Xanımı məşhur müğənninin külliyatını məhv edib: “Anamı Oqtayın yanında dəfn etdiyimiz üçün bizi danışdırmırdı” - ÖZƏL

“Oqtayın fəxri adlarının sürəti, medalları, qəzetlərə verdiyi müsahibələrin hamısı məndədir. Onları tapıb bir yerə yığmışam. Onun qadını Nadejda alzaymer xəstəsi idi. Bütün külliyatını məhv etmişdi. Mən də Türkiyədə yaşayırdım, gələndə artıq o rəhmətə getmişdi. Təkcə mənimlə əlaqə saxlayırdı. Anamı Oqtayın yanında dəfn etdiyimiz üçün məndən də küsmüşdü. Deyirdi ki, ananı niyə Oqtayın yanında dəfn etdiniz?! Şəhərin mərkəzində, gözəl yerdə Oqtayın evi var idi. Həmin evi satıb Buzovnada ev almışdı”.

Bunu açıqlamasında görkəmli sənətkar, Xalq artisti Oqtay Ağayevin bacısı Ofeliya Ağayeva deyib.

O daha sonra əlavə edib:

“Oqtay onu Düşənbədən gətirmişdi.. Rəqqasə idi. Konsertlərdən birində gəlir ki, guya Oqtayı yola salsın, minir vaqona onunla Bakıya qayıdır. Bir növ qoşulub qaçır. Nadejda xanım balerina idi. Anam istəmirdi ki, oğlu rus qızla evlənsin. Nadejda da bunu bilirdi və beyninə qoymuşdu ki, biz onu istəmirik. Gəlin qaynana kimi aralarında söz olanda mən qaçırdım ki, heç nə eşitməyim və onların işinə qarışmayım. Heç vaxt intriqalarına özümü qurban verməmişəm. Nadejda ilə Oqtayın 1 övladı var idi. O da Oqtaydan 2 il öncə rəhmətə getmişdi. Xəstəliyi var idi”.