Böyük Britaniyalı siyasətçi Devid Lemmi Baş nazir Endi Börnhemə növbəti parlament seçkilərində Leyboristlər Partiyasının Avropa Birliyinə (AB) yenidən üzvlük vədi ilə iştirak etməsi çağırışı edib.
Devid Lemminin fikrincə, yalnız Avropa Birliyinə tamhüquqlu üzvlük Böyük Britaniyada iqtisadi artımı təmin edə və ölkəyə AB-nin vahid bazar qaydalarının formalaşdırılmasında söz sahibi olmaq imkanı verə bilər.
Bu çağırış Baş nazir Endi Börnhemin Böyük Britaniyanın Avropa ilə uzunmüddətli münasibətlərinin yenidən qurulmasına dair mümkün variantları təqdim edəcəyini açıqlamasından sonra səsləndirilib. Baş nazir gələcəkdə ölkənin Avropa Birliyinə yenidən üzvlüyü məsələsinin gündəmə gətirilə biləcəyini istisna etməsə də, növbəti parlament seçkilərinə qədər münasibətlərdə köklü dəyişikliklərin aparılmayacağını bildirib.