ABŞ ordusu Oman körfəzində ticarət gəmisini sıradan çıxarıb.
Bu barədə ABŞ Mərkəzi Komandanlığı (CENTCOM) məlumat yayıb.
Komandanlığın açıqlamasında bildirilir ki, CENTCOM qüvvələri noyabrın 7-də Oman körfəzində ticarət gəmisini zərərsizləşdirib.
“Gəminin mülki heyəti dəfələrlə edilən xəbərdarlıqlara məhəl qoymayıb və İranın dəniz blokadasını bir neçə dəfə pozmağa cəhd edib”, – deyə məlumatda qeyd olunub.
Bildirilib ki, zərbə gəminin arxa hissəsinə yüksək dəqiqlikli sursatlardan istifadə edilməklə endirilib.