Miller Uaylderə müharibə elan etdi: "Boks gecəsini alt-üst etməyə hazıram"

Amerikalı boksçu Carrell Miller (28-1-2, 22 nokaut) Deontay Uaydler (45-4-1, 43 nokaut) ilə mümkün döyüş barədə onunla əlaqə saxlanıldığını bildirib.

Boksçu bu barədə “Instagram” səhifəsində məlumat verib.

“Deyirlər ki, Deontay Uaylder nəhayət mənimlə döyüşmək istəyir. Mənə artıq zəng etmişdilər. Əgər həqiqətən ciddisinizsə, onda avans göndərin.

Bu qədər danışmaq yetər, döyüşdən yayınmaq kifayətdir. Əsl döyüşün vaxtıdır”

Gəlin etiraf edək ki, anderkard onsuz da tamamilə axmaq idi, ona görə də bu şounu xilas etmək üçün “Biq Beybi” lazımdır. Amma bir şeyi başa düşün, bu, sadəcə boks və ya dostcasına sparrinq deyil. Aramızda əsl düşmənçilik var. Bütün bu boks gecəsini alt-üst etməyə hazıram”, – Miller deyib.

Qeyd etmək lazımdır ki, “bürünc bombardmançı”nın 11 dekabrda Fyuri və Coşua boks matçının alt hissəsində Cem Opetayi ilə döyüşməsi planlaşdırılırdı. Lakin avstraliyalı gözlənilmədən bir gün əvvəl döyüşdən imtina etdi. Onun qərarının səbəbləri hələlik məlum deyil.

Derek Çisora artıq onu əvəz etmək istəyini bildirib. Britaniyalı Uaylderdən aprel məğlubiyyətinin qisasını almaq istəyir.