlərarası Komissiyanın iclasında hansı məsələlər müzakirə olunacaq və tərəflərin 2026-2027-ci illərdə iqtisadi əməkdaşlığın inkişafına dair nə kimi planları var? Qarşılıqlı ticarət dövriyyəsinin artırılması üçün hansı addımların atılması planlaşdırılır və bu, hansı sektorlar hesabına mümkündür?
- Kənd təsərrüfatı naziri olaraq mən, şübhəsiz ki, aqrar sahədə əməkdaşlığın genişləndirilməsində maraqlıyam. Lakin hesab edirəm ki, qarşılıqlı əlaqələrimiz yalnız bu sahə ilə məhdudlaşmayacaq.
Latviyada meşə sektoru da Kənd Təsərrüfatı Nazirliyinin tabeliyindədir. Mənə məlumdur ki, Azərbaycan işğaldan azad olunan ərazilərdə (Qarabağ və Şərqi Zəngəzur - red.) meşələrin bərpası üzrə genişmiqyaslı planlar həyata keçirir. Bilirəm ki, bu, ölkəniz üçün son dərəcə vacib istiqamətdir və bu ərazilərdə təbii ekosistemlərin və meşə ehtiyatlarının bərpasına kömək etmək üçün əməkdaşlığı inkişaf etdirməyə hazırıq.
Bundan başqa, biz bu yaxınlarda Azərbaycan Kənd Təsərrüfatı Nazirliyinin nəzarətində olan balıqçılıq sektorunda əməkdaşlıq məsələlərini müzakirə etdik. Latviyada da bu sektor tarixən analoji strukturun idarəçiliyindədir. Birgə fəaliyyət üçün perspektivli istiqamətlər mövcuddur. Xüsusilə, bir çox ekspertlərin fikrincə, gələcəkdə ərzaq təhlükəsizliyinin təmin olunmasında həlledici rol oynayacaq akvakultura sahəsi bu baxımdan böyük əhəmiyyət kəsb edir.
İqtisadi əməkdaşlığın geniş spektri sənaye, maliyyə və təhsil sahələri ilə yanaşı, müdafiə sənayesi müəssisələri arasında qarşılıqlı fəaliyyət imkanlarını da əhatə edir. Hazırda Azərbaycan və Latviyanın ali təhsil müəssisələrində hər iki ölkədən 500-ə yaxın tələbə təhsil alır və bu mübadilənin daha da inkişaf etdirilməsi üçün böyük potensial var.
Bütün bunlar ölkələrimiz arasında uzunmüddətli və qarşılıqlı faydalı iqtisadi tərəfdaşlığın qurulması üçün möhkəm zəmin formalaşdırır.
- Siz Azərbaycanın işğaldan azad edilmiş ərazilərində meşələrin bərpası mövzusuna toxundunuz. Latviya bu prosesə töhfə vermək üçün konkret olaraq hansı təcrübə və praktiki həll yollarını bölüşə bilər?
- Artıq qeyd etdiyim kimi, meşə sektoru inzibati olaraq kənd təsərrüfatı sahəsinə aiddir və biz ting istehsalı üzrə birgə müəssisənin yaradılması imkanını nəzərdən keçirməkdə maraqlıyıq. Bu, Azərbaycana meşələri daha sürətlə və az xərclə bərpa etməyə imkan verər. Bu, həqiqətən vacib sahədir.
Ağac növlərindəki fərqlərə baxmayaraq, tinglərin yetişdirilməsi və meşələrin bərpası texnologiyaları bir çox cəhətdən universaldır. Məhz bu sahədə səmərəli əməkdaşlıq üçün böyük potensial görürük.
Kənd təsərrüfatı sahəsində (bu ərazilərdə yetişdirilən - red.) yüksək keyfiyyətli meyvə və tərəvəzlərinizin də Latviya bazarına daxil olmasını səbirsizliklə gözləyirik. Latviyada məhsul mövsümü çox qısadır və meyvə-tərəvəzlər fərqlənir. Sizdə isə əksinə, mövsüm çox uzundur və məhsullarınız keyfiyyətlidir - artıq onları xaricə ixrac edirsiniz.
Hesab edirəm ki, Azərbaycanın meyvə və tərəvəzinin Latviyaya tədarükünün artırılması üçün əhəmiyyətli potensial mövcuddur. Məsələn, bu gün pomidor İspaniyadan idxal olunur, bu, logistikanın daha uzun olması ilə bağlıdır - məsafə hətta Latviya ilə Azərbaycan arasındakı məsafədən də çoxdur. Bu baxımdan əməkdaşlıq imkanları olduqca perspektivli görünür.
- Azərbaycan və Latviya böyük turizm potensialına malikdir. Bu kontekstdə tərəflər qeyd olunan sahədə əməkdaşlığı genişləndirməyi, qarşılıqlı turist axınını artırmağı və birbaşa uçuşlara başlamağı planlaşdırırmı?
- Bütün bu məsələlər əsas müzakirə mövzularımızdan biridir. Turizmin inkişafı üçün Riqadan Bakıya birbaşa uçuşlar lazımdır. Əvvəllər birbaşa reyslər olub və bu gün (çərşənbə axşamı - red.) keçirilən bütün görüşlərdə bu məsələni qaldırdıq. Bu reyslərin rentabelliyini müəyyən etmək üçün qərara gəldik ki, daha dərin iqtisadi qiymətləndirmə aparılmalıdır.
Bu məsələnin iki aspekti var: ölkələrimiz arasında turizmin inkişafı və hava nəqliyyatı ilə yük daşımaları.
- Tullantıların emalı sahəsində Azərbaycanla əməkdaşlıq üçün potensial varmı?
- Əlbəttə, var. Mən Bakıda COP29 iqlim konfransında (2024-cü ilin noyabrında - red.) iştirak etmişəm, tədbirdə ölkəmizin özəl şirkətlərinin nümayəndələri də var idi. Bu sahədə əməkdaşlığın daha da inkişaf etdirilməsinə ümid edirik. Dövlət də öz tərəfindən zəruri dəstəyi göstərməyə hazırdır.
Bu, həqiqətən vacib istiqamətdir, çünki tullantıların idarə olunması birgə həll yolları tələb edən qlobal problemlərdən biri olaraq qalmaqdadır.
- Azərbaycan üçün suyun səmərəli istifadəsi məsələsi kritik əhəmiyyətə malikdir. Latviya şirkətlərinin Azərbaycanda tətbiq oluna biləcək hazır texnologiyaları varmı?
- Bu, bizim üçün o qədər də xarakterik mövzu deyil, çünki sizin əksər regionlarınızda daha çox suya ehtiyac var, Latviyada isə su çoxdur. Biz kənd təsərrüfatında suvarmadan yox, artıq suyun kənarlaşdırılması üçün meliorasiyadan istifadə edirik.
Məsələn, ötən il Latviyada o qədər güclü yağışlar yağdı ki, fermerlər buğdanı yığa bilmədilər. Bəzi regionlarda bir ay ərzində yağıntının miqdarı təxminən 200 millimetrə çatdı.
Bununla belə, düşünürəm ki, bu sahədə laboratoriya səviyyəsində, suyun keyfiyyəti və təbii suların təmizliyinin qorunması üçün dayanıqlı kənd təsərrüfatı üsulları sahəsində əməkdaşlıq potensialı var. Lakin kənd təsərrüfatında su təchizatına gəlincə, bu, tamamilə fərqli məsələdir - sizə suvarma, bizə isə drenaj lazımdır.
- Hökumətlərarası Komissiyanın iclasları ənənəvi olaraq yüksək səviyyəli səfərlər ərəfəsində keçirilir. Yaxın vaxtlarda Latviya Prezidentinin Azərbaycana səfəri planlaşdırılır. Səfərin dəqiq vaxtı müəyyən edilibmi?
- Bəli, yüksək səviyyəli səfər gələn həftəyə planlaşdırılıb. Latviya Prezidenti Edqars Rinkeviçsin çərşənbə günü (22 aprel - red.) Azərbaycana səfərə gələcəyi gözlənilir.
Artıq 17 ildir aprelin 10-u Azərbaycanda İnşaatçılar Günü kimi qeyd olunur. Azərbaycan Prezidenti İlham Əliyevin 2009-cu il 16 dekabr tarixli Sərəncamı ilə inşaatçılar hər il aprelin 10-unu peşə bayramı kimi qeyd edirlər. Azərbaycanda inşaatın və memarlığın zəngin tarixə malik olması, XIX əsrin sonu – XX əsrin əvvəllərində ölkədə başlayan tikinti işlərinin geniş vüsət alması, həmin [...]
Hazırda Qarabağ və Şərqi Zəngəzur iqtisadi rayonlarında ildə təxminən 1 500 ton bal istehsal olunur.
Modern.az xəbər verir ki, bunu "Azərbaycan Arıçılar Assosiasiyası" İctimai Birliyinin sədri Bədrəddin Həsrətov bildirib.
Onun sözlərinə görə, bu il işğaldan azad edilmiş ərazilərə 200 000-dən çox arı ailəsinin köçürülməsi gözlənilir....
Bu gün Rusiya Prezidentinin mətbuat katibi Dmitri Peskov Vesti kanalına müsahibəsində Ermənistan-Rusiya münasibətlərinə dair mövqe bildirərkən növbəti dəfə Qarabağ bölgəsinin Azərbaycanın tərkib hissəsi kimi ilk olaraq Rusiya, yoxsa Ermənistan tərəfindən tanınması barədə şərh verib.XİN-dən Oxu24.com -a verilən xəbərə görə, Qarabağ bölgəsinin Azərbaycanın ayrılmaz tərkib hissəsi olması hər hansı bir dövlətin qərarına deyil, tarix, beynəlxalq hüquq və ədalətə söykənir.Bu, 2020-ci il 44 günlük Vətən müharibəsi və 2023-cü il 1 günlük antiterror tədbirləri nəticəsində bir daha təsdiq olunaraq, tam bərqərar olub.XİN Rusiya tərəfinə bir daha xatırladıb ki, Rusiya Federasiyası daxil olmaqla, heç bir ölkə, heç bir dövrdə Qarabağ bölgəsi daxil olmaqla Qarabağ ərazi bütövlüyünü sual altına qoymayıb.
Zəngilan şəhərinin I yaşayış məhəlləsində işlər bitib.
"Report" xəbər verir ki, bunu Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin (BTİX) İctimaiyyətlə əlaqələr şöbəsinin müdiri İlhamiyyə Rzayeva "Dost tv"nin canlı efirində deyib.
Onun sözlərinə görə, işlər bitib və tezliklə təhvil veriləcək.
Qeyd edək ki, 2025-ci ilin noyabrında Zəngilan şəhərinə qayıdışla bağlı ilk püşkatma keçirilib.
Aprelin 6-da Xankəndi şəhərinə və ətraf yaşayış məntəqələrinə güclü yağış yağıb. Günün ikinci yarısından etibarən yağan yağış şəhər təsərrüfatına ziyan vurmayıb.
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən Modern.az-a verilən məlumata görə, şəhərin komunal təsərrüfatı...
İkinci Qarabağ müharibəsindən sonra Azərbaycan minalardan və partlamamış hərbi sursatlardan ən çox zərər çəkmiş ölkələr sırasındadır.
"Report" xəbər verir ki, bu barədə İordaniyanın "Ad-Dustour" gündəlik qəzetində "Çirklənmədən bərpaya: Azərbaycan minatəmizləmə üzrə daha qətiyyətli qlobal tədbirlərə çağırır" başlığı ilə dərc olunmuş məqalədə deyilir.
Məqalənin müəllifi vurğulayıb ki, müharibələrin başa çatmasından uzun müddət sonra da minalar, partlamamış hərbi sursatlar və əldəqayırma partlayıcı qurğular insanların həyatına son qoymağa, evlərinə geri qayıdışını çətinləşdirməyə və inkişafa mane olmağa davam edir.
"Azərbaycan ən çox zərər çəkmiş ölkələrdən biri olaraq qalır: onun ərazisinin 13 %-dən çoxu, xüsusən də İkinci Qarabağ müharibəsindən sonra azad edilmiş rayonlar minalarla və müharibənin partlayıcı qalıqları ilə çirklənib. Son üç onillikdə ölkənin 3 400-dən çox vətəndaşı minaların qurbanı olub", - məqalədə vurğulanıb.
Bununla yanaşı, qeyd olunub ki, postmünaqişə dövründə də Azərbaycanda mina təhlükəsi qalmaqdadır.
"2020-ci ilin noyabrından bəri mina partlayışları nəticəsində 421 nəfər minadan zərər çəkib, onlardan 72-si həlak olub, 349-u ağır yaralanıb. Qurbanlar arasında qadınlar və uşaqlar var ki, bu da həmin silahların seçici olmayan xarakterini, həmçinin mülki əhaliyə qarşı davam edən təsirini vurğulayır. Bu rəqəmlər göstərir ki, hətta nisbətən dinc dövrdə də minalar səssiz qatillər kimi fəaliyyət göstərməyə davam edir", - məqalədə bildirilib.
Müəllif, həmçinin diqqəti ona cəlb edir ki, birbaşa insan itkilərindən başqa, minalarla çirklənmə bərpa və inkişaf üçün ciddi maneə yaradır:
"Münbit torpaqların geniş sahələri istifadə üçün yararsız olaraq qalır, infrastruktur layihələri ləngiyir və bütöv icmalar öz evlərinə qayıtmaq imkanından məhrumdur. Azərbaycan üçün keçmiş məcburi köçkünlərin təhlükəsiz və ləyaqətli qayıdışı birbaşa minatəmizləmə əməliyyatlarının sürətindən və səmərəliliyindən asılıdır".
Bundan əlavə, məqalədə Azərbaycanda minatəmizləmə sahəsində görülən işlər və Minatəmizləmə Agentliyinin (ANAMA) fəaliyyəti xüsusi qeyd olunur:
"Mina probleminə cavab olaraq Azərbaycan minatəmizləmə üzrə humanitar fəaliyyətin prioritetliyini milli səviyyəyə yüksəldib. ANAMA əməliyyatların səmərəliliyini artırmaq üçün müasir texnologiyalar tətbiq edərək minatəmizləmə, risklərlə bağlı məlumatlandırma və zərərçəkənlərə yardım göstərilməsi istiqamətində intensiv səylərə rəhbərlik edir".
Eyni zamanda qeyd edilib ki, Azərbaycan gender aspektini minatəmizləmə fəaliyyətinə inteqrasiya edib və bu sahədə gender bərabərliyinin təşviqi üçün əhəmiyyətli addımlar atıb. Xüsusilə, beynəlxalq tərəfdaşların dəstəyi ilə ölkədə tamamilə qadınlardan ibarət ilk istehkamçı qrupu yaradılıb.
"Bu, potensialın artırılmasında və humanitar fəaliyyətdə (minatəmizləmə üzrə – red.) inklüziv iştirakın təmin edilməsində irəliyə doğru mühüm bir addımdır", - məqalədə vurğulanıb.
Bununla yanaşı, qeyd olunub ki, problemin miqyası davamlı beynəlxalq dəstək tələb edir: "Bu baxımdan, beynəlxalq əməkdaşlığın gücləndirilməsi, davamlı maliyyə yardımının göstərilməsi və texniki tərəfdaşlığın inkişafı tərəqqini sürətləndirmək üçün mühüm əhəmiyyət kəsb edir".
Yekunda vurğulanıb ki, beynəlxalq ictimaiyyət postmünaqişə ərazilərində insanların həyatını təhdid etməyə və insan hüquqlarını pozmağa davam edən mina probleminin həlli üçün səyləri birləşdirməlidir.
"Buna görə də bu təhlükənin aradan qaldırılması və hamı üçün daha təhlükəsiz gələcəyin təmin edilməsi məqsədilə koordinasiyalı, adekvat maliyyələşdirilən və prinsipial qlobal cavab zəruridir. Biz beynəlxalq ictimaiyyəti minatəmizləmə üzrə humanitar səylərə və zərərçəkənlərə yardımın göstərilməsinə dəstəyi gücləndirməyə çağırırıq. Minalardan azad gələcək davamlı sülhə nail olunması, inkişaf və insan təhlükəsizliyi baxımından böyük əhəmiyyət daşıyır", - məqalədə qeyd edilib.
Vətən müharibəsində həlak olan Dövlət Sərhəd Xidmətinin giziri Xudayar Yusifzadənin şəhid olduğu yerdən videogörüntülər yayılıb.Oxu24.com Unikal.аz-a istinadən xəbər verir ki, əraziyə baş çəkən insanlar maraqlı bir məqamı açıqlayıblar. Belə ki, onların dediklərinə görə, şəhidimiz vurulduqdan sonra həmin əraziyə "bu da belə" sözünü yazıb. Həmin söz indi Zəngilan rayonunda Xudayar Yusifzadənin şəhid olduğu yerə həkk olunub.O, oktyabrın 22-də Zəngilan döyüşləri zamanı rayonun Ağbənd qəsəbəsi istiqamətində döyüş tapşırığının yerinə yetirilməsi zamanı şəhid olub. Bərdə şəhərinin Şəhidlər Xiyabanında dəfn edilib.Ölümündən sonra "Vətən uğrunda" medalı, "Azərbaycan Bayrağı" ordeni, "Zəngilanın azad olunmasına görə" medalı və "Cəbrayılın azad olunmasına görə" medalları ilə tətif edilib.Qeyd edək ki, şəhidimiz müharibə zamanı ifa etdiyi "Vətən yaxşıdır" mahnısı ilə daha çox tanınıb. Həmin mahnı onun şərəfinə "Xudayar təsnifi" adlandırılıb.
Rusiya Dövlət Dumasının deputatı Konstantin Zatulin Ermənistan-Azərbaycan münaqişəsi ilə bağlı faktları yenə təhrif etməyə cəhd göstərib. Bunu “Report”a açıqlamasında Zatulinin “Moskovskiy komsomolets” qəzetindəki köşə yazısını şərh edən Milli Məclisin deputatı Azər Allahverənov deyib. O qeyd edib ki, Azərbaycan və Ermənistan arasında çoxillik münaqişə 2020-ci ilin noyabrında 44 günlük Vətən müharibəsinin yekunlarına əsasən həll edilib. Bununla [...]
Bu gün Azərbaycan Ordusunun Aprel zəfərindən 10 il ötür. 2016-cı ilin mart ayının ortalarından başlayaraq ermənilər atəşkəsi ardıcıl pozmağa başlayıblar. Aprelin 1-dən 2-nə keçən gecədən başlayaraq isə bütün cəbhə boyu Azərbaycan ordusunun mövqeləri və yaşayış məntəqələri düşmən tərəfindən intensiv atəşə məruz qalıb. Aprel döyüşləri Dağlıq Qarabağda 1994-cü ildə atəşkəs haqqında saziş imzalandıqdan bəri ən şiddətli [...]
2016-cı ilin Aprel döyüşləri Azərbaycan Respublikasının müasir hərbi tarixində keyfiyyətcə yeni mərhələnin başlanğıcı kimi qiymətləndirilməlidir. Bu hadisə yalnız lokal hərbi toqquşma deyil, eyni zamanda, uzun illər davam edən status-kvonun dəyişdirilməsi istiqamətində Azərbaycanın prinsipial mövqeyinin praktik müstəvidə nümayişi idi.
Aprel hadisələri bir daha göstərdi ki, Azərbaycan dövləti öz suverenliyini və ərazi bütövlüyünü təmin etmək üçün həm siyasi, həm də hərbi baxımdan tam hazırdır. Azərbaycan Respublikasının Prezidentinin rəhbərliyi ilə həyata keçirilən məqsədyönlü ordu quruculuğu siyasəti, müasir texnologiyalara əsaslanan silahlanma və yüksək peşəkarlığa malik şəxsi heyət bu döyüşlərdə real nəticələrini verdi.
Qısa müddət ərzində əldə olunan hərbi uğurlar, o cümlədən Lələtəpə yüksəkliyinin azad edilməsi, əməliyyat-taktiki baxımdan ciddi üstünlük yaratdı və düşmənin uzun illər formalaşdırdığı müdafiə xəttinin sarsıdılmasının mümkünlüyünü sübut etdi. Bu, eyni zamanda, gələcək genişmiqyaslı əməliyyatların planlaşdırılması üçün mühüm hərbi-strateji baza rolunu oynadı.
Aprel döyüşlərinin ən mühüm nəticələrindən biri isə psixoloji və ideoloji müstəvidə özünü göstərdi. Azərbaycan cəmiyyəti və ordusu bu qələbə ilə öz gücünə inamını daha da möhkəmləndirdi. Uzun illər davam edən danışıqlar prosesinin nəticəsiz qalması fonunda bu uğur xalqın ədalətli mövqeyinin yalnız siyasi deyil, həm də hərbi yollarla təmin oluna biləcəyini göstərdi.
Bu döyüşlər, eyni zamanda, 2020-ci ildə baş verən İkinci Qarabağ müharibəsi zamanı qazanılmış möhtəşəm Zəfərin ideoloji və hərbi hazırlıq mərhələsi kimi çıxış etdi. 44 günlük Vətən müharibəsində əldə edilən nəticələr təsdiqlədi ki, Aprel döyüşlərində sınaqdan çıxarılan taktiki yanaşmalar, operativ idarəetmə modeli və döyüş ruhu sonrakı qələbənin əsas komponentlərindən biri olmuşdur.
Lələtəpə yüksəkliyinin azad edilməsindən sonra Cocuq Mərcanlı qəsəbəsinin bərpası və həyatın yenidən canlandırılması isə xüsusi rəmzi məna daşıyırdı. Bu hadisə sonradan dövlət səviyyəsində həyata keçirilən Böyük Qayıdış strategiyasının ilk praktik nümunəsi kimi tarixə düşdü.
Aprel döyüşləri həm də onu göstərdi ki, Azərbaycan yalnız hərbi gücünü deyil, eyni zamanda, siyasi iradəsini və milli birliyini də səfərbər etməyi bacaran dövlətdir. Bu birlik və qətiyyət nəticə etibarilə ölkəmizi tarixi Zəfərə apardı.
Bu əlamətdar günün ildönümündə Vətənimizin azadlığı və ərazi bütövlüyü uğrunda canlarını fəda etmiş bütün şəhidlərimizi dərin ehtiram və minnətdarlıqla yad edir, qazilərimizə möhkəm cansağlığı arzulayıram. Onların qəhrəmanlığı Azərbaycan tarixinin ən şərəfli səhifələrində əbədi yaşayacaqdır.
İsrail ordusu Livanın cənubunda baş verən döyüşlər zamanı hərbçisinin həlak olduğunu açıqlayıb. Bu barədə İsrail Müdafiə Qüvvələrinin (SAXAL) mətbuat xidməti məlumat yayıb. Bildirilib ki, 21 yaşlı baş çavuş Ori Qrinberq Livanın cənubundakı sərhədyanı kəndlərdən birində keçirilən əməliyyat zamanı öldürülüb. Petah-Tikva şəhərindən olan hərbçi “Qolani” briqadasının elit kəşfiyyat bölməsində xidmət edib. Məlumata görə, hadisə gecə saatlarında baş verib. “Sayyeret Qolani” batalyonunun bölmələri düşmənin dayaq nöqtələrindən birinə doğru irəliləyərkən silahlı qruplaşmaların hədəfli atəşinə məruz qalıb. Nəticədə Qrinberq ölümcül yaralanıb və hadisə yerində […]
Laçında yüksək dağlıq zonalara qar yağıb.Oxu24.com Teleqraf-a istinadən xəbər verir ki, yağıntı xüsusilə rayonun Dəli dağ adlanan yüksəkliyində daha intensiv müşahidə olunub.Məlumata görə, gecə saatlarından başlayan qar səhər saatlarınadək davam edib.
İsrail ordusu Livanın cənubunda baş verən döyüşlər zamanı hərbçisinin həlak olduğunu açıqlayıb. Bu barədə İsrail Müdafiə Qüvvələrinin (SAXAL) mətbuat xidməti məlumat yayıb. Bildirilib ki, 21 yaşlı baş çavuş Ori Qrinberq Livanın cənubundakı sərhədyanı kəndlərdən birində keçirilən əməliyyat zamanı öldürülüb. Petah-Tikva şəhərindən olan hərbçi “Qolani” briqadasının elit kəşfiyyat bölməsində xidmət edib. Məlumata görə, hadisə gecə saatlarında [...]
Bakıda və Abşeron yarımadasında martın 27-si səhərdən 29-dək arabir yağış yağacağı, bəzi yerlərdə yağıntının intensiv xarakterli olacağı gözlənilir. Bununla bağlı Milli Hidrometeorologiya Xidməti məlumat yayıb. Bildirilib ki, yarımadanın ayrı-ayrı yerlərində gözlənilən qısamüddətli güclü yağıntılarla əlaqədar bəzi ərazilərdə subasma halları istisna olunmur. Azərbaycanın bəzi rayonlarında martın 27-dən 31-dək hava şəraitinin fasilələrlə intensiv xarakterli yağıntılı olacağı, dağlıq ərazilərdə qar yağacağı gözlənilir. Martın 27-28-də ayrı-ayrı yerlərdə Quba-Qusar (Siyəzən, Şabran, Xızı, Quba, Qusar, Xaçmaz), Dağlıq Şirvan (Şamaxı, Ağsu, Qobustan) Mərkəzi Aran (Hacıqabul, Neftçala, Sabirabad, […]
Xankəndi şəhərində Novruz və Ramazan bayramlarına həsr olunmuş konsert proqramı təşkil edilib.Oxu24.com xəbər verir ki, Zəfər meydanında keçirilən konserti sakinlərlə yanaşı, turistlər də maraqla izləyib.Tədbirdə tanınmış müğənnilər çıxış edib, sonda möhtəşəm atəşfəşanlıq olub.Konsertdən fotoları Xankəndi şəhərində Ağdərə və Xocalı rayonlarında Bərpa, Tikinti və İdarəetmə Xidməti paylaşıb.
Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi və “Azfen” MMC-nin birgə təşkilatçılığı ilə Cəbrayıl rayonunun Horovlu kəndində əmək yarmarkası keçirilib.Oxu24.com xəbər verir ki, bu barədə Nazirlik məlumat yayıb.Bildirilib ki, Cəbrayıl, Qubadlı və Zəngilan rayonlarında Bərpa, Tikinti və İdarəetmə Xidmətinin Cəbrayıl rayonunun Horovlu kəndində yerləşən inzibati ofisində keçirilmiş yarmarkada konstruksiya quraşdırıcısı və elektrik üzrə vakansiyalar təqdim olunub. “Aktiv məşğulluq tədbirində vətəndaşlara vakansiyaların tələbləri barədə məlumat verilib, uyğun namizədlərin qeydiyyatı aparılıb. Bundan başqa, yarmarkaya qatılan şəxslərə Agentliyin icra etdiyi məşğulluq proqramları barədə məlumatlar verilib”, - deyə məlumatda qeyd edilib.Qafqazinfo
Bu il azad olunan torpaqlarda 65 min hektardan artıq ərazinin minalardan təmizlənməsi planlaşdırılır.
"Report" xəbər verir ki, bunu Baş nazir Əli Əsədov parlamentdə hökumətin 2025-ci ildə fəaliyyəti haqqında hesabatını təqdim edərkən deyib.
Baş nazir qeyd edib ki, işğaldan azad olunmuş ərazilərdə geniş minatəmizləmə işləri davam etdirilir:
"2025-ci ildə 69.2 min hektar, ümumilikdə isə 2020-ci ildən azad edilmiş ərazilərdə 249 min hektara yaxın ərazi minalardan və partlamamış hərbi sursatlardan təmizlənmiş, ümumilikdə tapıntıların sayı 237 min ədəd təşkil edib.
İşğaldan azad edilmiş ərazilərə köçürülən sakinlərin aktiv məşğulluq proqramları ilə əhatə olunması tədbirləri davam edir.Oxu24.com xəbər verir ki, bu barədə Əmək və Əhalinin Sosial Müdafiəsi Nazirliyi (ƏƏSMN) məlumat yayıb.Bildirilib ki, onlardan artıq 8673 şəxsin məşğulluğu təmin olunub, o cümlədən 754 sakin üçün isə özünüməşğulluq proqramı üzrə kiçik bizneslər qurulub. 383 sakin isə işəgötürənlərlə birgə təşkil olunan peşə kurslarına cəlb edilib.Bu barədə Əmək və Əhalinin Sosial Müdafiəsi Nazirliyində işğaldan azad olunmuş ərazilərimizdə fəaliyyət göstərən işəgötürənlərlə keçirilən növbəti görüşdə bildirilib.Görüşdə Ekologiya və Təbii Sərvətlər Nazirliyi, Mədəniyyət Nazirliyi, İqtisadiyyat Nazirliyi, Elm və Təhsil Nazirliyi, Müdafiə Nazirliyi, Dövlət Sərhəd Xidməti, Qaçqınların və Məcburi Köçkünlərin İşləri üzrə Dövlət Komitəsi, Məcburi Köçkünlərin Sosial İnkişaf Fondu, İqtisadi İslahatların Təhlili və Kommunikasiya Mərkəzi, Azərbaycan Nəqliyyat və Kommunikasiya Holdinqi, Tibbi Ərazi Bölmələrini İdarəetmə Birliyi, Minatəmizləmə Agentliyi və Azərbaycan Avtomobil Yolları Dövlət Agentliyinin nümayəndələri iştirak edib.Əmək və əhalinin sosial müdafiəsi nazirinin müavini Rəşad Mustafayev Böyük Qayıdışa dair Dövlət Proqramı çərçivəsində Qarabağ və Şərqi Zəngəzurda icra olunan məşğulluq proqramlarının getdikcə genişləndirildiyini qeyd edib. O, azad edilmiş doğma yurdlarına köçürülən sakinlərdən əmək qabiliyyətli şəxslərin bu proqramlarla əhatə olunduqlarını bildirib. Nazir müavini məşğulluq proqramlarının uğurlu icrasında işəgötürənlərlə fəal əməkdaşlığın önəmini vurğulayıb.İşğaldan azad edilmiş ərazilərə köçürülən və köçürülməsi nəzərdə tutulan vətəndaşların məşğulluğunun təmin olunması üçün işəgötürənlərlə birgə görülən işlərin nəticələri, bu istiqamətdə qarşıda duran vəzifələr müzakirə olunub.
“Kəlbəcərdə yeni turizm zonası yaradılacaq”.Oxu24.com xəbər verir ki, bunu Dövlət Turizm Agentliyinin sədr müavini Azadə Hüseynova Milli Məclisin Əmək və sosial siyasət komitəsinin təşkil etdiyi “Azərbaycanda turizmin mövcud vəziyyəti və inkişaf perspektivləri” mövzusunda keçirilən ictimai dinləmədə deyib.“İşğaldan azad olunmuş ərazilərdə xüsusi turizm zonalarının yaradılması, xüsusilə Kəlbəcərdə turizm zonasının yaradılması ilə bağlı sənədlər Prezident Adminsitrasiyasına təqdim olunub. Həmçinin, Laçın və digər ərazilərdə də qiymətləndirmələr aparılır. Sanatoriyaların, eləcə də müalicə mərkəzlərinin sertifikatlaşdırılması ilə bağlı Səhiyyə Nazirliyinə də müraciət olunub. Sertifikatlaşdırma işlərinin ilkin mərhələdə aparılması üçün konsepsiya sənədləri hazırlanıb”, - deyə o əlavə edib.A. Hüseynova qeyd edib ki, Xocavəndin Tuğ kəndində qastroturizm inkişafı ilə bağlı layihələr hazırlanır:“Orada kulinariya mərkəzinin yaradılması nəzərdə tutulur. Qastroturizm ilə bağlı əsas hədəflərimizdən biri də ölkənin mətbəxinin tanıdılmasıdır. Çünki Azərbaycanın regionda xüsusi edən elementlərdən biri də ölkəmizin zəngin mətbəxidir. Bunun üçün bir neçə istiqamətlərdə işlər görürük. Xüsusilə də qastronomiyanın ölkəmizdə ali təhsil səviyyəsinə çatması üçün qastronomiya ixtisasının açılması üçün Elm və Təhsil Nazirliyi ilə iş görülür”.
1992-ci ildə Azərbaycana gələndə o vaxtkı müdafiə naziri Rəhim Qazıyev mənə 704 saylı briqada yaratmağı təklif etdi. Briqada komandiri təyin olunmağımla bağlı əmrdən sonra 120 nəfərlə Şuşaya getdim.Oxu24.com xəbər verir ki, bunu Axar TV-yə müsahibəsində Azərbaycan müdafiə nazirinin sabiq müavini, general-mayor Elbrus Orucov Şuşanın işğalına şərait yaratması ilə bağlı 1990-cı illərdə yayılan iddialar haqda danışarkən deyib.“Şuşaya aprelin 26-da getdim, Laçının ərazisinə baxdım. Hər kəs könüllü idi, bir nəfər də peşəkar zabit, texnika, qərargah yox idi, müavinlərim belə yox idi. Minaatanlar vardı, iynələri yox idi, mərmilər partlayıcısız idi. Bu yükü boynuma qoyandan 7 gün sonra döyüşlər başladı. Cəmi 850 nəfər tapmışdıq, amma Rəhim Qazıyev mənə demişdi ki, orada 3 min hərbçi var....Şuşa, Laçının işğalını kimin boynuna yıxmaq lazımdır? Kənardan gələn insan kimi məni odun içinə atdılar. Birbaşa günahı qoydular boynuma. Heç kim də heç vaxt sual vermədi ki, bu 7 gündə Elbrus Orucov nə edə bilərdi?Bu yaxınlarda erməni separatçılarının məhkəməsində Şuşanın işğalı məsələsi qaldırıldı. Şuşanın işğalı zamanı tabor komandirləri olmuş Arkadi Qukasyan, Davit İşxanyan və Levon Mnatsakanyan çıxışlarında təsdiq etdilər ki, mayın 7-dən 8-nə keçən gecə artilleriya hazırlığından sonra hücuma keçdilər və saat 6-7 radələrində Şuşaya daxil oldular. Ancaq Azərbaycan qüvvələri əks-hücuma keçəndən sonra məcbur olub geri çəkildilər. Yalnız ayın 10-da kəşfiyyat Şuşanın boş olması barədə məlumat verəndən sonra şəhərə giriblər. Ancaq o vaxt məhkəmədə məni Şuşanı döyüşsüz təhvil verməkdə ittiham edərək, 15 il iş tələb etmişdilər. Ənvər Seyidov Cinayət Məcəlləsinin 255-ci maddəsi ilə həbs etmək istəyirdi. Yaxşı ki, o vaxtı ulu öndərimiz hakimiyyətə qayıtdı. Əgər mən Şuşanı, Laçını satmışdımsa, niyə mənə döyüşə qayıtmağı təklif etdilər?Qeyd edim ki, Şuşada 1 gün yox, 36 saat qanlı döyüşlər gedib. Biz o müddət ərzində 258 şəhid vermişik. Həmçinin 400-dən çox ağır yaralımız olub. Şuşanı döyüşsüz təslim etməyimiz yalandır”.
Türkiyənin Azərbaycandakı səfiri Birol Akgün Xocalı faciəsi ilə bağlı paylaşım edib.Citypost.az xəbər verir ki, səfir bu barədə "X" sosial media hesabında yazıb."26 fevral 1992-ci ildə Azərbaycanın Xocalı şəhərində ermənilər tərəfindən törədilən və insanlıq tarixinə qara ləkə kimi düşən Xocalı Soyqırımının 34-cü ildönümünü dərin hüznlə anırıq. Xocalıda qətlə yetirilən 613 günahsız insanı rəhmətlə yad edirik".
Ermənistan silahlı qüvvələri tərəfindən Rusiyanın 366-cı motoatıcı alayının iştirakı ilə Azərbaycanın Xocalı şəhərinin işğalı və Xocalı soyqırımının törədilməsinin növbəti ildönümüdür.Oxu24.com-un məlumatına görə, soyqırımından 34 il ötür.Xocalı soyqırımı Azərbaycan tarixinin ən faciəli səhifələrindən biridir. Bu dəhşətli hadisə 1992-ci il fevralın 26-da, Birinci Qarabağ müharibəsi zamanı baş vermişdir. Həmin gecə Xocalı şəhəri erməni silahlı qüvvələri tərəfindən hücuma məruz qalmış, şəhər mühasirəyə alınmışdır. Çətin hava şəraitinə və çıxış yollarının bağlı olmasına baxmayaraq, mülki əhali şəhəri tərk etməyə çalışmışdır.Xocalı hadisəsi Azərbaycan tərəfindən soyqırımı kimi qiymətləndirilir və hər il 26 fevral tarixində faciə qurbanlarının xatirəsi dərin hüznlə yad edilir. Bir sıra ölkələr və beynəlxalq qurumlar bu hadisəni kütləvi qətliam və ya müharibə cinayəti kimi tanımışdır.Erməni təcavüzkarlarının Azərbaycan xalqına qarşı törətdiyi növbəti kütləvi qırğın 613 nəfərin, o cümlədən 106 qadın, 63 uşaq, 70 qocanın həyatına son qoyub. 1 275 dinc sakin əsir götürülüb, onlardan 150 nəfərin taleyi hələ də məlum deyil. 475 nəfər şikəst olub. 8 ailə bütünlüklə məhv edilib. 25 uşaq hər iki valideynini, 130 uşaq isə valideynlərindən birini itirib.
Ağdam şəhərində Su çərşənbəsi münasibətilə bayram tonqalı qalanıb.Oxu24.com Teleqraf-a istinadla xəbər verir ki, işğaldan azad olunduqdan sonra şəhərdə keçirilən ilk Su çərşənbəsi tədbiri sakinlər tərəfindən böyük coşqu ilə qarşılanıb.Tonqal ətrafında bir araya gələn şəhər sakinləri bayram əhval-ruhiyyəsini bölüşüb, qədim ənənələrə uyğun olaraq tonqalın üzərindən tullanıblar. İnama görə, bu mərasim insanların ilin ağırlıq və çətinliklərini geridə qoyaraq yeni ilə təmiz niyyətlərlə başlamasını simvolizə edir.Qeyd edək ki, Ağdamda artıq ilin əvvəlindən etibarən məskunlaşma prosesi davam edir. Hazırda şəhərin 2-ci yaşayış kompleksində 223 ailə olmaqla, ümumilikdə 821 nəfər yaşayır. Şəhərdə həyatın tədricən bərpa olunması və milli bayramların qeyd edilməsi doğma yurda qayıdan sakinlər üçün xüsusi əhəmiyyət daşıyır.
Cənubi Qafqazda nəqliyyat-kommunikasiya xətlərinin açılması məsələsi regionun əsas siyasi gündəmlərindən biri olaraq qalır. Xüsusilə Zəngəzur istiqamətində mümkün marşrutların hansı formatda və nə vaxt reallaşa biləcəyi həm siyasi dairələrdə, həm də ictimaiyyət arasında geniş müzakirə olunur. Mövcud siyasi reallıqlar fonunda bu layihənin yaxın perspektivdə həyata keçirilməsi nə dərəcədə real görünür?Oxu24.com xəbər verir ki, mövzu ilə bağlı KONKRET.az-a açıqlama verən Ağ Partiya sədri Tural Abbaslı “dəhliz” anlayışı müxtəlif formalarda təqdim olunduğunu və bu səbəbdən məsələyə fərqli yanaşmalar mövcud olduğunu bildirib.Onun sözlərinə görə, əgər söhbət TRIP marşutundan gedirsə, həmin marşrutun yaxın 1–2 il ərzində açılması mümkündür:“Çünki ABŞ-ın maliyyə və siyasi dəstəyi Ermənistan üçün bu məsələdə həlledici rol oynaya bilər. Bu baxımdan marşrutun yaxın zamanda istifadəyə verilməsi real görünür.Azərbaycanın nəzərdə tutduğu klassik Zəngəzur dəhlizi modeli isə hazırkı şəraitdə mümkün hesab olunmur. TRIP layihəsi çərçivəsində Mehri ərazisindən keçən 42 kilometrlik yol Ermənistanın yurisdiksiyası altında qalır və Azərbaycanın həmin əraziyə birbaşa təsir imkanları yoxdur”.Partiya sədrinin sözlərinə görə, Azərbaycanın gözlədiyi dəhliz modelində isə yol beynəlxalq hüquqi statusa malik olmalı, Ermənistanın nəzarət və yoxlama səlahiyyətləri məhdudlaşdırılmalı idi:“Bizim nəzərdə tutduğumuz variantda Ermənistanın yurisdiksiyası tətbiq olunmurdu, beynəlxalq statuslu marşrut olmalı idi və Azərbaycan vətəndaşları həmin yoldan maneəsiz istifadə edə bilməli idilər. TRIP razılaşmasında isə vəziyyət fərqlidir”.
Sabirabadın Qaratəpə kənd sakini, I Qarabağ müharibəsi zamanı itkin düşən şəhid Rəsul Ağayevin nəşi tapılıb.Oxu24.com Unikal-a istinadən xəbər verir ki, şəhid R. Ağayev 1992-cı ildən etibarən itkin hesab olunurdu.34 il sonra nəşi tapılan şəhidimiz evli idi, bir qız övladı yadigar qalmışdı. Hazırda şəhidimizin adın daşıyan Rəsul adında nəvəsi var.Şəhid R. Ağayevin nəşinin gələn həftə doğulduğu Qaratəpə kənd qəbirstanlığında dəfn olunacağı gözlənilir.
Kəlbəcər rayonunda yanğın hadisəsi baş verib. Oxu24.com bildirir ki, yanğın rayonun Zar kəndində qeydə alınıb. Kənd ərazisində tikintidə çalışan usta və fəhlələrin qaldığı kamp yanaraq tamamilə külə dönüb. Hadisə yerinə Fövqəladə Hallar Nazirliyinin yanğınsöndürən briqadaları cəlb olunub. Yanğınsöndürənlərin operativ müdaxiləsi nəticəsində alovun ətrafdakı tikililərə keçməsinin qarşısı alınıb. Faktla bağlı araşdırma aparılır.
"Azərişıq" ASC Cəbrayıl rayonunun və Xankəndi şəhərinin elektrik şəbəkəsini yeniləyir. Oxu24.com Demokrat.az səhmdar cəmiyyətinə istinadən xəbər verir ki, Cəbrayıl şəhəri işğaldan azad edilən andan "Azərişıq" operativ tədbirlər görülərək 2020-ci il oktyabrın 28-də şəhər mərkəzi elektrik enerjisi ilə təmin edib. 2022-ci il oktyabrın 19-da Prezident İlham Əliyev tərəfindən şəhər ərazisində təməli qoyulan 35/0,4 kV-luq Rəqəmsal İdarəetmə Mərkəzi inşa edilərək 2023-cü il sentyabrın 28-də ölkə başçısı tərəfindən istifadəyə verilib.Məskunlaşma aparılan Horovlu kəndini elektrik enerjisi ilə təmin etmək üçün ikidövrəli 35 kV-luq Özünüdaşıyan İzolyasiyalı Naqillər (ÖİN-3) çəkilib, həmçinin 35 kV-luq Paylayıcı Qurğu (PQ) inşa edilib. Kənddə 6 müasir tipli 35/0.4 kV-luq Komplekt Transformator Məntəqəsi (KTM) quraşdırılıb. Fərdi yaşayış evləri müasir smart sayğaclarla təchiz olunub.Şəhər ərazisinə köç edən sakinlər üçün Baş Plana uyğun olaraq əlavə 35/0,4 kV-luq 4x2500 kVA gücündə Transformator Məntəqəsi (TM) inşa edilərək istismara verilib, həmçinin smart sayğaclar quraşdırılıb, 0,4 kV-luq yeraltı xətlər çəkilib. Yaxın gələcəkdə köç planlaşdırılan Soltanlı, o cümlədən Fuğanlı, Mərcanlı, Şükürbəyli kəndləri, Xudafərin qəsəbəsi istiqamətində metal dayaqlar əkilib, ikidövrəli 35 kV-luq Özünüdaşıyan İzolyasiyalı Naqillər (ÖİN-3) çəkilib.Rayonun Horovlu, Şükürbəyli, Xudafərin, Soltanlı, Sarıcallı, Maşanlı, Böyük Mərcanlı və Karxulu yaşayış məntəqələri 35 kV-luq elektrik verilişi xətləri vasitəsilə keyfiyyətli və dayanıqlı enektrik enerjisi ilə təmin edilib."Azərişıq" Xankəndinin də elektrik təsərrüfatını yenidən qurur. Elektrik Şəbəkəsinin (EŞ) xidməti ərazisinə daxil olan Xocalı şəhərində Prezident İlham Əliyevin iştirakı ilə 2024-cü ilin mayın 9-da "Xocalı" yarımstansiyasının və Rəqəmsal İdarəetmə Mərkəzinin açılışı olub. 3200 kVA gücündə olan "Xocalı" yarımstansiyası və Rəqəmsal İdarəetmə Mərkəzi rayon ərazisində inşa edilmiş yeni yaşayış komplekslərinin, kənd təsərrüfatı və turizm obyektlərinin, eləcə də sosial-iqtisadi təyinatlı müxtəlif infrastrukturun dayanıqlı, etibarlı və fasiləsiz elektrik enerjisi təminatını həyata keçirmək məqsədi daşıyır.Həmçinin Xocalı şəhərində 10 müasir tipli müxtəlif gücdə KTM quraşdırılıb. Badara, Ballıca, Daşbulaq, Təzəbinə, Seyidbəyli və Xanyurdu yaşayış məntəqələri istiqamətində 35 kV-luq elektrik verilişi xətlərinin inşası davam etdirilir. Hazırda adı çəkilən yaşayış məntəqələrinin 0.4 kV-luq daxili elektrik şəbəkəsi yenilənir.Xocalının Şuşakənd və Xanobad kəndlərinə də 35 kV-luq ÖİN-3 kabel hava xəttinin çəkilişi davam edir.
Kəlbəcər rayonu ərazisində müşahidə olunan əlverişsiz hava şəraiti güclü külək, şaxta və çovğunlu tufan səbəbindən Kəlbəcər şəhərinə elektrik enerjisinin verilməsində qısa müddətli fasilə yaranıb.Oxu24.com xəbər verir ki, bu barədə Kəlbəcər Bərpa, Tikinti və İdarəetmə Xidmətinin ictimaiyyətlə əlaqələr şöbəsinin rəhbəri Nuranə Babayeva bildirib.O qeyd edib ki, 01 yanvar tarixində hava şəraitinin kəskin pisləşməsi, güclü küləyin və şaxtanın təsiri nəticəsində İstisu elektrik xəttində qəza baş verib, bu hal enerji təminatında qısamüddətli fasiləyə səbəb olub:“Qəzanın aradan qaldırılması məqsədilə aidiyyəti dövlət qurumlarının əməkdaşları dərhal əraziyə səfərbər olunmuşdur. Gecə saatlarında hava şəraitinin son dərəcə əlverişsiz olmasına baxmayaraq, operativ tədbirlər görülmüş, həyata keçirilən işlər nəticəsində səhər saat 07:00-dək nasazlıq tam aradan qaldırılmış və Kəlbəcər şəhərinə elektrik enerjisinin verilməsi bərpa edilmişdir.Elektrik enerjisinin təminatında yaranmış qısa fasilə ilə əlaqədar olaraq ərazidə yaşayan əhalinin digər kommunal xidmətlərində hər hansı ciddi problem qeydə alınmamışdır. Əhali ilə mütəmadi olaraq əlaqə saxlanılmış, hava şəraiti və su təchizatı ilə bağlı zəruri təlimatlar operativ şəkildə çatdırılmışdır.Yalnız üç mənzilin istilik sistemini təmin edən kombi aparatlarının çöl borularında donma halı müşahidə olunmuşdur. Operativ müdaxilə nəticəsində həmin borularda donma halı heç bir texniki zədələnmə baş vermədən aradan qaldırılmışdır.Qeyd edirik ki, baş vermiş hadisə nəticəsində ərazidə hər hansı ciddi fəsad yaranmamışdır. Kəlbəcər rayonunda Azərbaycan Respublikası Prezidentinin Xüsusi nümayəndəliyi və Kəlbəcər rayonunda Bərpa, Tikinti və İdarəetmə Xidməti tərəfindən rayon sakinləri elektrik, su, istilik və digər kommunal xidmətlərdən təhlükəsiz və düzgün istifadə qaydaları barədə mütəmadi olaraq məlumatlandırılır və zəruri təlimatlar verilir”.(modern.az)
Azərbaycanın Xalq artisti, görkəmli kino və teatr aktrisası Həmidə Ömərova işğaldan azad edilmiş ərazilərdə görülən işlər, sakinlərin öz doğma ata-baba yurdlarına geri dönməsi və Böyük Qayıdışla bağlı təəssüratlarını bölüşüb.
Modern.az xəbər verir ki, bu, Qaçqınların və Məcburi Köçkünlərin İşləri üzrə Dövlət Komitəsinin hazırladığı videoçarxda ö...
Daşaltı kəndinin erməni silahlı birləşmələrindən təmizlənməsi məqsədilə keçirilən əməliyyatdan 34 il ötür.Oxu24.com xəbər verir ki, Daşaltı əməliyyatı hərb tariximizə I Qarabağ müharibəsində Azərbaycan Ordusunun ağır məğlubiyyətə uğraması ilə yanaşı, ordumuzun qəhrəmanlığı və şücaəti ilə də düşüb.Daşaltı əməliyyatı 1992-ci il, yanvarın 25-də saat 20:00-da başlanıb, yanvarın 26-da gecə uğursuzluqla başa çatıb.Şuşa yaxınlığında yerləşən Daşaltı kəndinin erməni yaraqlılarından azad edilməsi məqsədilə keçirilən əməliyyata sabiq müdafiə naziri, general-mayor Tacəddin Mehdiyev birbaşa rəhbərlik edib.Əməliyyatda yeni yaranmış Azərbaycan Ordusunun könüllülərdən ibarət 3 bölüyü və Şuşa şəhərinin müdafiə taborunun döyüşçüləri iştirak ediblər.Taktiki səhvlər, qruplar arasında rabitə əlaqəsinin olmaması, əməliyyat sirrinin yayılması və bələdçilərin xəyanəti nəticəsində Nəbilər kəndi istiqamətindən Daşaltına daxil olan Azərbaycan əsgərləri düşmənin pusqusuna düşərək tamamilə məhv edilib.Kəndə daxil olmuş bir neçə taqım isə xeyli itki verərək geri çəkilə bilib.Rəsmi məlumatlara görə, Daşaltı əməliyyatında Azərbaycan Ordusu 90 nəfərdən artıq itki verib, bundan başqa onlarla əsgər hələ də itkin düşmüş sayılır.Döyüşdə ermənilər də bir neçə texnika və 80-ə yaxın canlı qüvvə itiriblər.Qeyd edək ki, 2020-ci ilin noyabrın 9-da Azərbaycan Ordusu 1991-ci ildən erməni silahlı dəstələrinin işğalı altında olan Daşaltı kəndini azad edib. Beləliklə, 28 ildən sonra Daşaltı əməliyyatının qisası alınıb.Xatırladaq ki, Azərbaycan Respublikasının Prezidenti İlham Əliyev Daşaltı kəndinin yenidən qurulması ilə bağlı görüləcək işlərlə tanış olub, burada özəl investisiya hesabına inşa ediləcək yeni yaşayış kompleksinin və turizm obyektlərinin təməlini qoyub. Eyni zamanda, Prezident İlham Əliyev Daşaltı kənd məscidində tikinti işlərinin gedişi ilə tanış olub.İşğaldan azad edilmiş torpaqlarda, o cümlədən Daşaltı kəndində kütləvi məzarlıqlar aşkarlanıb.Belə ki:Şuşa rayonunun Daşaltı kəndi ərazisində aşkar edilmiş meyit qalıqlarından biri 19.12.1960-cı ildə Bakı şəhəri, Suraxanı rayonunda anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Abdullayev Nurəli Hacıbaba oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 12.1971-ci ildə Bakı şəhəri, Sabunçu rayonunda anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Qurbanov Nofəl Nəriman oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 07.04.1968-ci ildə Xızı rayonunun Giləzi qəsəbəsində anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Rüstəmov Araz Bağı oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 25.02.1951-ci ildə Abşeron rayonunun Qobu qəsəbəsində anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Hüseynov Gülverdi Ağahüseyn oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 26.02.1961-ci ildə Bakı şəhəri, Nizami rayonunda anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Abbasov Məhərrəm Abbas oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 24.07.1966-cı ildə Xaçmaz rayonunun Kiçik Buraxum kəndində anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Niftəliyev Adil Kamal oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 22.09.1969-cu ildə Şamaxı rayonunun Göylər kəndində anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Mikayılov Baba Balakişi oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 25.05.1967-ci ildə Bakı şəhərində anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Məmmədov Elmar İnqilab oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 17.11.1963-cü ildə Bakı şəhəri, Xətai rayonunda anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Qasımov Veysəl Qasım oğluna (hərbi qulluqçu) məxsus olduğu müəyyən edilib;Şuşa rayonunun Daşaltı kəndi ərazisində aşkar edilmiş meyit qalıqlarından biri 20.12.1956-cı ildə Bakı şəhəri, Səbail rayonunda anadan olmuş, 26.01.1992-ci ildə Şuşa rayonunun Daşaltı kəndi ərazisində itkin düşmüş Əhmədov Riad Fikrət oğluna (hərbi qulluqçu) məxsus olduğu müəyyən edilib.
Azad olunan ərazilərdə yanvarın 5-11-dək 25 tank əleyhinə mina, 152 piyada əleyhinə mina, 636 partlamamış hərbi sursat (PHS) aşkarlanıb və zərərsizləşdirilib.
Moderator.az xəbər verir ki, bu barədə Azərbaycan Minatəmizləmə Agentliyi (ANAMA) məlumat yayıb.
Bildirilib ki, 875,1 hektar ərazi minalardan təmizlənib.
İşgaldan azad edilmiş Ağdərə rayonunun Qızıloba kəndi ərazisində bu gün mina hadisəsi baș verib.
Moderator.az xəbər verir ki, bu barədə Azərbaycan Respublikasının Minatəmizləmə Agentliyi (ANAMA) məlumat yayıb.
Humanitar minatəmizləmə əməliyyatlarına cəlb edilən qeyri-hökumət təşkilatının əməkdaşı 1988-ci il təvəllüdlü Elvin Həmiddin oğlu Kərimov xidməti vəzifəsini yerinə yetirərkən piyada əleyhinə mina partlayışı baş verib. Hadisə nəticəsində xəsarət alan şəxsin sağ ayağı topuq nahiyəsindən amputasiya olunub.
Kərimov Elvin rayon mərkəzi xəstəxanasına təxliyə edilib. Vəziyyəti qənaətbəxşdir.
Gürcüstan-Rusiya sərhədinə gedən yol qar uçqunu təhlükəsi səbəbindən bağlanıb. Oxu24.com xəbər verir ki, Mtsxeta-Stepantsminda-Lars beynəlxalq yolunun Qudauri-Kobi hissəsi bütün nəqliyyat vasitələri üçün bağlıdır.Gürcüstanın əksər hissəsində əlverişsiz hava şəraiti 12 yanvara qədər davam edəcək.Xatırladaq ki, qeyd edilən yol Ermənistanı Rusiyaya birləşdirir.Ajans.az
Sabah Ağdərə rayonunun Çıldıran, Oratağ, Heyvalı və Çapar kəndlərinə ilk köç olacaq.Oxu24.com "Report"a istinadən xəbər verir ki, ilk mərhələdə respublikanın müxtəlif ərazilərində yataqxana, sanatoriya, pioner düşərgəsi, yarımçıq tikililər və inzibati binalarda müvəqqəti məskunlaşanlar kəndlərə yola salınacaq.Xatırladaq ki, 1993-cü ildə işğal olunan kəndlər 2023-cü ilin sentyabrında Azərbaycan Ordusunun Qarabağda keçirdiyi antiterror əməliyyatı nəticəsində azad olunub.
Oxu24.com Baku TV-nin məlumatına görə, bu sözləri dağlar qoynunda yerləşən, füsunkar təbiəti ilə seçilən Laçında dünyaya göz açan və illər sonra doğma yurduna qayıdan 110 yaşlı Fatma Kərimova söyləyib.Fatma nənə köçkün düşən vaxt uşaqlığının, gənclik illərinin və ömrünün böyük bir hissəsinin xatirələrini də demək olar ki, yaddaşında özü ilə aparıb. İllərlə qurub-yaratdığı evindən-ocağından nəsə götürə bilməsə də, vətən torpağından topladığı bitkini də yanında daşıyıb. İndi evinin eyvanından Laçının gözoxşayan mənzərəsini, yenidən dirçələn yurd yerini qürurla izləyir."Bu bitkini 40 il əvvəl Laçından yığmışam. Müharibə zamanı doğma yurdumdan çıxanda çamadanıma qoyub özümlə aparmışdım. İndi isə yenidən bura gətirmişəm. Hələ də qəşəng iyi gəlir", - deyə Fatma nənə bildirib.
Bu gün Azərbaycanın Milli Qəhrəmanın Natiq Qasımovun doğum günüdür.Oxu24.com xəbər veirir ki, Birinci Qarabağ müharibəsində itkin düşmüş Natiq Qasımov beş gün ac-susuz qalsa da, bayrağımızı əlindən düşürməyib.N.Qasımov 1971-ci ildə Azərbaycan Respublikası, Gədəbəy rayonu, Kiçik Qaramurad kəndində anadan olub. Ermənistan silahlı birləşmələrinin Azərbaycan Respublikasının suveren ərazilərinə hücumu ilə bağlı 1991-ci ildə könüllü olaraq Ağdam rayonunda təşkil edilmiş "Qaradağ şahinləri” taboruna yazılaraq, Vətənin müdafiəsində iştirak edib.Qaynarinfo12 mart 1992-ci ildə Xocalı rayonu, Pirlər (Xramort) kəndi istiqamətində gedən döyüşdə Ermənistan hərbçiləri tərəfindən əsir götürüb.Natiq Qasımov Xocalı rayonu, Pirlər kəndi yaxınlığında yüksəklikdə yerləşən Alban kilsəsi uğrunda döyüş zamanı altı döyüş yoldaşı həlak olduqdan sonra beş gün ac-susuz orada qalaraq təkbaşına döyüşüb.Gülləsi qurtardığından altıncı gün, 12 mart 1992-ci ildə rusiyalı və italiyalı jurnalistlər - Konstantin Smirnov və Enriko Sarzinin şahidliyi ilə Ermənistan hərbçiləri tərəfindən əsir götürülüb. Onun əsir götürlməsi faktı Rusiyada nəşr edilən "Oqonyok” jurnalının 1992-ci il 14 və 15-ci nömrələrində "Strax” adlı məqalədə təsvir edilib.Qeyd edək ki, 25 iyun 2024-cü ildə Azərbaycan Prezidenti, Ali Baş Komandan İlham Əliyevin sərəncamı ilə Natiq Qasımova Milli Qəhrəman adı verilib.
Bayram günlərində Xankəndi şəhəri təkcə bayram ab-havası ilə deyil, həm də yerli, xarici qonaqların yaratdığı canlanma ilə xüsusi diqqət çəkir. Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən verilən məlumata görə, bu günlərdə Xankəndi şəhərinə gələn qonaqların sayında xeyli artım qeydə alınıb.Qonaqlar Xankəndidə aparılan genişmiqyaslı bərpa və quruculuq işlərini, şəhərin sürətlə dirçəldiyini və yeni sima qazandığını yüksək qiymətləndirirlər.Bərdədən Xankəndiyə qonaq gələn rayon sakini Fəzail Səfərov bayram təəssüratlarını bölüşərək bildirib ki, bu şəhərdə olmaq hər bir azərbaycanlı üçün böyük mənəvi dəyər daşıyır: “Xankəndiyə bayram günlərində gəlmək sözlə ifadə olunmayacaq qədər qürurvericidir. İllər boyu həsrətində olduğumuz torpaqlarda bu gün bayram sevinci yaşamaq, azad və abad bir şəhəri görmək insanı kövrəldir. Bu günləri bizə yaşadanlara minnətdarıq.”Füzulidən Xankəndiyə gələn Rəsul Hümbətov isə burada hökm sürən bayram ovqatının xüsusi olduğunu vurğulayıb: “Xankəndidə bayram tamam başqa hissdir. Burada hər addımda dövlətin gücünü, xalqımızın birliyini hiss edirsən. Şəhərin dirçəlməsi, insanların üzündəki sevinc gələcəyə olan inamımızı daha da artırır.”Xocalı rayonu sakini olan, Goranboydan Xankəndiyə gələn Allahverən Kərimov da bayram günlərində doğma torpaqlarda olmağın onun üçün böyük qürur mənbəyi olduğunu deyib:“Bu gün Xankəndidə bayramı qarşılamaq mənim üçün tarixi bir anıdır. Şəhidlərimizin qanı ilə azad edilən bu torpaqlarda sülh, əmin-amanlıq və bayram sevinci görmək hər birimizi kövrəldir. Allah bütün şəhidlərimizə rəhmət eləsin.”Bayram günlərində Xankəndiyə axın edən qonaqların sayı şəhərdə yaranan yüksək əhval-ruhiyyəni daha da artırır”.Qeyd edək ki, Xankəndinin bayram günlərində yerli və xarici qonaqlar üçün cəlbedici məkana çevrilməsi ölkəmizin doğma torpaqlarında qurulan yeni həyatın və parlaq gələcəyin göstəricisidir.
2025-ci ildə Prezident İlham Əliyevin Qarabağa etdiyi səfərlər postmünaqişə mərhələsində Azərbaycanın bu ərazilərlə bağlı siyasətinin strateji müstəvidə formalaşdığını göstərdi. Səfərlər zamanı diqqətin infrastrukturdan yaşayış mühitinə, istehsal sahələrindən sosial xidmətlərə, nəqliyyat-logistika xətlərindən regional iqtisadi əlaqələrə yönəlməsi Q...
İşğaldan azad olunan Zəngilan rayonunun Məmmədbəyli kəndinə növbəti köç prosesi gerçəkləşib, səhər saatlarında yola salınan ailələr doğma yurdlarına çatıblar. Məmmədbəyli kəndi bu gün 29 ailə olmaqla, 147 nəfərə qucaq açıb. Kəndə qədəm qoyan ailələr sevinc göz yaşları ilə doğma yurdlarına qovuşublar. Sakinlər hərtərəfli dövlət qayğısı ilə əhatə olunduqlarına görə Prezident İlham Əliyevə və Birinci vitse-prezident Mehriban xanım Əliyevaya təşəkkür ediblər. Onlar, həmçinin torpaqlarımızı işğaldan qurtaran rəşadətli Azərbaycan Ordusuna, qəhrəman əsgər və zabitlərimizə minnətdarlıqlarını bildirib, bu yolda canlarından keçən şəhidlərimizə rəhmət, […]
Təməli ölkə başçısı tərəfindən qoyulan Kəlbəcər şəhər inzibati binası və 11 hektara yaxın ərazisi olan şəhər parkı, eləcə də müvafiq kəndlər də layihələndirmə mərhələsindədir.
Bu barədə Modern.az-ın sorğusuna cavab olaraq Kəlbəcər Xüsusi Nümayəndəliyindən məlumat verilib.
Bildirilib ki, Kəlbəcər rayonunun Zar kəndinin tikintisinə artıq başlan...
Dekabrın 20-də Xankəndi şəhərinin Kərkicahan qəsəbəsinə ilk köç karvanı yola salınıb.
Modern.az xəbər verir ki, Prezident İlham Əliyevin tapşırığına uyğun olaraq, işğaldan azad edilmiş ərazilərə Böyük Qayıdış davam etdirilir.
Xankəndi şəhərinin Kərkicahan qəsəbəsinə köç edənlər respublikanın müxtəlif yerlərində, əsasən yataqxanalarda, sanator...
"Sizi Kəlbəcərin bu xoş günlərində, yığıncağın keçirildiyi məkandan salamlayıram!"
Bu sözləri Modern.az-la həmsöhbət olarkən səfalı Kəlbəcərin ən yaşlı sakini 113 yaşlı Xeyrənsə Baxışəliyeva söyləyib.
O, deyib ki, Kəlbəcər şəhər gününü bu yaşında doğma el-obasında qeyd etmək ona sanki yenidən yaşamaq eşqi verir:
“Kəlb...
XTQ -nin əfsanəvi taborunun 13 Şəhidini təqdim edirik.Onlar həmçinin bir-birləri ilə dost olublar.Xtq Kapitan Şirinov Kamil Xtq Baş Leytenant Əzizov Xəyyam Xtq Baş Leytenantı Abbasbəyli Həmid Xtq Leytenant Qənbərli Elton Xtq Baş Gizir İsmayılov Camal Xtq Baş Gizir Cəbrayılov Süphan Xtq Gizir Vəliyev Elyar Xtq Gizir Həşimov Tərzan Xtq Gizir Quliyev Şəhriyar Xtq Gizir Əliyev Kərim Xtq Kiçik Gizir Tağıyev Ramiq Xtq Kiçik Giziri Fezullayev Beyrək Xtq Kiçik Gizir Zülfüqarov İlkinRuhları şad olsun.
İşğaldan azad olunmuş Cəbrayıl şəhərində artıq ikinci ildir ki, sakinlər Şəhər Gününü öz doğma yurdlarında bayram əhval-ruhiyyəsi ilə təntənəli şəkildə qeyd edirlər.
Modern.az xəbər verir ki, tədbirin əvvəlində rayonun qədim və müasir tarixini, mədəni irsini əks etdirən foto və interaktiv sərgi nümayiş etdirilib, həmçinin, şəhərin balaca sakinlə...
Azərbaycan Prezidenti İlham Əliyev rəsmi sosial şəbəkə səhifələrində Cəbrayıl şəhərinin Ermənistan işğalından azad edilməsinin 5-ci ildönümü ilə bağlı paylaşım edib.Oxu24.com paylaşımı təqdim edir:“Zəfər Tariximiz: 4 Oktyabr 2020-ci il Cəbrayıl”
Bu gün Cəbrayıl şəhərinin Ermənistan Silahlı Qüvvələrinin işğalından azad edilməsindən beş il ötür.Oxu24.com-un məlumatına görə, 1993-cü il avqustun 23-də ermənilər tərəfindən işğal edilən Cəbrayıl şəhəri, 2020-ci ilin oktyabrın 4-də Azərbaycan Ordusu tərəfindən azad olunub. Elə həmin gün Ali Baş Komandan, Prezident İlham Əliyev xalqa müraciətində Cəbrayıl şəhəri və rayonun daha 9 kəndi - Karxulu, Şükürbəyli, Çərəkən, Daşkəsən, Horovlu, Mahmudlu, Cəfərabad, Yuxarı Maralyan və Dəjəlin düşmən işğalından azad olunduğunu açıqlayıb.Qeyd edək ki, 2020-ci ilin noyabr ayının 16-da Prezident İlham Əliyev və birinci xanım Mehriban Əliyeva işğaldan azad edilən Cəbrayıl rayonunda olublar. Prezident Cəbrayıl şəhərində və Xudafərin körpüsündə şanlı Azərbaycan bayrağını qaldırıb.Prezident İlham Əliyevin imzaladığı sərəncama əsasən, hər il oktyabrın 4-də Cəbrayıl Şəhəri Günü kimi qeyd edilir.
Azərbaycanın Birinci vitse-prezidenti Mehriban Əliyeva instaqram hesabında 27 sentyabr - Anım Günü ilə bağlı paylaşım edib.Oxu24.com -un xəbər verir ki, paylaşımda deyilir:“Vətən uğrunda həlak olmuş qəhrəmanlarımızın əziz xatirəsi qəlbimizdə daim yaşayacaqdır! Allah bütün şəhidlərimizə rəhmət eləsin!”
Vətən müharibəsinin başlamasından beş il keçir. Oxu24.com xəbər verir ki, Prezident İlham Əliyevin 2 dekabr 2020-ci il tarixli Sərəncamına əsasən, Vətən müharibəsində qəhrəmancasına döyüşmüş, ölkəmizin ərazi bütövlüyü yolunda canlarını fəda etmiş əsgər və zabitlərimizə, bütün şəhidlərimizə dərin ehtiram əlaməti olaraq hər il sentyabrın 27-si Azərbaycanda Anım Günü kimi qeyd edilir.Bununla əlaqədar olaraq saat 12:00-da ölkə ərazisində şəhidlərin əziz xatirəsi bir dəqiqəlik sükutla yad ediləcək.27 sentyabr 2020-ci il səhər saatlarında Ermənistan Silahlı Qüvvələrinin genişmiqyaslı təxribat törədərək cəbhəboyu zonada yerləşən Azərbaycan ordusunun mövqelərini və yaşayış məntəqələrini iriçaplı silahlar, minaatanlar və müxtəlif çaplı artilleriya qurğularından intensiv atəşə tutması nəticəsində, Ermənistan ordusunun döyüş aktivliyinin qarşısını almaq, mülki əhalinin təhlükəsizliyini təmin etmək məqsədilə Azərbaycan ordusunun komandanlığı tərəfindən qoşunların bütün cəbhə boyu sürətli əks-hücum əməliyyatı başlaması barədə qərar verildi. Sonradan “Dəmir Yumruq” adını alan bu əməliyyat Vətən müharibəsinə çevrildi.44 gün davam edən müharibə ərzində 4 oktyabrda Cəbrayıl, 17 oktyabrda Füzuli, 20 oktyabrda Zəngilan, 25 oktyabrda Qubadlı və 8 noyabrda Şuşa şəhəri işğaldan azad edildi. Moskvada imzalanan müqaviləyə əsasən, noyabrın 10-u Bakı vaxtı ilə saat 01:00-dan etibarən Dağlıq Qarabağ münaqişəsi zonasında atəşin və hərbi əməliyyatların tam dayandırılması, 1 dekabradək Ermənistan qüvvələrinin Dağlıq Qarabağın ətrafında Ermənistan nəzarətindəki Azərbaycan ərazilərindən çıxarılması və Naxçıvan Muxtar Respublikası ilə Azərbaycanın qərb rayonlarını birləşdirən yeni nəqliyyat kommunikasiyalarının inşasının təmin edilməsi elan edilib.2020-ci il noyabrın 20-də Ağdam, noyabrın 25-də Kəlbəcər, dekabrın 1-də Laçın rayonları azad edilib. 44 günlük Vətən müharibəsi dövründə Azərbaycan Prezidenti, Ali Baş Komandan İlham Əliyev xalqa müntəzəm müraciətlər etdi. Bu müraciətlər Azərbaycan xalqını ayağa qaldırdı, onu yumruq kimi sıx birləşdirdi, müharibənin gedişatına və taleyinə güclü təsir göstərdi. Hər bir müraciət növbəti qələbələrin müqəddiməsinə çevrildi.Azərbaycan Prezidenti 2020-ci il sentyabrın 27-də Vətən müharibəsinin gedişində xalqa ilk müraciətində bütün cəmiyyəti qəti qələbəyə köklədi:“Biz haqq yolundayıq. Bizim işimiz haqq işidir. Biz zəfər çalacağıq! Qarabağ bizimdir, Qarabağ Azərbaycandır!” 2020-ci il oktyabrın 4-dəki xalqa ikinci müraciətində Prezident İlham Əliyev düşmənə öz yerini göstərdi:“İndi biz göstərdik kim-kimdir… Biz xilaskar missiyamızı icra edirik və edəcəyik!”2020-ci il oktyabrın 9-dakı xalqa üçüncü müraciətində Azərbaycan Prezidenti status-kvonun artıq olmadığını və təmas xəttinin yarıldığını elan etdi:“Mən dəyişdirdim status–kvonu, dəyişdirdim! Bax, orada, döyüş meydanında. Yoxdur status-kvo. Təmas xətti, yoxdur təmas xətti. Yarmışıq onu. Onlar 30 il idi ki, qururdular bu təmas xəttini… Yarıb keçmişik. Azərbaycan əsgərinin qabağında heç kim heç nə edə bilməz”.2020-ci il oktyabrın 17-də xalqa növbəti müraciətində Prezident İlham Əliyev raket hücumlarına məruz qalan Azərbaycan şəhərlərinin Ermənistanın dinc əhaliyə qarşı dövlət terrorizmi və vandalizminə müqavimət rəmzinə çevrildiyi mesajını verdi: “Heç bir təhdid, heç bir hədə, heç bir təzyiq mənim iradəmə təsir edə bilməz. Bizim işimiz haqq işidir. Biz öz torpağımızda vuruşuruq, öz ərazi bütövlüyümüzü bərpa edirik”.2020-ci il oktyabrın 26-da xalqa altıncı müraciətində dövlət başçısı Azərbaycan xalqını həlledici qələbəyə yaxın olduğunun müjdəsini verdi:“Biz əsgərlərimizin, zabitlərimizin canı-qanı bahasına bu torpaqları azad edirik. Həm döyüş meydanında, həm siyasi müstəvidə özümüzü təsdiqləmişik, dünyaya təsdiqləmişik. Azərbaycan xalqını qürurlu xalq kimi, cəsarətli xalq kimi, yenilməz xalq kimi təsdiqləmişik”.2020-ci il noyabrın 8-i Azərbaycan tarixinə qızıl hərflərlə Zəfər günü kimi yazıldı. Prezident İlham Əliyev xalqa sayca yeddinci müraciətini Şəhidlər xiyabanından edərək Şuşa şəhərinin işğaldan azad olunmasını Azərbaycan xalqına, bütün dünya azərbaycanlılarına elan etdi: “Mən bu gün, eyni zamanda, ulu öndər Heydər Əliyevin məzarını ziyarət etdim, onun ruhu qarşısında baş əydim. Ürəyimdə dedim, xoşbəxt adamam ki, ata vəsiyyətini yerinə yetirdim. Şuşanı azad etdik! Bu, böyük Qələbədir! Şəhidlərimizin, Ulu Öndərin ruhu şaddır bu gün! Gözün aydın olsun Azərbaycan! Gözünüz aydın olsun dünya azərbaycanlıları! …Bu gün Azərbaycan xalqı bu yumruq kimi birləşib! Həmişə belə olacaq! Bu birlik əbədi olacaq! Bu birlik bizə gələcəkdə də bütün vəzifələri icra etmək üçün imkan yaradacaq… Əziz Şuşa, sən azadsan! Əziz Şuşa, biz qayıtmışıq! Əziz Şuşa, biz səni dirçəldəcəyik!” Şuşanın azad olunmasından bir gün sonra 70-dən çox yaşayış məntəqəsi də işğaldan azad edildi, düşmən diz çökdürüldü, onun kapitulyasiya aktına imza atmaqdan başqa çıxış yolu qalmadı.2020-ci il noyabrın 10-da kapitulyasiya aktı imzalandı. Həmin gün xalqa sayca səkkizinci müraciətində İlham Əliyev milli şüara çevrilmiş “Qarabağ Azərbaycandır və nida” ifadəsinin artıq bütün Qarabağı əhatə etdiyini və Ermənistan-Azərbaycan münaqişəsinə son qoyulduğunu elan etdi:“Xoşbəxtəm ki, bu tarixi sənədə imza atmışam. Xoşbəxtəm ki, biz öz Vətənimizə, doğma Qarabağımıza qayıdırıq, Qarabağımızın tacı olan Şuşaya qayıdırıq və bu torpaqlarda əbədi yaşayacağıq! Bundan sonra heç kim bizi o torpaqlardan tərpədə bilməz!”Vətən müharibəsində Azərbaycan parlaq qələbə qazanaraq Ermənistanı məğlub etdi, işğala son qoydu. Bu 44 günün hər günü Azərbaycanın şanlı tarixidir.Azərbaycan xalqı və dövləti Vətən uğrunda şəhid olan qəhrəman övladlarının işıqlı xatirəsini əziz tutur, onları daim xüsusi ehtiramla yad edir, qazilərin əməyini yüksək qiymətləndirir və onlarla qürur duyur.Allah şəhidlərimizə rəhmət eləsin!Bundan başqa, ötən ilin sentyabrın 19-da üçtərəfli bəyanatın müddəalarının təmin olunması, Qarabağ iqtisadi rayonunda törədilən genişmiqyaslı təxribatların qarşısının alınması, Ermənistan silahlı qüvvələrinin birləşmələrinin tərksilah edilərək ərazilərimizdən çıxarılması, onların hərbi infrastrukturunun zərərsizləşdirilməsi, işğaldan azad edilmiş ərazilərə qayıdan dinc əhali, habelə bərpa-quruculuq işlərinə cəlb olunmuş mülki işçilər və hərbi qulluqçularımızın təhlükəsizliyinin təmin olunması və Azərbaycan konstitusiya quruluşunun bərpa edilməsi məqsədilə bölgədə lokal xarakterli antiterror tədbirlərinə başlanılıb.Cəmi bir sutka davam edən antiterror tədbirlərinin nəticəsində Qarabağdakı seperatçı rejim ağ bayraq qaldırıb.Azərbaycan Qarabağ məsələsini təkcə hərb yolu ilə deyil, həm də siyasi yolla həll edib. Belə ki, 8 avqust 2025-ci ildə Azərbaycan Prezidenti, Amerika Birləşmiş Ştatlarının Prezidenti və Ermənistanın Baş nazirinin iştirakı ilə Azərbaycan və Ermənistanın xarici işlər nazirləri “Azərbaycan Respublikası ilə Emənistan Respublikası arasında sülhün və dövlətlərarası münasibətlərin təsis olunması haqqında Saziş”in mətnini paraflayıblar.
Kəlbəcərdə qaz sızması nəticəsində partlayış olub, xəsarət alanlar var.Oxu24.com xəbər verir ki, hadisə nəticəsində 2001-ci il təvəllüdlü E.Ələkbərov, 1983-cü il təvəllüdlü N.Şükürov, 1991-ci il təvəllüdlü M.Sadıqzadə və 1977-ci il təvəllüdlü K.Əzimov yanıq xəsarətləri alıb və xəstəxanaya yerləşdirilib.Xəsarət alanlar Kəlbəcərdə yeni inşa olunmuş binalardan birində qaz xəttinin çəkilişində çalışanlardır.“Qafqazinfo”
Bu gün Azərbaycanda 26 avqust - Laçın şəhəri günü qeyd olunur.2022-ci il avqustun 26-da Laçın şəhəri, Zabux və Sus kəndləri Azərbaycan ordusunun tam nəzarəti altında keçib.2020-ci il noyabrın 10-da imzalanmış üçtərəfli bəyanata əsasən, Laçın rayonu 2020-ci il dekabrın 1-də Azərbaycana təhvil verilib. Lakin Laçın dəhlizi Laçın şəhərindən keçdiyinə görə, şəhər Rusiya sülhməramlı kontingentinin müvəqqəti nəzarəti altında qalıb.Azərbaycan tərəfindən alternativ yolun istifadəyə verilməsindən sonra ordumuz 26 avqust 2022-ci ildə Laçın şəhərinə yerləşib, eyni zamanda Zabux və Sus kəndləri nəzarətə götürülüb. Şəhərdə Azərbaycan bayrağı ucaldılıb.Beləliklə, Azərbaycan Respublikasının Prezidenti, Ali Baş Komandan İlham Əliyevin rəhbərliyi ilə Azərbaycanın qazandığı Qələbə sayəsində Ağdam və Kəlbəcərdən başqa Ermənistan Laçın rayonunu da tərk etməyə məcbur olub.Ali Baş Komandan İlham Əliyevin rəhbərliyi ilə Azərbaycanın müzəffər Ordusu sayəsində keçmiş məcburi köçkünlər artıq öz doğma torpaqlarında yenidən yaşaya bilirlər.
Ağdərədə baş verən güclü yanğın Ağdam rayon Papravənd kəndi ərazisinə keçib.Oxu24.com-un xəbərinə görə, səhər saatlarından Ağdərə şəhər ərazisində dağlıq ərazidəki meşə massivində baş verən yanğının geniş ərazilərə yayılaraq Ağdam rayon Papravənd kəndi ərazisinə çatıb.Baş vermiş yanğın hadisəsi ilə əlaqədar hadisə yerinə FHN-nin Ağdam və Ağcabədi rayonlarının yanğınsöndürən bölməsinin avtomobili və şəxsi heyyəti cəlb edilib.Hazırda yanğın genişlənməkdə davam edir:
Avqustun 21-də Azərbaycan Respublikasının Prezidenti İlham Əliyev və birinci xanım Mehriban Əliyeva Kəlbəcər şəhərində 1-ci yaşayış kompleksinin ərazisində fərdi və […]
Son dövrlərdə Qarabağ və Şərqi Zəngəzurda müxtəlif ölçülü yanğınlar vaş verir.
Modern.az-a açıqlamasında Milli Məclisin Laçından olan deputatı Rövşən Muradov qeyd edib ki, ilk ciddi yanğın hadisəsi iyulun 16-17-də Laçın rayonunda baş verdi. Onun sözlərinə görə, yanğın 14 hektara qədər ərazini əhatə edib.
“Həmin dövrdə bölgədə qura...
Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin İcraçı direktorunun 3 müavini olacaq.
Modern.az-ın məlumatına görə, bu, Prezident İlham Əliyevin imzaladığı Fərmanla Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin Nizamnaməsinə edilən dəyişiklikdə əksini tapıb.
İ...
2020-ci ilin Vətən müharibəsində Azərbaycan xalqı və ordusu misilsiz bir qəhrəmanlıq, birlik nümayiş etdirərək, işğal altındakı ərazilərimizi azad etdi. Bu tarixi Qələbə təkcə torpaq uğrunda döyüş deyil, eyni zamanda, milli kimliyin, ədalətin və müstəqil dövlət quruculuğunun təntənəsi idi. Bu gün həmin torpaqlarda həyat yenidən qaynayır. Qarabağ və Şərqi Zəngəzurun adları artıq dağıntılar, müharibə xatirələri ilə deyil, inkişaf, quruculuq və gələcəyə olan böyük ümidlərlə hallanır.İşğaldan azad edilmiş ərazilərimizin bərpası və inkişafı müasir Azərbaycan dövlətinin ən önəmli prioritetlərindən biri olmaqla yanaşı, xalqımızın mənəvi dirçəlişinin, milli həmrəyliyimizin, qətiyyətimizin ən parlaq təcəssümüdür. Uzun illər işğal altında qalan və dağıntılarla üzləşən bu torpaqlar indi Prezident, Müzəffər Ali Baş Komandan İlham Əliyevin təşəbbüsü ilə dövlətimizin həyata keçirdiyi məqsədyönlü və genişmiqyaslı yenidənqurma layihələri nəticəsində sürətlə dirçəlir, yeni həyatla nəfəs alır. Bu proses yalnız iqtisadi göstəricilərlə deyil, həm də milli mədəniyyətimizin, tariximizin bərpası və dünya miqyasında təbliği ilə birgə gedir.Azad edilmiş ərazilərə təkcə bu ilin iyulunda 500 mindən çox insanın səfər etməsi adi bir rəqəm deyil. Bu, son dərəcə mühüm göstəricidir. Həmin yarım milyon insan arasında yalnız yerli sakinlər və Vətənə qayıdan ailələr yox, həm də müxtəlif ölkələrdən gələn turistlər, sahibkarlar, investorlar, mədəniyyət və media nümayəndələri, eləcə də digər xarici qonaqlar yer alır. Bu fakt özlüyündə bölgədə yaranmış təhlükəsiz, müasir və dinamik mühitin təsdiqidir. İnsanlar oraya təkcə ziyarət üçün yox, həm də yaşamaq, sərmayə qoymaq, investisiya imkanlarını araşdırmaq üçün gedirlər. Bu, eyni zamanda, azad edilmiş ərazilərin artıq fəal proseslərin getdiyi dövrə qədəm qoyduğunu, bölgənin gələcək iqtisadi, mədəni və turizm potensialının nə qədər böyük olduğunu və reallaşdırılmağa başladığını göstərir.İqtisadiyyatın canlanmasında, xüsusilə kənd təsərrüfatının, sənaye və xidmət sahələrinin bərpası və inkişafı mühüm rol oynayır. Dövlət tərəfindən yaradılan infrastruktur, əlverişli investisiya mühiti regiona daxili və xarici investorların marağını artırır ki, bu da gələcəkdə yeni iş yerlərinin açılması və sosial rifahın yüksəlməsini təmin edən amillərdir. Turizmin sürətli inkişafı da bölgə iqtisadiyyatına ciddi təkan verir.Cari ilin iyulunda İqtisadi Əməkdaşlıq Təşkilatının (İƏT) 17-ci Zirvə görüşünün məhz Xankəndi şəhərində keçirilməsi Azərbaycanın işğaldan azad edilmiş ərazilərdə bərpa və dirçəliş prosesinin real göstəricisidir. Bu Zirvə görüşü regional əməkdaşlığın genişləndirilməsi, iqtisadi imkanların birgə istifadəsi və qarşılıqlı inkişaf üçün platforma yaratmaq məqsədi daşıyır. Prezident İlham Əliyev tədbirdəki çıxışında Azərbaycanın azad edilmiş ərazilərdə həyata keçirdiyi genişmiqyaslı infrastruktur layihələrini, "Böyük Qayıdış" proqramı çərçivəsində keçmiş məcburi köçkünlərin doğma yurdlarına qayıdışını və postmünaqişə dövründə göstərilən siyasi iradəni əsaslandırılmış faktlarla diqqətə çatdırdı. Azərbaycanın ekoloji təşəbbüsləri, sərmayə cəlbediciliyi, enerji təhlükəsizliyinə verdiyi töhfələr və nəqliyyat dəhlizləri sahəsindəki rolu da çıxışda xüsusi vurğulandı. Bütün bu məqamlar, həmçinin Azərbaycanın bölgədə sabitliyin, davamlı inkişafın və konstruktiv əməkdaşlığın təminatçısı kimi qətiyyətli mövqeyinin daha bir təzahürüdür.Bir neçə gün əvvəl Şuşa şəhərində keçirilən 3-cü Qlobal Media Forumu Azərbaycanın mədəniyyət paytaxtının artan beynəlxalq nüfuzunu bir daha təsdiqləyir. Forum təkcə media nümayəndələrini bir araya gətirən platforma deyil, həm də Qarabağın zəngin tarixinin, mədəni irsinin və incəsənət ənənələrinin dünya ictimaiyyətinə təqdim olunduğu mühüm hadisədir. Tədbirdə müxtəlif ölkələrdən gəlmiş media təmsilçiləri, ekspertlər və jurnalistlər Qarabağ reallıqları ilə yerində tanış olmaq imkanı qazandı, regionun dirçəliş prosesini öz gözləri ilə gördülər.Forum, eyni zamanda, mədəniyyətlərarası dialoq və beynəlxalq əməkdaşlıq üçün yeni körpülər qurur. Burada səslənən fikirlər, edilən təqdimatlar və aparılan qarşılıqlı fikir mübadilələri Azərbaycanın mədəni diplomatiya sahəsində qazandığı uğurların nümayişidir. Bu tədbir bir daha göstərir ki, Şuşa təkcə Azərbaycan üçün deyil, bütövlükdə region üçün mədəni, siyasi və mənəvi dəyər daşıyan unikal məkandır.Türkmənistan Xalq Məsləhətinin sədri Qurbanqulu Berdiməhəmmədovun, həmçinin ECO-nun Zirvə toplantısı çərçivəsində Qırğız Respublikasının Prezidenti Sadır Japarovun, Özbəkistan Prezidenti Şavkat Mirziyoyevin Azərbaycana, xüsusilə işğaldan azad edilmiş ərazilərə səfərləri ölkələrimiz arasında dostluğun, həmrəyliyin və qarşılıqlı dəstəyin möhkəmlənməsinin növbəti əyani təzahürüdür. Bu səfərlər regionda siyasi və iqtisadi inteqrasiyanın dərinləşməsi üçün yeni perspektivlər açır, Azərbaycanla bu ölkələr arasında əlaqələrin strateji tərəfdaşlıq səviyyəsinə yüksəlməsində önəmli mərhələdir. Bütün bunlar bir daha sübut edir ki, işğaldan azad olunmuş ərazilər təkcə Azərbaycanın suveren və ərazi bütövlüyünün bərpası baxımından deyil, həm də ölkənin sosial-iqtisadi inkişafının, mədəni dirçəlişinin və regional sülhün təminatında əsas təməllərdən biridir. Azərbaycanın bu torpaqlarda həyata keçirdiyi layihələr, təşkil etdiyi beynəlxalq tədbirlər, eləcə də aparılan siyasi dialoq bütün regionun gələcək inkişafı üçün açar rolunu oynayır.Vaqif Poeziya Günlərinin növbəti dəfə Şuşada keçirilməsi isə milli mədəniyyətimizin dərin köklərini xatırladır və gələcək nəsillərə ötürür. Molla Pənah Vaqif kimi böyük Azərbaycan şairinin irsi vasitəsilə Azərbaycan xalqının milli ruhu, azadlıq və müstəqillik arzuları təcəssüm olunur. Bu mədəni tədbirlər işğaldan azad edilmiş torpaqlarda yalnız maddi deyil, mənəvi bərpanın da reallaşdığını göstərir.Bu gün işğaldan azad olunmuş ərazilərdə həyata keçirilən genişmiqyaslı layihələr təkcə bərpa və yenidənqurma deyil, həm də gələcəyə doğru inamlı və strateji addımların bariz ifadəsidir. Burada salınan hər yeni yol, tikilən hər məktəb, yaradılan hər iqtisadi zona Azərbaycanın gələcəyinə, sabitliyə və dayanıqlı inkişafa uzanan yolun bir hissəsidir. Bu torpaqlar artıq yalnız xatirələrin deyil, həm də yeni imkanların, innovasiyaların, sosial və iqtisadi dirçəlişin məkanıdır. Qarabağ və Şərqi Zəngəzurda qurulan hər bir infrastruktur obyektinin, sosial layihənin və mədəni tədbirin arxasında böyük bir ideya dayanır - bütün xalqın gücünü və birliyini əks etdirən yenidənqurma ruhu. İşğaldan azad edilmiş ərazilərin bərpası yalnız fiziki məkana qayıdış deyil, həm də milli kimliyimizin, tarixi ədalətin və dövlətimizin suverenliyinin möhtəşəm bir təntənəsidir. Bu təntənə gələcəyə olan inamın, əzmin və ümummilli birliyin parlaq ifadəsinə çevrilib.
00:31Qarabağda baş verən yanğınların söndürülməsinə əlavə olaraq 50 nəfər yanğınsöndürən əməkdaşı cəlb olunub. məlumatına görə, Ağdam rayon Gülablı kəndində baş verən yanğın genişlənərək Xocavənd rayon Mirikənd kəndi ərazisinə yayılıb.Havanın küləkli olması yanğınsöndürən əməkdaşların işini çətinləşdirdiyindən köməyə əlavə 50 nəfər cəlb edilib.Hazırda Ağdərə rayon Umudlu kəndi istiqamətində də yanğınlar başlayıb.FHN-nin yanğınsöndürən əməkdaşları yanğın olan ərazilərdə yanğınla mübarizə tədbirlərini davam etdirir QafqazinfoAğdamdan son vəziyyəti təqdim edirik:
“Ankara Zəngəzur dəhlizinin açılmasına yardım etməyə çalışır”.Oxu24.com xəbər verir ki, bunu Türkiyənin nəqliyyat və infrastruktur naziri Abdulkadir Uraloğlu deyib.O bildirib ki, Azərbaycan və Ermənistan bu məsələ ilə bağlı lazımi müzakirələri davam etdirir.“İnanıram ki, bu məsələ yaxın vaxtlarda öz həllini tapacaq. Beləliklə, türk dünyasına daha qısa yol açılacaq”, – nazir qeyd edib.O əlavə edib ki, nəqliyyat dəhlizləri Türkiyə üçün vacibdir:“Azərbaycan həm quru, həm də dəmir yolu kommunikasiyaları üzrə işləri davam etdirir. Qars-İğdır-Naxçıvan xəttində də bu il işlərə başlayacağıq”, – Uraloğlu vurğulayıb.
Qarabağ, Şərqi Zəngəzur və Naxçıvan dabaq xəstəliyindən azad status əldə edəcək. Bu barədə Azərbaycan Qida Təhlükəsizliyi Agentliyi (AQTA) məlumat yayıb. Bildirilib ki, AQTA tərəfindən dabaq xəstəliyindən azad zonaların yaradılması üçün Ölkə Nəzarət Proqramı hazırlanaraq, Ümumdünya Heyvan Sağlamlığı Təşkilatına təqdim edilib. Proqram icraya yönəldilib. Beləliklə, Azərbaycanın Şərqi Zəngəzur və Qarabağ iqtisadi rayonlarında (Zəngilan, Cəbrayıl və Qubadlı […]
Ağdərə rayonunun Həsənriz kəndinə və Ağdam rayonunun Sarıcalı kəndlərinə yola salınan növbəti köç karvanı artıq bu kəndlərə çatıb. İctimai.az “Report”a […]
İşğaldan azad edildikdən sonra Ağdərə rayonunun Suqovuşan kəndində 32 ildən sonra ilk körpə dünyaya gəlib.
Bu barədə Modern.az-a Xankəndi şəhərində, Ağdərə və Xocalı rayonlarında Bərpa, Tikinti və İdarəetmə Xidmətinin ictimaiyyətlə əlaqələr şöbəsindən bildirilib.
Ağdərə rayon Baş Güney kəndində qeydiyyatda olan, 2005-ci il təvəllüdlü Qurbanza...
“Laçında dünən də daxil olmaqla 3 153 nəfər məskunlaşıb”. İctimai.az “Report”a istinadən xəbər verir ki, bu barədə Laçındakı xüsusi nümayəndəliyin rəsmisi […]
Futbol klublarının 2024/2025 mövsümündə avrokuboklarında iştiraka görə UEFA-dan alacaqları pul mükafatlarının məbləğləri açıqlanıb. Axar.az “Football Meets Data”ya istinadən xəbər verir ki, […]
Vətəndaşların işğaldan azad edilmiş ərazilərə fərdi avtomobillərlə səfərlərinin istiqamətləri genişləndirilir. “Böyük Qayıdış” proqramının tərkib hissəsi olaraq Azərbaycan vətəndaşlarının işğaldan azad […]
Ermənistanın Baş naziri Nikol Paşinyanın “Real Ermənistan ideologiyası” adlı layihəsini açıqlamasından 3 aya yaxın vaxt ötür. Paşinyan sözügedən layihəni fevralın […]
“Böyük Qayıdış” proqramının tərkib hissəsi olaraq Azərbaycan vətəndaşlarının işğaldan azad edilmiş ərazilərə səfərlərinin istiqamətləri genişləndirilir. Bu barədə Rəqəmsal İnkişaf və Nəqliyyat Nazirliyi və Dövlət Turizm Agentliyi birgə məlumat yayıb. Mayın 20-dən etibarən vətəndaşlar “Yolumuz Qarabağa” portalından (www.yolumuzqarabaga.az) əldə olunan icazə əsasında fərdi minik avtomobilləri ilə artıq Ağdam, Füzuli, Xocavənd, Cəbrayıl, Zəngilan, Xankəndi, Xocalı və Ağdərə istiqamətlərində də səfər edə biləcəklər. Qeyd edək ki, öncədən portal vasitəsilə yalnız Şuşa, Laçın şəhərləri və Suqovuşan qəsəbəsinə səfər üçün icazə əldə etmək mümkün idi. […]
O, həm döyüş meydanında igid, həm də el-oba arasında sevilən bir sənətkar idi… Mayın 8-i birinci Qarabağ müharibəsinin igid döyüşçüsü, şəhid Novruz […]
Bu gün Bakı Hərbi Məhkəməsində davam etdirilən məhkəmə prosesində Kəlbəcər rayonunun Ermənistan tərəfindən işğal olunmasını əks etdirən videomaterial nümayiş etdirilib
Modern.az xəbər verir ki, videomaterial Ermənistan silahlı qüvvələrinin mövqelənmələri barədə danışması ilə başlayır.
Kadrlarda Monte Melkonyan erməni hərbçilərdən bir neç...
İşğaldan azad olunan ərazilərdə işlər ildırım sürəti ilə aparılır.
Modern.az xəbər verir ki, bunu Bakı şəhər icra hakimiyyətinin başçısı Eldar Əzizov Heydər Əliyevin anadan olmasının 102-ci ildönümü münasibətilə tədbir və Bakı şəhər prokurorluğunun inzibati binasının yeni korpusunun açılış mərasimində deyib.
O bildirib ki, ölkədə bütün sahələ...
“Qarabağ söhbətləri” kitabının müəllifi, Qarabağ probleminə dair yüzlərlə yazı yazmış şuşalı Hikmət Sabiroğlunun məhkəmədəki çıxışı tarixi çıxışdır. Yazıçı, jurnalist Fəxri […]
Türkiyə Respublikasının Kayseri şəhər rəhbərliyi, bələdiyyə sədrləri, ali təhsil müəssisələrinin rektorları, siyasi partiyaların Kayseri şəhər təşkilatlarının rəhbərləri və Kayseridən seçilmiş […]
“Bu il əhalinin Xocavəndə köçürülməsi nəzərdə tutulur. Xocavənd şəhərində, rayonun kəndlərində, Hadrut qəsəbəsində təmir-bərpa işləri aparılır”. Bu fikirləri açıqlamasında Ağdam, […]
Şuşa Müalicə-Sağlamlıq Mərkəzi ilin sonuna tam istifadəyə veriləcək. Ora 90 çarpayılıqdır və 6 korpusdan ibarətdir.
Modern.az xəbər verir ki, stasionar xidmət sahəsində terapiya, pediatriya, cərrahiyyə, hemodializ və digər şöbələr fəaliyyət göstərəcək. Ambulator xidmət sahəsində isə konsultativ poliklinika, uşaq poliklinikası, şüa-diaqnosti...
“Sarıcalı kəndində əhaliyə xidmətin daha yaxşı təşkili üçün çoxfunksiyalı inzibati binada bir sıra qurumlar fəaliyyət göstərəcək”. Bunu Ağdam, Füzuli və Xocavənd rayonlarında Bərpa, Tikinti və İdarəetmə Xidmətinin mətbuat katibi Leyla Sarabi bildirib. Qeyd edilib ki, bu, öz növbəsində əhaliyə göstəriləcək xidmətlərin vahid məkandan təqdim olunmasına və vətəndaş məmnunluğunun təmin edilməsinə imkan yaradacaq. Çoxfunksiyalı inzibati bina [...]
Azərbaycan əraziləri işğal altında olan vaxtlarda Qarabağ ərazisində istehsal edilən məhsullar xarici ölkələrə “Ermənistan məhsulları” adı altında satılıb.
Modern.az xəbər verir ki, bu sözləri martın 14-də Bakı Hərbi Məhkəməsində keçirilən məhkəmə prosesində təqsirləndirilən şəxs Bako Sahakyan dövlət ittihamını müdafiə edən prokurorl...
“Hazırda Şuşa Dövlət Peşə Təhsil Mərkəzi yaradılır, Ağdam, Qubadlı, Zəngilanda isə peşə təhsil müəssisələri ilə bağlı layihələndirmə işləri aparılır”. İctimai.az […]
Fövqəladə Hallar Nazirliyinin “112” qaynar telefon xəttinə Zəngilan rayonu, Zəngilan-Mincivan yolunun 10-cu km-də irigövdəli ağacın aşması və nəticədə magistral yolun […]
Prezident İlham Əliyevin tapşırığına uyğun olaraq, “İşğaldan azad edilmiş ərazilərə Böyük Qayıdışa dair I Dövlət Proqramı”na əsasən, yenidən qurulan Cəbrayıl şəhərinə respublikanın […]
Qarabağa səyahət imkanları yaradılıb. İcimai.az xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb. Bildirilib ki, “Böyük Qayıdış” […]
“Laçın şəhəri 2025-ci ildə MDB-nin mədəniyyət paytaxtı olacaq”. Bunu Rusiya Prezidentinin köməkçisi Yuri Uşakov keçirdiyi brifinqdə deyb. Qeyd edək ki, 2024-cü ildə Özbəkistanın Səmərqənd şəhəri bu statusa layiq görülüb.
Azərbaycanın Laçın şəhəri 2025-ci ildə MDB-nin mədəniyyət paytaxtı statusunu alacaq. TASS xəbər verir ki, bu barədə Rusiya Federasiyası Prezidentinin köməkçisi […]
Azərbaycan Milli Elmlər Akademiyasının (AMEA) prezidenti akademik İsa Həbibbəyli işğaldan azad olunmuş ərazilərdə ilk dəfə olaraq yaradılan Şuşa-Daşaltı Dərin Quyu […]
Böyük Qayıdış proqramına uyğun olaraq, Əmək və Əhalinin Sosial Müdafiəsi Nazirliyinin tabeliyində Dövlət Məşğulluq Agentliyi işğaldan azad olunmuş ərazilərimizə köçürülən […]
Polis əməkdaşları Xankəndi şəhərində avtomat və qumbaralar tapıblar. Bu barədə Daxili İşlər Nazirliyinin (DİN) Mətbuat Xidməti məlumat yayıb. Bildirilib ki, […]
Böyük Qayıdış proqramının vaxtında və keyfiyyətli icra olunması qarşıda duran əsas prioritet məsələlərdən biridir. Azərbaycan Ordusu Qarabağ torpağını işğaldan azad […]
“2025-2026-cı illərdə də avtomat hidroloji və meteoroloji stansiyaların alınaraq quraşdırılması nəzərdə tutulub”. APA xəbər verir ki, bunu ekoloji məsələlər üzrə […]
“Qarabağ Universitetində turizm fakültəsinin açılması planları var və bu istiqamətdə iş aparılır”. Oxu.Az-ın məlumatına görə, bunu Elm və Təhsil Nazirliyi […]
Azərbaycan Prezidenti İlham Əliyevin tapşırığına uyğun olaraq, yenidən qurulan Füzuli şəhərinə keçmiş məcburi köçkünlərin qayıdışı davam edir. Oxu.Az xəbər verir ki, noyabrın 24-də […]
Laçın rayonunun Zabux kəndinə növbəti köç karvanı yola salınıb. Oxu.Az-ın məlumatına görə, Qaradağ rayonu, Lökbatan qəsəbəsində məcburi köçkünlər üçün inşa […]
44 günlük Vətən müharibəsindəki şanlı qələbəmizdən sonra qarşıda duran əsas hədəf işğaldan azad edilmiş ərazilərimizdə quruculuq-bərpa işlərini həyata keçirmək, Böyük […]
Qubadlı rayonunda silah-sursat aşkar edilib. Bu barədə Daxili İşlər Nazirliyinin Mətbuat Xidmətinin Bərdə regional qrupu məlumat yayıb. Bildirilib ki, Qubadlı […]
Hazırda Ağdam və digər işğaldan azad olunan rayonlarda sürətli yenidənqurma-bərpa işləri gedir Birinci Qarabağ müharibəsində Azərbaycanın rayonlarının işğalında mərkəzi hakimiyyətdə […]
Laçın rayonunun Zabux kəndinə növbəti köç karvanı yola salınıb. Qaradağ rayonu, Lökbatan qəsəbəsində məcburi köçkünlər üçün inşa edilmiş “Qobu Park-3” […]
İşğaldan əvvəl Laçın şəhərində fəaliyyət göstərən kinoteatrın binası yenidən bərpa olunaraq fəaliyyətə başlayıb. APA-nın Qarabağ bürosu xəbər verir ki, tədbirdə […]
Daxil ol
